1 Njé gə́ Kɔrḭtə 1:29 - Maktub gə́ To gə Kəmee

²⁹ mba kar dəw kára kara ti ne rəa no̰ Ala’g lé el.

1 Njé gə́ Kɔrḭtə 1:29 ပူးပေါင်းရင်းမြစ်များ

Pakɔsje 49:6

See gə mba ɗi ba m’a ɓəl ndɔ némeeko̰ Loo gə́ néra gə́ kori-kori lə njékoma̰ səmje gugu dɔm sub lé wa.

Esai 10:15

Tina lé see a ti rəa Dɔ njekunee ra ne kula’g wa. Esé see kuba a kəsta Dɔ njekunee tɔl ne né wa. A to kasəna gə ndəi Gə́ ar njekunee ra ne né ləm, A to kasəna gə kag-tɔs Gə́ ar njetɔsee gə́ to gə́ kag el lé Ra ne né ləm tɔ.

Jeremi 9:23

Nɛ yeḛ gə́ ndigi kɔs gaji rəa ndá Maji karee ɔs gaji rəa Mbata yeḛ gər gosonégər Gə mbata gər gə́ yeḛ gərm ne ləm. Gə gər gə́ yeḛ gər To gə́ ma m’to Njesigənea̰, Gə́ njera meemaji gə njera né gə́ danasur, Gə njenéra gə́ gə dɔ najee dɔ naŋg nee ləm tɔ, Yee neelé ɓa gə́ né gə́ taa kəm rəgm, Njesigənea̰ ɓa pa bèe.

Njé gə́ Rɔmə 15:17

Kula gə́ ma m’ra gə mbata lə Ala lé yee ɓa m’oo ne loo ti ne rɔm gin Jeju Kristi’g ya.

Njé gə́ Rɔmə 3:19

Jeḛ n’gər gao taje lai gə́ godndu wɔji lé wɔji ar deḛ gə́ d’isi gel godndu’g lé mba kar nana kara təa to gə loo ndèmee sem-sem ləm, gə mba kar dəwje lai-lai d’isi gə ta dɔ dee’g no̰ Ala’g lé ləm tɔ.

Njé gə́ Rɔmə 3:27

Ŋga see loo ti rɔ sí to ra ɓəi wa. Lée godo ya. Ŋga see lée godo wɔji dɔ godndu gə́ ra wa. See godndu gə́ wɔji dɔ néra dəwje wa. Wah! nɛ to gə goo meekun lə dəwje ba.

Njé gə́ Rɔmə 4:2

Ɓó lé nérea ɓa yeḛ to ne njemeekarabasur ndá yeḛ a koo loo ti ne rəa, nɛ no̰ Ala’g lé loo ti rəa godo.

1 Njé gə́ Kɔrḭtə 1:31

ɓó gə mba kar ta gə́ ndaŋg mee maktub’g lé to ne lée’g béréré pana: Nana ɓa gə́ ti rəa ndá maji karee ti rəa gə ri Mbaidɔmbaije ɓa.

1 Njé gə́ Kɔrḭtə 4:7

See na̰ ɓa ooi ɓəd wa. See to né gə́ aḭ ḭgai naŋg gə́ kiŋga el wa. Ɓó lé to né gə́ aḭ ḭgai naŋg gə́ kiŋga ndá see ban ɓa i ti ne rɔi unda ne ɗəŋgərə wa.

1 Njé gə́ Kɔrḭtə 5:6

Tɔgərɔ ya, ti gə́ seḭ tije ne rɔ sí lé to lée’g el. See seḭ gərje el wa, né gə́ ar nduji ti gə́ lam ba nɛ loo gə́ d’ila nduji’g loḭ ne ndá aree ḭ dor-dor. See seḭ gərje bèe el wa.

Njé gə́ Epesə 2:9

To kula ra dəw ɓa el, bèe ndá dəw kára kara a nduba ne rəa el.