1 Njé gə́ Kɔrḭtə 10:13 - Maktub gə́ To gə Kəmee

¹³ Né gə́ rara ɓa gə́ naa sí lé naa gar síje togə́bè tɔ, ɓó al dɔ siŋga dee el. Ala lé to njemeenda londoŋ ndá yeḛ a kya̰ né gə́ naa sí karee al dɔ siŋga sí el nɛ yeḛ nja a kar sí siŋga sí ləm, yeḛ a ra rəw kar sí dumje ne dɔ né gə́ naa sí lé tɔ.

1 Njé gə́ Kɔrḭtə 10:13 ပူးပေါင်းရင်းမြစ်များ

Pakɔsje 124:7

Ŋgaw meḛ sí teḛ aḭ asəna gə yel gə́ teḛ kəm jám’g lə njékwayelje bèe ləm, Jám lé kara gaŋg ar sí n’teḛ j’aḭje ne ya ləm tɔ.

Pakɔsje 125:3

Mbata kag-mbai gə́ ka̰ meeyèr lé A ko̰ɓee dɔ njémeekarabasurje’g el Gə mba kar njémeekarabasurje lé D’ula ji dee par gə́ néra gə́ kori-kori’g lé el.

Pakɔsje 36:5

Né gə́ to gə dɔ najee el lé Yeḛ la̰ji toree mée’g loo tée’g ləm, Rəw néra gə́ majel ɓa yeḛ aar keneŋ njaŋg ləma, Néra gə́ majel lé kara yeḛ ɔs rəw el ləm tɔ.

Pakɔsje 89:33

N’a kunda dee gə ndəi-kɔb mbata kalta lə dee ləm, N’a kar dee d’oo ko̰ néra kori-korije lə dee ləm tɔ.

Teḛ-Raga 3:17

tɔɓəi neḛ pana: N’a kɔr sí dan nékəmndoo’d gə́ mee ɓee gə́ Ejiptə mba teḛ sə sí kaw sə sí ɓee lə Kana̰je ləm, gə Hetje ləm, gə Amɔrje ləm, gə Peresje ləm, gə Hebje ləma, gə Yebusje ləm tɔ, to ɓee gə́ mbà to keneŋ yaa̰ ləm, ubu tə̰ji kara to keneŋ yaa̰ ləm tɔ.

Esai 11:5

Néra gə́ gə dɔ najee gə ŋgonkoji lé A to gə́ ndar gə́ yeḛ wa ne ɓəree.

Esai 25:1

Njesigənea̰, i lé to Ala ləm, M’a kɔs gajii kula ne rɔnduba dɔ rii’g Mbata i ra néje gə́ maji dum, Néje gə́ i wɔji-kwɔji ra kédé lé D’aw lée’g béréré ya.

Esai 49:7

Njesigənea̰ gə́ to njekoga-dɔ-loo ləm, Gə Njerɔkunda lə Israɛlje ləm tɔ pa togə́bè Ar yeḛ gə́ d’ə̰jee bəḭ-bəḭ Gə́ to né gə́ to kḛji kəm koso-dəwje’g ləm, Ar yeḛ gə́ to ɓər lə njésiŋgamoŋje ləm tɔ pana: Mbaije d’a kée ndá d’a kuba naŋg kḭ ləm, Mbaije kara d’a kunda barmba nea̰’g ləm tɔ, Mbata lə Njesigənea̰ gə́ to njemeenda londoŋ ləm, Mbata lə Njerɔkunda lə Israɛlje gə́ ɔrm ləm tɔ.

Jeremi 12:5

Ɓó lé i aiŋgwɔd na̰’d Gə deḛ gə́ d’aḭ gə gɔl dee Ɓa deḛ dumi d’ari dao ne Ŋga see i a kaskəm koma̰ Gə njékundaje to gə́ ban wa. Esé ɓó lé mee ɓee gə́ to lɔm ya, I oo to gə́ i si ne lɔm el Ŋga see i a si maji mee wala’g Ta baa’d gə́ Jurdɛ̰ to gə́ ban wa.

