1 Njé gə́ Kɔrḭtə 11:23 - Maktub gə́ To gə Kəmee

²³ Né gə́ ma m’ndoo sí lé m’taa rɔ Mbaidɔmbaije’g ya: Jeju Mbaidɔmbaije, mee tilee gə́ deḛ ndogee’g lé yeḛ un pil muru

1 Njé gə́ Kɔrḭtə 11:23 ပူးပေါင်းရင်းမြစ်များ

Matiyo 26:17

Ndɔ gə́ doŋgɔr gə́ deḛ ra naḭ d’wɔji ne dɔ muru gə́ nétiee godo keneŋ ndá njékwakila Jejuje rəm wɔr gə́ rəa’g dəjee pana: See loo gə́ ra ɓa i ndigi kar sí n’gɔl néra Pag lé keneŋ wa.

Matiyo 26:2

Seḭ gərje gao, nai ndɔ joo ba mba kar dee ra naḭ Pag, ndəa neelé d’a kula Ŋgon-dəw ji dee’g mba kar dee ɗaree kaar kag’d.

Matiyo 26:34

Jeju tel ilá keneŋ pana: Ma m’ulai təsərə, mee til’g neelé ya, i a maḭ dɔ rɔi dɔm’g gɔl munda ɓa kona a no̰ ɓəi.

Matiyo 28:20

Ndoo deeje mba kar dee gər loo kaa dɔ néje lai gə́ m’un ndum m’ar sí lé. Aa ooje ma nja kara m’orè sə sí rəw na̰’d més saar ndɔ gə́ rudu naŋg nee a kun ɗiao.

Lugu 22:17

Tɔɓəi yeḛ un ŋgo-kai-né gə́ mán-nduú to keneŋ ra ne Ala oiyo ɓa ula ar dee pana: Taaje tɔsje ta na̰’g,

Néra Njékaḭkulaje 20:7

Ndɔ gə́ doŋgɔr gə́ njekorè goo ndɔ-kwa-rɔ lé jeḛ j’wa dɔ na̰ gə mba gaji muru kar na̰. Pool gə́ bèlè a gə kḭ lé yeḛ ɔr ginta ar njékwakiláje ula dee ta yaa̰ saar ar dan loo bab.

1 Njé gə́ Kɔrḭtə 10:16

Ŋgo-kai-né gə́ Ala tɔr ne ndia dɔ sí’g gə jeḛ n’tɔr ne ndu sí dɔ’g lé see to né gə́ ɔm meḛ sí na̰’d sad gə məs Kristi lé el wa. Muru gə́ jeḛ j’wa n’gaji lé see to né gə́ ɔm sí na̰’d gə darɔ Kristi lé el wa.

1 Njé gə́ Kɔrḭtə 15:3

Aa ooje, ta gə́ ma m’ndoo sí lé m’aree ur dɔ taje’g lai, ma nja kara m’taa gə məəm tɔ. Taree ɓa to nee: Kristi lé wəi mbata kaiya lə sí gə goo ta gə́ mee maktub gə́ to gə kəmee pa ləm,

Njé gə́ Galati 1:1

Ma Pool, njekaḭkula gə́ ḭ rɔ dəwje’g el ləm, dəw kára kara ɔrm undam el ləm tɔ nɛ Jeju Kristi ləm, gə Ala, Bɔ-dəwje gə́ njekaree unda loo teḛ dan njé gə́ d’wəi’g ləm tɔ lé deḛ nja ɓa d’ɔrm d’undam gə́ njekaḭkula ya.

Tel tura Godndu 4:5

Seḭ gərje gao to gə́ ma m’ndoo sí godnduje gə ndukunje gə́ Njesigənea̰ Ala ləm ulam gə mba kar sí raje née mee ɓee gə́ seḭ a gə kawje keneŋ kaw taaje gə́ né ka̰ sí lé.

Njé gə́ Kolosə 3:24

mbata seḭ gərje gao, seḭ a kiŋgaje nénduba ji Mbaidɔmbaije’g gə́ nékoga dɔ ji sí lé. Raje né arje Kristi Mbaidɔmbaije lé tɔ.

1 Njé gə́ Tesalonikə 4:2

Tɔgərɔ ya, ta ndooje gə́ jeḛ m’pa j’ar sí gə ri Mbaidɔmbaije Jeju lé seḭ gərje gao ya.