1 Njé gə́ Kɔrḭtə 1:11 - Maktub gə́ To gə Kəmee

¹¹ Tɔgərɔ, ŋgakɔmje, deḛ gə́ d’isi kəi lə Kloe lé d’ulam pana: Ta tḭ-na̰ oso mbuna sí’g.

1 Njé gə́ Kɔrḭtə 1:11 ပူးပေါင်းရင်းမြစ်များ

Gḭ-Néje 27:42

Deḛ d’aw ndaji tapa Esawu ŋgondəree d’ar Rebeka oo. Yen ŋga yeḛ ar dee ɓar Jakob gə́ ŋgonee gə́ ndɔḭ lé ndá ulá pana: Aa oo, ŋgokɔḭ gə́ Esawu lé ndigi tɔli dal ne ba̰ ləa.

Gḭ-Néje 37:2

Aa oo, ta gə́ wɔji dɔ ŋgaka Jakob ɓa to nee: Jisəb lé ra ləb dɔg-giree-siri ndá yeḛ ul koso-nékulje gə ŋgakea̰je na̰’d. Basa neelé nai rɔ ŋgalə Bila’g gə Jilpa’g, deḛ gə́ to gə́ denéje lə bɔbeeje lé. Jisəb lé un tapa gə́ majel lə dee aw ndaji ar bɔbeeje oo.

Gosota-Kəmkàrje 13:10

Beelé ɓa ar dəw ɔs ne gel takɔl, Nɛ kəmkàr nai gə deḛ Gə́ d’oo takwɔji-kəmkàrje gə́ né ya.

Gosota-Kəmkàrje 18:6

Tapa mbə lé ree gə takɔl ləm, Tea kara ɓar rɔ ləm tɔ.

1 Njé gə́ Kɔrḭtə 1:10

Ŋgakɔmje, ma m’ndəji sí gə ri Mbaidɔmbaije lə sí Jeju Kristi mba kar tapa sí aw na̰’d kára ba ɓó kar ta tḭ-na̰ oso mbuna sí’g el. Maji kar sí ndaje meḛ sí kaḭ gə na̰ mba kar takə̰ji lə sí aw na̰’d kára ba ya.

1 Njé gə́ Kɔrḭtə 1:12

Ma nja m’a gə tegginee kar sí, seḭ ulaje na̰ pajena: Neḛ n’to ka̰ Pool ɓòo əsé neḛ n’to ka̰ Apolɔs ɓòo əsé neḛ n’to ka̰ Képas ɓòo əsé neḛ n’to ka̰ Kristi ɓòo.

1 Njé gə́ Kɔrḭtə 11:18

Né gə́ dɔtar lé deḛ d’ulam d’am m’oo pana: Loo gə́ seḭ waje dɔ na̰ ndá seḭ ɔrje kəm na̰ gə mba tḭje ne na̰. Ta neelé m’tɔr kona ɓa m’taa.

1 Njé gə́ Kɔrḭtə 3:3

Tɔgərɔ ya, kəmkəḭ gə ta tḭ-na̰ to mbuna sí’g lé ndá see néra sí wɔji dɔ darɔ el wa. See panjaa sí to gə́ panjaa dəwje gə́ kari ba ɓəi el wa.

2 Njé gə́ Kɔrḭtə 12:20

Mbata məəm to kərm mbata m’ə̰ji məəm’g m’pana: Loo gə́ m’a gə teḛ dɔ sí’g ndá m’a kiŋga sí to gə́ məəm wɔji lé el ləm, seḭje kara seḭ a kiŋgamje to gə́ meḛ sí-seḭ wɔji lé el ləm tɔ. Meem to kərm nà banelə m’a kiŋga takɔl ləm, gə kəmkəḭ ləm, gə ba̰ ta ləm, gə ta tḭ-na̰ ləm, gə kunda nani ləm, gə kunda ta ta na̰’g ləm, gə kəsta ləma, gə panjaa gə́ kori-kori gə́ ɓəd-ɓəd ləm tɔ lé mbuna sí’g.

Njé gə́ Galati 5:15

Nɛ ɓó lé seḭ to̰je na̰ gə arje na̰ doo ɓa undaje kəmkàr dɔ rɔ sí’g el ndá seḭ a tujije na̰ ya.

Njé gə́ Galati 5:20

gə pole magəje ləm, ra mbeḛ ləm, gə tɔs ta ləm, gə kɔl na̰ ləm, gə ra ni ləm, gə kwa ba̰ ta ləm, gə kɔs ta ta na̰’d rəw ləm, gə tḭ na̰ noji ləm, gə kwa rɔ mbidi gaŋg ləm,

Njé gə́ Galati 5:26

Maji kar sí n’saŋgje riɓar gə́ to gə mḭdé ba narje ne na̰ loo keneŋ el ləm, gə n’raje kəmkəḭ dɔ na̰’d keneŋ el ləm tɔ.

Njé gə́ Pilibə 2:14

Raje néje lai gə rɔkim el ləm, gə maḭje gə rɔ sí dɔ’g el ləm tɔ.

1 Timote 6:4

ndá yeḛ to njeti rəa mugugu-mugugu ləm, yeḛ gər né el ləm tɔ. Yoo-dəji ta gə yoo-maḭta ɓa malee rəa. Taje neelé ɓa oji kəmkəḭ ləm, gə kɔl ləm, gə təd ta kɔm ta na̰’g ləm, gə kwa na̰ gə meḛ ləma,

Titə 3:9

Nɛ ta dəji mbə gə́ dəji ləm, gə ta gə́ wɔji dɔ ginka dəwje ləm, gə takɔl ləma, gə tamaḭ gə́ wɔji dɔ godndu lé ləm tɔ, ɔs dee rəw, mbata dee to gə́ taje gə́ to gə́ né el ləm, to gə mḭdé ba ləm tɔ.