1 Njé gə́ Kɔrḭtə 1:25 - Maktub gə́ To gə Kəmee

²⁵ Mbata mbə lə Ala lé to kəmkàr gə́ ur dɔ kəmkàr lə dəwje ləm, rəm lə Ala lé kara to siŋgamoŋ gə́ ur dɔ siŋgamoŋ lə dəwje ləm tɔ.

1 Njé gə́ Kɔrḭtə 1:25 ပူးပေါင်းရင်းမြစ်များ

Teḛ-Raga 13:17

Loo gə́ Parao̰ ya̰ loo ar koso-dəwje d’aw lé Ala ɔr no̰ dee gə rəw gə́ aw par gə́ ɓee lə njé gə́ Pilisti gə́ to dəb lé el: mbata Ala pana: Banelə koso-dəwje lé loo gə́ d’a koo rɔ ndá d’a ɓəl kar meḛ dee ila kas kar dee ndiŋga rɔ dee mba tel kaw mee ɓee gə́ Ejiptə’g gogo.

1 Njé gə́ Kɔrḭtə 1:18

Mbata kila mber ta kag-dəs lé njétujije d’oo gə́ ta mbə nɛ jeḛ gə́ j’iŋga ne kaji lé jeḛ nja j’oo gə́ siŋgamoŋ lə Ala lé.

1 Njé gə́ Kɔrḭtə 1:21

Mbata to gə́ njé gə́ dɔ naŋg neelé kəmkàr lə dee lé d’askəm gər ne Ala el ləm, əsé gə kəmkàr ləa el ləm tɔ ndá Ala lé nja ə̰ji mée’g gə mba kaji deḛ gə́ d’ɔm meḛ dee dɔ ta kila mber’g lə sí gə́ dee nja d’oo gə́ ta mbə lé.

1 Njé gə́ Kɔrḭtə 2:14

Dəw gə́ ə̰ji néje gə́ ka̰ dakasrɔ mée’g ndá a taa néje gə́ ka̰ Ndil Ala lé el, to némbə kəmee’g. Yeḛ askəm gər el mbata dəw gə́ Ndil Ala to mée’g ɓa askəm gər gelee ɓəi.

1 Njé gə́ Kɔrḭtə 4:10

Jeḛ n’to gə́ njénégərelje mbata lə Kristi, seḭ lé seḭ toje njékəmkàrje gin Kristi’g. Jeḛ lé n’toje yɔ-dəwje, nɛ seḭ toje njésiŋgamoŋje. Seḭ lé d’ila riɓar dɔ sí’g ya nɛ jeḛ lé d’ə̰ji sí gə kḛji!

2 Njé gə́ Kɔrḭtə 13:4

Mbata deḛ ɗaree kaar kag’d loo rəm’g ləa ya nɛ mbɔl dɔ siŋgamoŋ lə Ala lé yeḛ si ne kəmba ɓasinè tɔ. Jeḛ gə́ j’ɔm səa na̰’d lé kara j’isi loo rəm’g to nɛ mbɔl dɔ siŋgamoŋ lə Ala lé ɓa j’a si ne səa kəmba gə mba ra ne kula ləa mbuna sí’g tɔ.