1 Njé gə́ Kɔrḭtə 1:31 - Maktub gə́ To gə Kəmee

³¹ ɓó gə mba kar ta gə́ ndaŋg mee maktub’g lé to ne lée’g béréré pana: Nana ɓa gə́ ti rəa ndá maji karee ti rəa gə ri Mbaidɔmbaije ɓa.

1 Njé gə́ Kɔrḭtə 1:31 ပူးပေါင်းရင်းမြစ်များ

1 Sôrta Gḭka-Israɛlje 16:10

Ndubaje rɔ sí ká gə ria gə́ to gə kəmee doi lé, Maji kar deḛ gə́ saŋg loo gər Njesigənea̰ lé Nda meḛ dee kaḭ ya.

1 Sôrta Gḭka-Israɛlje 16:35

Maji kar sí paje pana: Ǝi Ala gə́ njekaji sí, Maji kari aji sí ya, Maji kari mbo̰ sí na̰’d Ɔr sí mbuna ginkoji dəwje gə raŋg’g Gə mba kar sí j’ilaje riɓar dɔ rii’g Gə́ to gə kəmee doi ləm, Gə mba kar sí j’un rɔnduba lə sí bura M’pidiije ne ləm tɔ.

Pakɔsje 105:3

Ndubaje rɔ sí ká gə ria gə́ to gə kəmee doi lé, Maji kar deḛ lai gə́ saŋg loo gər Njesigənea̰ lé ndá ne meḛ dee kaḭ.

Pakɔsje 34:2

M’a kunda no̰ dɔkaisəgərə lə Njesigənea̰ ta-ta ləm, Ta pidee a koji na̰ tam’g dḛ̀gè-dḛ̀gè ləm tɔ.

Esai 41:16

Seḭ a tó deeje séréré-séréré Ndá lel a kɔr dee kaw sə dee əw ləm, Lel-mal a sané dee kad-kad ləm tɔ. Nɛ seḭje lé seḭ a kalje rɔ sí gə mbata lə Njesigənea̰ ləm, Seḭ a kɔsje gaji rɔ sí wɔji ne dɔ Njerɔkunda lə Israɛlje lé ləm tɔ.

Esai 45:25

Mbɔl dɔ Njesigənea̰ ɓa Ŋgaka Israɛlje lai lé D’a kɔr ne ta dɔ dee’g ləm, D’a kula ne rɔnduba dɔ dee’g ləm tɔ.

Jeremi 4:2

Ɓó lé seḭ ndo̰je naji ubuje ne rɔ sí Paje ne pana: Njesigənea̰ to njesikəmba! Gə kankəmta, gə néra gə́ danasur, Gə néra gə́ gə dɔ najee ndá Ginkoji dəwje gə raŋg d’a kiŋga dɔkaisəgərə rəa’g ləm, D’a kula rɔnduba dɔ rɔ dee’g gə mbəa-yeḛ ləm tɔ.

Njé gə́ Rɔmə 4:2

Ɓó lé nérea ɓa yeḛ to ne njemeekarabasur ndá yeḛ a koo loo ti ne rəa, nɛ no̰ Ala’g lé loo ti rəa godo.

1 Njé gə́ Kɔrḭtə 4:6

Ŋgakɔmje, to mbata lə sí-seḭ ɓa ma m’pata neelé m’wɔji ne dɔm-ma gə dɔ Apolɔs mba kar sí alje ne dɔ ta gə́ ndaŋg mee maktub’g lé el ləm, mba kar sí tije rɔ sí ɔmje ne gin njé gə́ na̰je gə mba kunda ne mar síje gə́ raŋg ɓad el ləm tɔ.

2 Njé gə́ Kɔrḭtə 10:17

Togə́bè ɓa yeḛ gə́ a gə ti rəa ndá maji karee ti rəa gə ri Mbaidɔmbaije ɓa.

Njé gə́ Pilibə 3:3

Mbata jeḛ nja jeḛ n’to kankəm njékḭja tamɔd deeje lé jeḛ gə́ j’wa Ala meḛ sí’g gə goo Ndil Ala lé, j’ula ne rɔnduba dɔ Jeju Kristi’g ɓó j’ɔm meḛ sí dɔ dakasrɔ sí’g el.