1 Njé gə́ Kɔrḭtə 10:1 - Maktub gə́ To gə Kəmee

¹ Ŋgakɔmje, tɔgərɔ ya, ta neelé ma m’ndigi kar sí síje keneŋ dɔ mbə’g el: ka síje lai lé d’isi gin mum gə́ wa kəm kàr’g ləm, deḛ lai d’unda baa-boo-kad dana gaŋg ləm,

1 Njé gə́ Kɔrḭtə 10:1 ပူးပေါင်းရင်းမြစ်များ

Nehemi 9:19

Nɛ I lé, gə goo boo-meekɔrjol ləi lé I uba dee ya̰ dee dɔdilaloo’g el Ndá mum gə́ mbo̰ na̰ sururu Gə́ ɔr no̰ dee rəw-kaw dee’g dan kàrá lé sané el ləm, Pər gə́ mbo̰ na̰ sururu Gə́ ndogó no̰ dee’g loondul’g rəw-kaw dee’g Gə́ d’aw gée’g lé kara sané el ləm tɔ.

Pakɔsje 105:39

Yeḛ ila mum o̰ ne dɔ dee ləm, Yeḛ ar pər ndogó dɔ dee’g loondul’g ləm tɔ.

Pakɔsje 66:6

Yeḛ tel baa-boo-kad lé aree to naŋg gə́ tudu kurum-kurum ləm, Baa lé kara ar dee dəs keneŋ gə gɔl dee ya ləm tɔ. Ndəa neelé jeḛ lé j’al ne rɔ sí rəa’g ya.

Pakɔsje 78:53

Yeḛ ɔr no̰ dee gəd-gəd Ar dee ɓəl né kára kara bèe el Ndá baa-boo-kad tula dɔ njéba̰je lə dee yal.

Teḛ-Raga 14:29

Nɛ Israɛlje njaa loo gə́ tudu kurum-kurum’g ya dan baa-boo’g tɔɓəi mán lé gaŋg ndəŋ aar asəna gə ndògo-bɔrɔ bèe dɔjikɔl dee’g ləm, gə dɔjigel dee’g ləm tɔ.

Teḛ-Raga 40:34

Togə́bè mum ree aar dɔ kəi-kubu-kiŋga-na̰’g ləm, rɔnduba lə Njesigənea̰ taa loo mee kəi gə́ to gə kəmee’g lé pəl-pəl ləm tɔ.

Bula lə Israɛlje 14:14

d’a kun taree kula dəw-mee-ɓeeje neelé. Deḛ lé deḛ gər to gə́ i Njesigənea̰ si mbuna koso-dəwje’g ləi ləm, i Njesigənea̰ lé i teḛ kəm dee’g ar dee d’ooi gə kəm dee ləm tɔ, mum ləi aar dɔ dee’g ləm, i nja ɔr no̰ dee dan kàrá gə mum ləm, loondul’g gə pər ləm tɔ.

Bula lə Israɛlje 33:8

Ndá deḛ d’ḭ no̰ Pi-Hahirot’g d’unda baa-boo-kad dana gaŋg d’aw par gə́ dɔdilaloo’g, deḛ njaa dɔdilaloo gə́ Etam ndɔ dee munda ndá deḛ d’wa loo-si dee Mara.

Tagə́maji gə́ Ja̰ ndang 4:20

Bɔ síje-je lé d’wa Ala meḛ dee’g dɔ mbal’g neelé nɛ seḭ nja seḭ pajena: Jerusalem ɓa to loo gə́ kəm kwa Ala meḛ sí’g.

Njé gə́ Rɔmə 1:13

Ŋgakɔmje, ma m’ndigi kya̰ sí məg el, gɔl bula m’wɔji məəm’g gə mba kaw rɔ sí’g mba kiŋga kó kula gə́ na̰je gə́ a teḛkɔr mbuna sí’g, to gə́ ma m’iŋga mbuna ginkoji dəwje gə́ raŋg’d tɔ, nɛ rəbee udu dɔm’g saar ɓasinè ɓəi.

Njé gə́ Rɔmə 11:21

Mbata ɓó lé Ala tuga barkəm kagɓeeje ɓó ɔr kəmee goo dee’g el, nɛ ɓəd ɓa i gə́ to kag mee kɔr lé see a lal tugai loo gə́ ra’g wa.

Njé gə́ Rɔmə 4:11

Abrakam un mée kédé ar Ala tɔr ndia dəa’g ɓa inja tamɔdee ɓəi. Kinja tamɔd lé to ne nétɔji gə́ wɔji dɔ meekun ləa gə́ Ala tura gə́ némeekarabasur ləa loo gə́ yeḛ inja tamɔdee el ɓəi. Togə́bè ɓa Abrakam lé to ne bɔ deḛ lai gə́ d’ɔm meḛ dee dɔ Ala’g aree tura meekun lə dee gə́ darɔ meekarabasur lə deḛ gə́ lal kinja tamɔd dee lé.

1 Njé gə́ Kɔrḭtə 12:1

Ŋgakɔmje, noji gə́ Ala wa sə sí gə́ wɔji dɔ ndil lé ma m’ndigi kar sí sije keneŋ dɔ mbə’g el.

1 Njé gə́ Kɔrḭtə 14:38

Ɓó lé dəw kára un kəmee dɔ’g rəw ndá maji kar sí unje kəm sí dəa’g rəw tɔ.

Njé gə́ Galati 3:29

Ɓó lé seḭ toje gə́ ka̰ Kristi ndá seḭ toje ŋgaka Abrakam ləm, seḭ a toje njékiŋga nédɔjije gə goo ndukun gə́ un aree lé ləm tɔ.

Tel tura Godndu 1:33

yeḛ gə́ un rəw no̰ sí’g gə mba tɔji sí ne rəw gə́ seḭ a kawje keneŋ ləm, dan kàrá ndá yeḛ ɔr no̰ sí gə mum gə́ mbo̰ na̰ sururu ləm tɔ.

Ǝbrəje 11:29

Meekun lé ɓa deḛ d’unda ne dan baa-boo gə́ kas dana gaŋg asəna gə loo gə́ tudu kurum-kurum bèe. Njé gə́ Ejiptə gə́ naa mán mba kuru teḛ goo dee’g ya nɛ deḛ nai keneŋ wo̰d.

Jujé 4:23

Mbata Njesigənea̰, Ala lə sí ar baa gə́ Jurdɛ̰ kai rəa dana no̰ sí’g ar sí dəsje loo gə́ tudu kurum-kurum’g awje, to gə́ Njesigənea̰, Ala lə sí ar baa-boo-kad gə́ ria lə Baa-Kas kai ne rəa no̰ síjeḛ’g, ar síjeḛ n’dəsje ne loo gə́ tudu kurum-kurum’g j’awje ne bèe tɔ,