1 Njé gə́ Kɔrḭtə 1:27 - Maktub gə́ To gə Kəmee

²⁷ Ala mbər néje gə́ gə mḭdé ba gə́ dɔ naŋg nee mba yə ne njékəmkàrje ləm, Ala mbər néje gə́ d’unda ndolè dɔ naŋg nee mba yə ne njésiŋgamoŋje ləm tɔ.

1 Njé gə́ Kɔrḭtə 1:27 ပူးပေါင်းရင်းမြစ်များ

Pakɔsje 8:2

Njesigənea̰, Mbaidɔmbaije lə sí, Maji kar rii ɓar mḭ dɔ naŋg nee gə loo mbidi-mbidi ya! Boo-ronduba ləi aw saar tur dɔ dara.

Esai 29:14

Gelee gə́ nee ɓa m’a tel ra nédumkooje Gə némɔrije kəm koso-dəwje’g neelé, Ndá kəmkàr lə njékəmkàrje a tuji ləm, Négər lə njégoso négərje lə dee kara a sané pá ləm tɔ.

Esai 29:19

Njénékəmndooje d’a kal rɔ dee gə́ kédé-kédé gə mbata lə Njesigənea̰ ləm, Njéndooje d’a kar Njerɔkunda lə Israɛlje to gin boo-rɔkal lə dee ləm tɔ.

Esai 44:25

M’tuji nétɔjije lə njétegginta gə́ ŋgɔmje ləm, M’ar njénékooje tel to mbəje ləm tɔ, M’rəm gə kəmkàr lə njékəmkàrje ləm, Négər lə dee lé ma m’telee gə́ némbə ləm tɔ.

Jeremi 8:9

Njékəmkàrje lé kəm sɔḭ wa kəm dee ləm, Ta igi dee sel ar dee d’isi jim ləm tɔ, Aa ooje, deḛ d’ə̰ji ta lə Njesigənea̰ bəḭ-bəḭ Ndá see kəmkàr ɗi ɓa d’aw ne wa.

Soponi 3:12

N’a kya̰ koso-dəwje gə́ d’ula dɔ dee ləm, Gə njénékəmndooje ləm tɔ mbuna sí’g, Deḛ gə́ d’a saŋg njo̰loo kula dɔ lə dee gin ri Njesigənea̰’g lé.

Bula lə Israɛlje 22:30

Ko̰-mulayḛ̀je tel dəji Balaam pana: See ma m’to ko̰-mulayḛ̀je ləi gə́ i aw ubam aw səm loo ta-ta saar teḛ ɓogənè el wa. See ma m’ra səi né togə́bè ta-ta ya wa. Ndá yeḛ tel ilá keneŋ pana: Wah!

Matiyo 11:25

Ndəa neelé Jeju un ta pa pana: Bɔm, ma m’pidii, i gə́ to Mbai dɔ dara ləm, gə Mbai dɔ naŋg nee ləm tɔ mbata néje neelé i iya ne njékəmkàrje gə njégosonégərje kág nɛ i tegginee ar deḛ gə́ nai gə́ ŋganje ba ɓa d’oo.

Matiyo 21:16

Deḛ dəji Jeju pana: See mbii oo pa gə́ ŋganje d’ɔs’n lé ya wa. Jeju tel ila dee keneŋ pana: M’oo ya. See seḭ turaje ta nee gə́ to mee maktub’g lé el wa. Ta lé pana: Ta gə́ teḛ ta ŋganje ləm, gə ta ŋganje gə́ nai ta mbà’g ləm tɔ lé i tum ne gin siŋgamoŋ ləi keneŋ.

Matiyo 9:9

Jeju ḭ keneŋ aw gə kuree waga, yeḛ oo diŋgam gə́ si takəi taa lar-gədɓee’g ria lə Matiyo. Jeju ulá pana: Maji kari ree goom’g. Léegəneeya, diŋgam neelé ḭta ɔd aw gée’g tɔ.