Jeremi 29:11

Ma m’gər né gə́ m’wa dɔ gɔlee m’wɔji ne dɔ sí gao, to né gə́ wɔji dɔ meelɔm ɓó némeeko̰ el mba kar sí né gə́ nai no̰ sí’g ləm, kar sí undaje ne meḛ sí yel ləm tɔ. Njesigənea̰ ɓa pa bèe.

Nɔ̰-ndôo gə́ wɔji dɔ Jerusalem 3:23

Deḛ tel to sigi gə ndɔje kára-kára lai ya. Ǝi, i lé meekɔrjol ləi lé To né gə́ tad rəg-rəg ya.

Loo gə́ killa rea kəm Daniel’g 3:17

Aa oo, Ala lə sí gə́ jeḛ n’to kuraje ləa lé askəm kɔr sí mee bwa pər gə́ o̰ bilim-bilim’g lé kɔm sí tar ya, tɔɓəi yeḛ a kɔr sí jii-i mbai’g lé ya tɔ.

Ojee 2:20

Mee ndəa’g neelé m’a kar manrɔ ləm tɔ mbuna dee-deḛ’g Gə daje gə́ wala ləm, gə yelje gə́ pə̰ dara’g ləma, Gə néje gə́ d’ag naŋg gə ta meḛ dee ləm tɔ. M’a kar ɓandaŋgje, gə kiambasje, gə nérɔje godo mee ɓee’g Gə mba kar dəwje d’wa rɔ dee d’isi gə meekulɔm.

Matiyo 6:13

Loo gə́ j’a gə ndəm lé ndá taa sí ji njekurai’g Ɓó ya̰ sí dan nékər’g el. Loo-ko̰ɓee ləm, gə siŋgamoŋ ləma, gə doŋgɔr rɔnduba ləm tɔ, Deḛ to kaḭ gə ləbi-ləbi saar-saar gə nɔḭ. Amen.

Lugu 11:4

Ar məəi oso lemsé dɔ kaiya’g lə sí Mbata jeḛ kara j’ar meḛ sí oso lemsé dɔ nana ɓa gə́ mée ɔs sə sí gel lé tɔ, Uba sí yag ya̰ sí dan nékər’g el.

Lugu 16:26

Tɔɓəi boo-wəl gə́ uru yaa̰ to dan sí’g dana, togə́bè ɓa loo kḭ rɔ síjeḛ’g kaw rɔ sí-seḭ’g godo ləm, loo kḭ rɔ sí-seḭ’g ree rɔ síjeḛ’g kara godo ləm tɔ.

Lugu 22:46

Yeḛ dəji dee pana: See ban ɓa seḭ tojeɓi wa. Ubaje naŋg ḭje tar raje tamaji mba kar sí osoje ne dan nékər’g el.

Néra Njékaḭkulaje 27:44

njé gə́ nai lé yeḛ ar dee d’odo kagje gə́ tɔl dee gə bəgərə néje gə́ to mee bato’g gə mba nun ne tɔ. Togə́bè ɓa deḛ lai teḛ raga njoro-njoro gə majee ya.

1 Njé gə́ Kɔrḭtə 1:9

Ala to njemeenda londoŋ ya, yeḛ nja ɓa ɓar sí ɔm sí na̰’d sad gə Jeju Kristi Ŋgonee gə́ to Mbaidɔmbaije lə síjeḛ ya.

2 Njé gə́ Kɔrḭtə 1:10

Yeḛ nja ɓa ɔr sí ta yoo gə́ togə́bè ya ləm, j’unda meḛ sí yel dəa’g mba karee teḛ sə sí ta yoo’g ndɔ gə́ raŋg’d ɓəi tɔ.

Tel tura Godndu 7:9

Bèe ndá maji kar sí gərje gao to gə́ Ala lə sí gə́ Njesigənea̰ lé yeḛ nja to Ala gə́ gəd ya. Ginka dəwje gə́ d’undá dan kəm dee’g d’aa ne dɔ ndukunje ləa kər-kər lé, yeḛ to Ala gə́ aar njaŋg dɔ manrɔ’g ləa ləm oo kəmtondoo lə dee ləm tɔ saar loo tɔl-dɔg (1.000) ya.

1 Njé gə́ Tesalonikə 5:24

Yeḛ gə́ ɓar sí lé to njemeenda londoŋ, yeḛ nja ɓa a ra née ya.

