1 Njé gə́ Kɔrḭtə 11:7 - Maktub gə́ To gə Kəmee

⁷ Diŋgam lé a kon dəa gə né el mbata yeḛ ɔr rɔ Ala ləm, yeḛ to njekula rɔnduba dəa’g ləm tɔ. Dené lé yeḛ to gə́ njekula rɔnduba dɔ diŋgam’g.

1 Njé gə́ Kɔrḭtə 11:7 ပူးပေါင်းရင်းမြစ်များ

Gḭ-Néje 3:16

Yeḛ ula dené lé pana: M’a kila meeko̰ dɔ maree’g k’ari loo gə́ i a kaw gə kèm. M’a kar kèm ulai ndubu unda nje gə́ kédé ləm, Ndɔ koji ŋgon ləi kara ndóo a tooi yaa̰ ləm tɔ. Néndiŋga ləi a kḭ rɔ ŋgabije’g Nɛ yeḛ a to dəw dɔi ya tɔ.

Gḭ-Néje 5:1

Aa ooje, maktub gə́ wɔji dɔ ŋgaka Adam lé ɓa nee. Loo gə́ Ala unda dəw lé yeḛ rəa aree to tana gə Ala ya pai-pai.

Gḭ-Néje 9:6

Dəw gə́ rara ɓa ila məs dəw maree naŋg lé Maree kara a kila məsee-yeḛ naŋg ya tɔ, Mbata Ala ra dəw aree to tana səa pai-pai ya.

Pakɔsje 8:6

I undá aree nai lam bèe ndá a kas səi-i Ala ləm, I ula dɔgugu rɔnduba gə riɓar dəa’g ləm tɔ.

Gosota-Kəmkàrje 12:4

Dené gə́ njemeemaji lé To dɔgugu lə ŋgabeeje, Nɛ yeḛ gə́ ila rɔkul dɔ loo’g lé To asəna gə kuru gə́ sɔ siŋga rɔ ŋgabeeje bèe.

1 Njé gə́ Kɔrḭtə 11:3

Nɛ lé bèe kara ma m’ndigi kar sí gərje gao to gə́ Kristi lé to dəw dɔ diŋgam gə́ rara kara ləm, ar diŋgam kara to dəw dɔ dené ləma, ar Ala to dəw dɔ Kristi ləm tɔ.

1 Njé gə́ Kɔrḭtə 11:6

Ɓó lé dené lal kon dəa gə́ né ndá maji karee inja dəa. Ɓó lé yeḛ oo gə́ nérɔkul gə mba kinja dəa əsé ndisa ndá maji karee on dəa gə né.

2 Njé gə́ Kɔrḭtə 8:23

Togə́bè ɓa, ta gə́ wɔji dɔ Titə lé yeḛ to njeboalookaw lə sí ləm, gə njeboakula lə sí gə́ nai gə́ darɔm-ma nja rɔ sí’g ləm tɔ. Ta gə́ wɔji dɔ ŋgako̰ síje lé deḛ to njékaḭkulaje lə Eglisəje gə́ to rɔnduba lə Kristi.

Maktub gə́ Jak ula ne ar ngan-Allaje 3:9

Ndo̰ sí ɓa jeḛ m’pidi ne Mbaidɔmbaije Bɔ síje’g ləm, ndo̰ sí ɓa jeḛ j’ɔr ne gə dəwje gə́ to nékundaje lə Ala lé gə́ tana səa pai-pai lé ləm tɔ.