Lugu 21:15

Mbata ma nja m’a kula ta ta sí’g ləm, m’a kula kəmkàr meḛ sí’g ɓəi ləm tɔ ndá njéba̰je lə sí d’a koo loo kɔs ta sí’g rəw el ləm, d’a dum sí gə tamaḭ el ləm tɔ.

Néra Njékaḭkulaje 17:18

Njégər gintaje gə́ na̰je gə́ to Epikuriḛje gə Stoisiḛje lé d’un kudu kwɔji səa ta. Njé gə́ na̰je mbuna dee’g dəji na̰ pana: See ta ɗi ɓa njetakwɔji neelé wɔji bèe wa. Njé gə́ raŋg d’oo ri Jeju gə́ yeḛ pa ləm, gə ta teḛ dɔkumbwa’g lé ləm tɔ ndá deḛ tar taree pana: To asəna gə yeḛ pata gə́ wɔji ne dɔ magəje gə́ dɔ ɓee gə́ raŋg’d.

Néra Njékaḭkulaje 7:35

Moyis neelé gə́ deḛ d’ɔsee rəw pana: See na̰ ɓa undá gə́ mbai gə́ njegaŋ-rəwta’g lə dee wa lé yeḛ nja Ala lé ulá gə́ mbai ləm, gə njekɔm dee tar ləm tɔ ar kura ləa gə́ dara gə́ teḛ kəmee’g dan ŋgon kag’d lé aw la səa tɔ.

Néra Njékaḭkulaje 7:54

Loo gə́ d’oo ta nee ndá oŋg ḭ meḛ dee’g jugugu, ar dee d’usɔ ŋgaŋ dee dɔ Etien’g pəgərə-pəgərə.

1 Njé gə́ Kɔrḭtə 1:20

See njekəmkàr ɓa ra wa. See njendaji-maktub ɓa ra wa. See gɔŋgé-maḭta gə́ dɔ naŋg nee ɓasinè lé ɓa ra wa. See kəmkàr gə́ dɔ naŋg neelé Ala telee gə́ némbə el ɓəi wa.

1 Njé gə́ Kɔrḭtə 1:21

Mbata to gə́ njé gə́ dɔ naŋg neelé kəmkàr lə dee lé d’askəm gər ne Ala el ləm, əsé gə kəmkàr ləa el ləm tɔ ndá Ala lé nja ə̰ji mée’g gə mba kaji deḛ gə́ d’ɔm meḛ dee dɔ ta kila mber’g lə sí gə́ dee nja d’oo gə́ ta mbə lé.

1 Njé gə́ Kɔrḭtə 2:12

Jeḛ lé ndil gə́ ḭ rɔ dəwje gə́ dɔ naŋg nee ɓa j’iŋga el, nɛ Ndil gə́ ḭ rɔ Ala’g ɓa j’iŋga ɓó gə mba kar sí n’gər ne gin néje gə́ Ala ar sí wa ne sə sí noji lé.

2 Njé gə́ Kɔrḭtə 10:10

Mbata njé gə́ na̰je pana: Maktubje ləm lé ta gə́ nuŋga so ɓa to keneŋ, nɛ loo gə́ ma m’aar gə darɔm kəm sí’g ndá ma m’aar asəna gə yɔ-dəw ləm, tapam kara kul kwɔji-kwɔji ləm tɔ.

2 Njé gə́ Kɔrḭtə 4:7

Nébao neelé jeḛ j’odo gə́ jo-ɓan mba kar dee gər gao siŋgamoŋ neelé to gə́ ka̰ Ala ɓó to gə́ ka̰ síjeḛ el.

Maktub gə́ Jak ula ne ar ngan-Allaje 2:5

Ooje ta nee maji, ŋgakɔmje gə́ m’unda sí dan kəm’g: See Ala ɔr kəm deḛ gə́ to gə́ njéndooje kəm dəwje gə́ naŋg nee mba kar dee to bao-meekunje ləm, mba kar ɓeeko̰ gə́ yeḛ un ndia mba kar deḛ gə́ d’undá dan kəm dee’g lé d’a to njeaje ya ləm tɔ lé el wa.