2 Njé gə́ Tesalonikə 3:3

Nɛ Mbaidɔmbaije lé to njemeenda londoŋ ya ndá yeḛ a kar sí ŋgəŋje ne ləm, yeḛ a kaa dɔ sí mba kar njetakori tibi mbɔr sí el ləm tɔ.

2 Timote 4:18

Mbaidɔmbaije ɓa a kɔrm dan néje gə́ majel gə́ gə ria-ria lai ləm, a kajim mba karm m’isi ne mee ɓeeko̰’g ləa gə́ dara ləm tɔ. Yeḛ nja ɓa maji kula rɔnduba dəa’g gə ləbee-ləbee saar-saar gə no̰. Amen!

Ǝbrəje 10:23

Meḛ sí gə́ j’unda yel gə́ dəa’g lé ar sí j’aarje keneŋ njaŋg ɓó j’awje ne yo-yo nee-nee el mbata yeḛ gə́ un ndia ar sí lé to gə́ njemeenda londoŋ ya.

Ǝbrəje 11:11

Meekun lé ɓa Sara gə́ to gə́ ɓuga dené kara iŋga siŋga oji ne ŋgon aree oji ne ŋgakeaje mbata yeḛ ɔm mée dɔ njemeenda londoŋ gə́ un ndia aree.

Ǝbrəje 12:4

Seḭ ɔsje kaiya rəw, nɛ yeḛ ar sí doo el ɓəi.

Ǝbrəje 6:18

mba kar mbɔl dɔ ndu gə́ gel joo gə́ to njaŋg gə́ Ala a koo loo mba pəl ta dɔ’g el lé ɓa jeḛ nja j’iŋga ta gə́ ula diŋgam meḛ sí’g jugugu-jugugu ləm, jeḛ n’taa ta neelé sagm j’unda ne meḛ sí yel dɔ’g ləm tɔ ndá j’uru ne njo̰loo’g pḛ́ tɔ.

1 Piɛrə 4:19

Bèe ndá deḛ gə́ d’isi dan némeeko̰’g gə goo rəw gə́ Ala wɔji lé ndá maji kar dee ra né gə́ maji, ɓó gə d’ɔm ne rɔ dee ji njekunda dee’g gə́ Njemeenda londoŋ lé.

2 Piɛrə 2:9

ɓó lé to togə́bè ndá Mbaidɔmbaije gər loo kɔr dəwje gə́ néra dee aw gə goo ka̰ Ala dan né gə́ naa dee ləm, yeḛ gər loo kunda njéra nékori-korije kul mba ŋgina ne ndəa gə́ yeḛ a gaŋg rəwta dɔ dee’g kar bo̰ néra ɔs ta dee’g lé ləm tɔ.

1 Ja̰ 1:9

Ɓó lé jeḛ n’teggin kaiya lə sí gə́ raga ndá yeḛ to njemeenda londoŋ gə njemeekarabasur mba kar mée ti mbidi dɔ’g ləm, mba kɔr won néra gə́ kori-kori lə sí ɓə̰dərə-ɓə̰dərə ləm tɔ.

Loo gə́ killa rea kəm Ja̰’g 19:11

Tɔɓəi ma m’oo kəm dara teḛ ndá aa ooje, kunda-dɔmal teḛ keneŋ. Yeḛ gə́ njekubá lé ria lə Ŋgonkoji ləm, gə Kankəmta ləm tɔ ndá rəwta gə́ yeḛ gaŋg ləm, gə rɔ gə́ yeḛ rɔ ləm tɔ lé to gə dɔ najee ya.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.

Loo gə́ killa rea kəm Ja̰’g 3:10

Ŋgəm gə́ i ŋgəm ta ləm ar məəi ai sam-sam dɔ’g lé bèe ɓa loo gə́ nékəmndoo a kḭ taa naŋg nee pəl-pəl mba naa ne dəwje dɔ naŋg nee ndá m’a to dərgeli ya.

1 Samel 29:10

Bèe ndá maji kari ḭ gə ndɔ rad gə kuraje lə ɓéije gə́ ree səi na̰’d lé. Gə́ teḛje gə ndɔ rad loo gə́ loo si inja gə́ kinja ɓəi ya awje.