1 Njé gə́ Kɔrḭtə 10:32 - Maktub gə́ To gə Kəmee

³² Maji kar sí ilaje Jibje əsé Grekje əsé Eglisə lə Ala kag el,

1 Njé gə́ Kɔrḭtə 10:32 ပူးပေါင်းရင်းမြစ်များ

Néra Njékaḭkulaje 20:28

Bèe ndá arje meḛ sí dɔ rɔ sí’g ləm, aaje dɔ badə-kosoje gə́ Ndilmeenda unda sí gə́ njékaa dɔ deeje lé gə mba kar sí ulje Eglisə lə Mbaidɔmbaije gə́ yeḛ uga gə məsee-yeḛ nja ləm tɔ.

Néra Njékaḭkulaje 24:16

Gelee gə́ nee ɓa m’ɔs ne rɔm ɓad gə mba kaar no̰ Ala’g gə no̰ dəwje’g gə meenda kɔr jol-jol.

Njé gə́ Rɔmə 14:13

Togə́bè ɓa maji kar síjeḛ n’gaŋgta dɔ na̰’d el. Nɛ maji kar sí wɔjije meḛ sí’g gə mba ra né kára kara gə́ a kila mar síje kag el ləm, əsé gə́ a kar dee tuga gɔl dee koso ne el ləm tɔ.

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 10:33

raje to gə́ ma kara m’ula rɔm ndubu gə mba ra dɔ néje’g lai gə mba taa ne kəm dəwje lai ɓó m’saŋg né gə́ wɔji dɔ maji ləm-ma gə karm el. M’saŋg né gə́ wɔji dɔ maji lə koso-dəwje bura mba kar dee d’aji ne.

1 Njé gə́ Kɔrḭtə 11:22

See kəi lə sí gə mba sɔ né gə kai né keneŋ lé godo wa. Esé see seḭ ndigije kila ndɔl dɔ Eglisə’g lə Ala lé ɓa seḭ ilaje ne rɔkul dɔ dee gə́ lal kiŋga né lé wa. See m’a pa ban kar sí ɓəi wa. See m’a pidi sí gə́ pidi wa. Wah! Né neelé m’a pidi sí dɔ’g el.

1 Njé gə́ Kɔrḭtə 12:28

Yee ɓa Ala unda ne gin Eglisə, ar deḛ gə́ dɔtar lé to njékaḭkulaje ləm, njékɔm dee’g jooje to njéteggintaje ləma, njékɔm dee’g mṵdaje to njḛ́gɔ-négərje ləm tɔ, njékorè goo deeje gə́ raŋg lé to njéra némɔrije ləm, gə deḛ gə́ d’iŋga nénoji mba kida ne rɔko̰ rɔ dəwje’g ləm, gə njéla gə mar deeje gə́ d’odo nékodoje gə́ wɔi dee ləm, gə deḛ gə́ d’askəm kɔr no̰ mar deeje ləma, gə deḛ gə́ gər pa takɔji dəwje gə́ ɓəd-ɓəd ləm tɔ.

1 Njé gə́ Kɔrḭtə 15:9

Ma lé m’to rudu njékaḭkulaje gə́ ma m’as kar dee ɓarm njekaḭkula el mbata ma m’ula kəm Eglisə lə Ala ndòo boi.

1 Njé gə́ Kɔrḭtə 7:17

Nɛ maji kar nana kara njaa gə panjaa ləa gə́ Mbaidɔmbaije tɔjee loo gə́ Ala ɓaree keneŋ. Yee gə́ bèe ɓa m’un ndum m’ar Eglisəje gə́ loo lai.

1 Njé gə́ Kɔrḭtə 8:13

Gelee gə́ nee ɓa, ɓó lé nésɔ gə́ togə́bè a gə kila ŋgokɔm kag ndá m’a sɔ da gə́ rara kara el ŋga, nà m’a kila ŋgokɔm kag.

2 Njé gə́ Kɔrḭtə 1:1

Ma Pool, njekaḭkula lə Jeju Kristi gə́ Ala ɔree kəmee’g to gə́ mée wɔji, jeḛ gə Timote, ŋgoko̰ sí lé jeḛ ndaŋg maktub nee j’ar Eglisə lə Ala gə́ to Korintə ləm, j’ar deḛ gə́ to gə kəmee lai gə́ d’isi Akai ləm tɔ.

2 Njé gə́ Kɔrḭtə 6:3

Jeḛ n’ra né kára kara gə́ mba kila ne dəw kag el gə mba kar ta wa ne dɔ kula ra sí el.

Njé gə́ Galati 1:13

Néram gə́ kédé loo gə́ ma m’nai ne gin Jibje’g ɓəi lé seḭ gərje gao ya, seḭ ooje to gə́ ma m’ula kəm Eglisə lə Ala ndòo m’ra sə dee néurti ləm, m’sané dee kad-kad ləm tɔ.

Njé gə́ Pilibə 1:10

mba kar sí gərje ne loo kɔr kəm néje gə́ maji ɔr njoroŋ ya. Yee ɓa seḭ a toje ne dəwje gə́ àr ŋgad-ŋgad gə́ ta kára kara wa dɔ sí el ndəa gə́ ka̰ Kristi lé.

Njé gə́ Pilibə 3:6

Ma lé m’tədkag loo m’to ne njekula ne kəm Eglisə ndòo tɔ. Meekarabasur gə́ wɔji dɔ godndu lé d’oo ta kára kara mba kila dɔm’g kwɔji ne dəa el.

1 Njé gə́ Tesalonikə 2:14

Tɔgərɔ ya, ŋgakɔmje, seḭ telje ndajije kəm Eglisəje lə Ala gə́ d’ɔm na̰’d gin Jeju Kristi mee ɓeeko̰ gə́ Jude lé mbata seḭje kara njé gə́ goo ɓee’g lə sí-seḭ ɓa d’ula kəm sí ndòo to gə́ Jibje kara d’ula kəm dee-deḛ ndòo bèe ya tɔ.

1 Timote 3:15

ɓa ɓó lé gɔlm nai ti ɓəi ndá i a gər ne néje gə́ kəm ra mee kəi’g lə Ala gə́ to Eglisə lə Ala gə́ njesikəmba lé ləm, gə́ to gaji ŋgɔ-kag gə́ gəd kankəmta lé ləm tɔ.

1 Timote 3:5

Mbata ɓó lé dəw gər kaa dɔ kəi ləa-yeḛ el ndá see yeḛ a gər kaa dɔ Eglisə lə Ala loo gə́ ra gə́ wa.

Rudu 3:14

Yeḛ to naŋg gɔl Boaj’g saar ar loo àr ndá yeḛ ḭta gə loo gə́ to gḭdo-gḭdo gə́ dəw askəm gər maree el ɓəi. Boaj pana: Maji kar dəw kára kara gər to gə́ dené ree loo-kunda-kó’g neelé el.