1 Njé gə́ Kɔrḭtə 1:12 - Maktub gə́ To gə Kəmee

¹² Ma nja m’a gə tegginee kar sí, seḭ ulaje na̰ pajena: Neḛ n’to ka̰ Pool ɓòo əsé neḛ n’to ka̰ Apolɔs ɓòo əsé neḛ n’to ka̰ Képas ɓòo əsé neḛ n’to ka̰ Kristi ɓòo.

1 Njé gə́ Kɔrḭtə 1:12 ပူးပေါင်းရင်းမြစ်များ

1 Mbaije 16:21

Gée gə́ gogo koso-dəwje gə́ Israɛl kai na̰ loo joo: ges dəwje gə́ na̰je ndigi kar Tibni, ŋgolə Ginat ɓa tel to mbai lə dee nɛ ges deḛ gə́ raŋg to ka̰ Ɔmri tɔ.

Matiyo 23:8

Nɛ seḭje lé ar deeje ɓar sí Mbai, mbai el. Mbata Mbai lə sí to gə́ kára ba kiao ndá seḭ toje gə́ ŋgako̰ na̰je ba.

Tagə́maji gə́ Ja̰ ndang 1:42

Yen ɓa yeḛ ɔr nea̰ aw səa rɔ Jeju’g. Jeju un kəmee ée ndá pana: I lé to Simo̰, ŋgon Junas. D’a ɓari Képas (tel ta koji sí ndá to kɔr mbal.)

Néra Njékaḭkulaje 18:24

Jib kára ria lə Apolɔs gə́ ɓee-kojee to gə́ Aleja̰dri lé ree si Epesə. Yeḛ to dəw gə́ tapea inja paw ləm, Yeḛ gər ta gə́ to mee maktub gə́ to gə kəmee lé gəd ləm,

Néra Njékaḭkulaje 19:1

Loo gə́ Apolɔs nai Kɔrḭtə ɓəi ndá Pool aw gə loo-loo gə kəmee gə́ kédé ɓeeko̰ gə́ Asi saar teḛ Epesə. Yeḛ iŋga njékwakiláje gə́ na̰je keneŋ dəji dee pana:

1 Njé gə́ Kɔrḭtə 1:11

Tɔgərɔ, ŋgakɔmje, deḛ gə́ d’isi kəi lə Kloe lé d’ulam pana: Ta tḭ-na̰ oso mbuna sí’g.

1 Njé gə́ Kɔrḭtə 15:5

yeḛ teḛ kəm Képas kédé, ɓa teḛ kəm deḛ gə́ dɔg-gir-dee-joo’g lé kara ləm tɔ.

1 Njé gə́ Kɔrḭtə 15:50

Ŋgakɔmje, ta gə́ m’pa lé ɓa to nee: Dakasrɔ gə məs lé d’askəm kisi ɓeeko̰’g lə Ala el ləm, né gə́ a gə yɔlé gə né gə́ a gə yɔlé el lé d’a korè na̰ el ləm tɔ.

1 Njé gə́ Kɔrḭtə 16:12

Ta gə́ wɔji dɔ ŋgoko̰ sí gə́ Apolɔs lé ma m’ɔsee ɓɔḭ-ɓɔḭ mba karee aw gə ŋgako̰ síjeḛ rɔ sí’g, nɛ yeḛ ndigi kaw ɓasinè el ɓəi. Ndɔ gə́ yeḛ iŋga loo kaw ndá a kaw gə mba koo sí ya.

1 Njé gə́ Kɔrḭtə 4:6

Ŋgakɔmje, to mbata lə sí-seḭ ɓa ma m’pata neelé m’wɔji ne dɔm-ma gə dɔ Apolɔs mba kar sí alje ne dɔ ta gə́ ndaŋg mee maktub’g lé el ləm, mba kar sí tije rɔ sí ɔmje ne gin njé gə́ na̰je gə mba kunda ne mar síje gə́ raŋg ɓad el ləm tɔ.

1 Njé gə́ Kɔrḭtə 7:29

Ŋgakɔmje, aa ooje, ta gə́ ma m’ula sí ɓa nee: Ndəa lé nai dəb ba ŋga. Bèe ndá un kudee ɓasinè lé maji kar deḛ gə́ to gə́ njédenéje lé d’isi d’asəna gə ŋgaw-buaje ləm,

1 Njé gə́ Kɔrḭtə 9:5

See j’askəm kɔr kɔnan sí gə́ dené mba karee to njekaw sə sí gə looje lai gə́ j’a kaw keneŋ to gə́ njékaḭkulaje gə́ raŋg ləm, gə ŋgako̰ Mbaidɔmbaije ləma, gə Képas ləm tɔ ra lé el wa.

2 Njé gə́ Kɔrḭtə 10:7

Gir né gə́ raga gə́ seḭ ooje puduru ba lé see to né mba̰ wa. Ɓó lé dəw kára ə̰ji ta mée’g pana: Neḛ n’to ka̰ Kristi ndá maji karee oo gao to gə́ jeḛ kara jeḛ n’to ka̰ Kristi tɔ.

2 Njé gə́ Kɔrḭtə 9:6

Ooje maji ɓa, yeḛ gə́ dubu kó gururu bèe ndá a kiŋga lam ba bèe, nɛ yeḛ gə́ dubu kó gə tadee rəg-rəg ndá a kinja kuru ndil-ndil tɔ.

Njé gə́ Galati 2:9

Bèe ɓa loo gə́ deḛ d’oo noji gə́ d’wa səm lé ndá Jak gə Képas gə Ja̰ d’oo dee gə́ ŋgaw dan Eglisə lé d’wa jikɔl síjeḛ gə Barnabas d’ɔm sí ne sə dee na̰’d mba kar síjeḛ j’aw gə́ ɓee lə njépole-magəje nɛ deḛ lé d’a kaw gə́ ɓee lə njékḭja tamɔd deeje tɔ.

Njé gə́ Galati 3:17

Aa ooje, ta gə́ ma m’pa ɓa nee: Ndukun gə́ Ala un kédé ɓa gée gə́ gogo aree to njaŋg ɓəi lé loo karee udu ɓa godo ŋga. Tɔɓəi godndu gə́ ḭ gogo as ləb tɔl-sɔ-dəa-rɔ-munda lé kara askəm kar ndukun gə́ to njaŋg kédé lé tel to né gə́ mḭdé el tɔ.