1 Njé gə́ Kɔrḭtə 10:16 - Maktub gə́ To gə Kəmee

¹⁶ Ŋgo-kai-né gə́ Ala tɔr ne ndia dɔ sí’g gə jeḛ n’tɔr ne ndu sí dɔ’g lé see to né gə́ ɔm meḛ sí na̰’d sad gə məs Kristi lé el wa. Muru gə́ jeḛ j’wa n’gaji lé see to né gə́ ɔm sí na̰’d gə darɔ Kristi lé el wa.

1 Njé gə́ Kɔrḭtə 10:16 ပူးပေါင်းရင်းမြစ်များ

Lugu 22:17

Tɔɓəi yeḛ un ŋgo-kai-né gə́ mán-nduú to keneŋ ra ne Ala oiyo ɓa ula ar dee pana: Taaje tɔsje ta na̰’g,

Néra Njékaḭkulaje 2:42

Deḛ d’wa meḛ dee kɔgərɔ dɔ ta gə́ njékaḭkulaje ndoo dee lé, d’wa sə dee dɔ na̰ ləm, deḛ d’o̰ sə dee muru ləma, deḛ ra sə dee tamaji na̰’d ləm tɔ.

Néra Njékaḭkulaje 2:46

Ndɔje kára-kára lai lé deḛ d’aw na̰’d kəi-Ala’g ta teg-teg ləm, d’aw kəi lə na̰ d’o̰ muru na̰’d gə rɔlel gə meendakaḭ ləm tɔ.

Néra Njékaḭkulaje 20:11

Tɔɓəi yeḛ tel tuga loo gə́ kəmee gə́ tar ndá yeḛ təd muru o̰ ɓa yeḛ wɔji sə dee ta kuree əw ya saar ar loo àr ɓəi. Gée gə́ gogo yeḛ uba naŋg ḭ aw ɓəi.

Néra Njékaḭkulaje 20:7

Ndɔ gə́ doŋgɔr gə́ njekorè goo ndɔ-kwa-rɔ lé jeḛ j’wa dɔ na̰ gə mba gaji muru kar na̰. Pool gə́ bèlè a gə kḭ lé yeḛ ɔr ginta ar njékwakiláje ula dee ta yaa̰ saar ar dan loo bab.

1 Njé gə́ Kɔrḭtə 1:9

Ala to njemeenda londoŋ ya, yeḛ nja ɓa ɓar sí ɔm sí na̰’d sad gə Jeju Kristi Ŋgonee gə́ to Mbaidɔmbaije lə síjeḛ ya.

1 Njé gə́ Kɔrḭtə 10:15

Ma m’oo sí gə́ njékəmkàrje ɓa ma m’wɔji ne sə sí taje neelé tɔ. Naaje ta gə́ ma m’pa lé ooje tɔ.

1 Njé gə́ Kɔrḭtə 12:13

Jeḛ lai gə́ to gə́ Jibje əsé Grekje, əsé ɓərje, əsé ŋgankojije kara deḛ ra sí batɛm d’ɔm sí ne na̰’d kára ba gin Ndil gə́ kára ba ləm, Ndil gə́ kára ba ya to meḛ sí’g lai ləm tɔ.

Ǝbrəje 3:14

Tɔgərɔ ya ɓó lé j’aar njaŋg dɔ meekun’g lə sí gə́ j’un kédé lé saar ndɔ rudu ndá jeḛ j’ɔm na̰’d gə Kristi ya.

1 Ja̰ 1:3

Né gə́ jeḛ j’oo gə mbi sí gə kəm sí lé ɓa jeḛ j’ɔr gée j’ar sí-seḭ ya mba kar sí-seḭ kara a kɔmje ne meḛ sí na̰’d sad sə sí to gə́ jeḛ j’ɔm meḛ sí na̰’d sad gə Bɔ-dəwje ləm, gə Ŋgonee Jeju Kristi ləm tɔ.

1 Ja̰ 1:7

Nɛ ɓó lé jeḛ njaa dan kàrá to gə́ yeḛ nja nai dan kàrá lé ndá jeḛ j’ɔm meḛ sí na̰’d sad ya, bèe ɓa məs Jeju Ŋgonee ɔr ne won kaiyaje lə sí ɓə̰dərə-ɓə̰dərə tɔ.