1 Njé gə́ Kɔrḭtə 1:5 - Maktub gə́ To gə Kəmee

⁵ Yeḛ nja ɓa wa sə sí noji gə nébaoje gə́ ɔs dɔ maree-maree, noji gə́ wɔji dɔ tapa sí ləm, gə gosonégər ləm tɔ.

1 Njé gə́ Kɔrḭtə 1:5 ပူးပေါင်းရင်းမြစ်များ

Néra Njékaḭkulaje 2:4

Ndilmeenda taa meḛ dee pəl-pəl ar dee pa tapa dəwje gə́ raŋg ɓəd-ɓəd to gə́ Ndil ɓa ar dee pa ya.

Njé gə́ Rɔmə 11:12

Bèe ndá ɓó lé koso lə dee tel to nébao lə naŋg nee ləm, rəm lə dee tel to nébao lə njépole-magəje ləm tɔ ndá see lam gə́ d’a gə lam rɔ dee tel kaar tar jigiri lé see a to né gə́ maji dum unda nje gə́ kédé el wa.

Njé gə́ Rɔmə 15:14

Ŋgakɔmje, ta gə́ wɔji dɔ sí-seḭ lé ma m’gər gao, meemaji taa meḛ sí yal-yal ləm, gosonégər lə sí ɔr dɔ njal ləma, seḭ asjekəm ndooje ne na̰ ya ləm tɔ.

Njé gə́ Rɔmə 15:4

Mbata taje lai gə́ deḛ ndaŋg mee maktub’g kédé lé deḛ ndaŋg gə mba ndoo sí ne mba kar mbɔl dɔ meekila gə ta gɔl mee gə́ maktub gə́ to gə kəmee ar sí lé jeḛ j’unda ne meḛ sí yel ya.

1 Njé gə́ Kɔrḭtə 12:10

Ndil neelé ɓa ar dəw kára siŋga gə mba ra ne némɔrije ləm, ar dəw gə́ raŋg to ne njetegginta ləm, ar dəw gə́ raŋg oo ne ndaa ndilje ɓəd-ɓəd unda dee ne gə kəmee-kəmee ləm, ar dəw pata gə takɔji dəwje gə́ raŋg ɓəd-ɓəd ləma, gə ar dəw gə́ raŋg to ne njekɔr ne gin takɔjije lé ləm tɔ.

1 Njé gə́ Kɔrḭtə 12:8

Tɔgərɔ ya, Ndil ɓa ar kəmkàr rusu mee dəw kára njḭ-njḭ. Ndil nja ɓa ar dəw gə́ raŋg pata gosonégər tɔ.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

1 Njé gə́ Kɔrḭtə 13:8

Meenoji a kudu ndaŋg el. Ta gə́ to loo-kiya’g gə́ d’a tegginee lé rudee a kun ɗiao ləm, tapa dəwje a kwəi bém ləma, gosonégər lə dəwje a kɔs bo̰-bo̰ ləm tɔ.

1 Njé gə́ Kɔrḭtə 14:26

Ŋgakɔmje, see ta ɗi tɔɓəi ɓa j’a pa wa. Loo gə́ seḭ waje dɔ na̰, ɓó lé dəw kára mbuna sí’g un pa gə mba kɔs ləm, əsé dəwje gə́ raŋg d’un ta gə mba ndoo sí ləm, əsé gə mba riba dɔ ta gə́ kəm dee inja dɔ’g ləm, əsé gə mba pa takɔji dəwje-dəwje kubu pur-pur ləma, əsé gə mba kɔr ginee kar sí ləm tɔ ndá maji kar dee ra néje lai neelé mba kar siŋga Eglisə ḭ ne dɔ maree’g ya.

1 Njé gə́ Kɔrḭtə 8:11

Togə́bè ɓa négər ləi lé a tel tuji ne ŋgokɔḭ gə́ meekun ləa tɔg el ɓəi gə́ Kristi wəi mbata ləa lé.

2 Njé gə́ Kɔrḭtə 4:6

Mbata Ala nja gə́ pa pana: Maji kar lookàr tḭ loondul kad lé yeḛ nja ar lookàr tḭ loondul meḛ sí’g kad mba kar sí n’gər ne rɔnduba lə Ala gə́ ndogó kəm Jeju Kristi’g lé.

2 Njé gə́ Kɔrḭtə 6:10

jeḛ lé meḛ sí lel sí ta-ta nɛ deḛ d’oo sí gə́ dəwje gə́ d’isi dan némeeko̰’g ləm, jeḛ n’to gə́ njékṵda dəwje bula maji’gje nɛ deḛ d’oo sí gə́ njéndooje ləma, jeḛ j’isi gə néje lai ji sí’g nɛ deḛ d’oo sí gə́ dəwje gə́ né godo ji dee’g ləm tɔ.

2 Njé gə́ Kɔrḭtə 8:7

Bèe ndá to néramaji lə sí lai ur dɔ ka̰ mar síje’g lé meekun ləm, gə tapaje ləm, gə gosonégər ləm, gə rɔkwɔilɔ gə́ wɔji dɔ néje gə́ gə ria-ria lai ləma, gə kunda gə́ seḭ unda síjeḛ dan kəm sí’g ləm tɔ ndá kar sí raje kula noji neelé kara areeje urje ne dɔ ka̰ dee-deḛ’g ya tɔ.

2 Njé gə́ Kɔrḭtə 9:11

Togə́bè ɓa nénoji gə́ seḭ a kwaje pə-pə gə rəw gə́ rɔ síjeḛ lé a tel to nébaoje ɓəd-ɓəd dɔ sí’g ləm, a kar dee ra ne Ala oiyo ləm tɔ.

Njé gə́ Epesə 1:17

Ma m’ra tamaji mba kar Ala lə Jeju Kristi, Mbaidɔmbaije lə sí gə́ to Bɔ rɔnduba lé a kar sí ndil gə́ ka̰ kəmkàr ləm, a kar kəm sí inja kar sí gərje ne ndiaa təsərə ləm tɔ.

Njé gə́ Epesə 2:7

Meemaji gə́ yeḛ ra sə síjeḛ gə́ j’ɔm na̰’d gə Jeju Kristi lé yeḛ nduba ne noji ləa gə́ dum dɔ loo gə́ raga, gə ləbee-ləbee saar gə no̰.

Njé gə́ Epesə 3:8

Oiyo, ma gə́ m’nai ŋgon mbuna deḛ gə́ to gə kəmee lai lé yeḛ wa ne səm noji ɓa ɔrm ne gə mba karm m’ila mber ta nébaoje lə Kristi gə́ dum gər, m’ar njépole-magəje ləm,

Njé gə́ Epesə 6:19

Raje tamaji mbata ləm-ma tɔ gə mba kar loo gə́ m’a teḛ tam mba teg ne gin Tagə́maji gə́ to loo-kiya’g lé m’a pata gə kəm ŋgondiŋgam gə tam gə́ wɔilɔ pélé-pélé,

Njé gə́ Pilibə 1:9

Aa ooje, né gə́ ma m’kwɔi Ala loo ra tamaji’g ləm ɓa to nee: Maji kar meenoji lə sí ḭ dɔ maree’g gə́ kédé-kédé gə goo négər ləm, gə goo gosonégər ləm tɔ

Njé gə́ Kolosə 2:3

Kristi lé ndur kəmkàr ləm, gə gosɔnégərje gə́ gə ria-ria ləm tɔ lé d’ula rɔ dee rəa’g pḛ́.

Njé gə́ Kolosə 3:10

ndá dəw gə́ sigi ɓa seḭ ulaje rɔ sí’g ya. Dəw gə́ sigi lé négər ləa ḭ mbaḭ-mbaḭ gə́ kédé-kédé aree tel to tana gə njekṵdá.

Maktub gə́ Jak ula ne ar ngan-Allaje 3:13

See na̰ ɓa mbuna sí’g to njekəmkàr ləm, gə njegosonégər ləm tɔ wa. Maji kar panjaa ləa gə tapea gə́ kul yururu lé ɔr gin kəmkàr ləa gə́ raga ya.

2 Piɛrə 3:18

Nɛ maji kar sí tɔgje dɔ noji’g lə Mbaidɔmbaije Jeju Kristi, Njekaji sí ləm, gə dɔ gər ndiaa’g ləm tɔ. Maji kula rɔnduba dəa’g ɓasinè ləm gə saar gə́ ləbee-ləbee gə no̰ ləm tɔ. Amen!