ذڪرياہ 9:3 - Sindhi Bible

³ ۽ صور پنهنجي لاءِ هڪڙو مضبوط قلعو ٺاهيو، ۽ چاندي مٽيءَ وانگر گڏ ڪئي، ۽ عمدو سون ڪچرو وانگر گڏ ڪيو.

Muslim Sindhi Bible

³ صور وارن پنهنجي حفاظت لاءِ مضبوط قلعو ٺاهيو آهي، ۽ رستن جي ڌوڙ وانگر سون ۽ چانديءَ جا ڍير لڳايا اٿائون.

ذڪرياہ 9:3 ပူးပေါင်းရင်းမြစ်များ

2.سموئيل 24:7

۽ صور جي قلعي ۾ ۽ حوين ۽ ڪنعانين جي سڀني شهرن ۾ آيا: ۽ هو نڪري يهوداہ جي ڏکڻ ڏي بيرسبع وٽ آيا.

1.بادشاهَہ 10:21

۽ بادشاهہ سليمان جي پيئڻ جا باسڻ سڀ سون جا هئا، ۽ لبنان جي ٻيلي واري گهر جا سڀ باسڻ بہ نج سون جا هئا: ڪي بہ چانديءَ جا نہ هئا؛ سليمان جي ڏينهن ۾ اُها ليکي ۾ ئي نہ هئي.

1.بادشاهَہ 10:27

۽ بادشاهہ يروشلم ۾ چانديءَ جو اهڙو حال ڪيو جهڙو پٿرن جو، ۽ ديودار جي ڪاٺ جو اهڙو حال ڪيو جهڙو شڪميم جي وڻن جو، جي هيٺانهين زمين تي بيشمار ٿيندا آهن.

ايوب 22:24

۽ پنهنجو خزانو مٽيءَ ۾ رک، ۽ اوفير جو سون نديءَ جي پٿرن منجهہ اُڇلائي ڇڏ؛

ايوب 27:16

جيتوڻيڪ هو چاندي ڌوڙ وانگر کڻي ڍير ڪندو، ۽ ڪپڙا مٽيءَ وانگر تيار ڪندو؛

ايوب 3:15

يا انهن اميرن سان جن وٽ سون هو، جن پنهنجا گهر چانديءَ سان ڀري ڇڏيا:

يسعياہ 23:11

هن پنهنجو هٿ سمنڊ جي مٿان ڊگهيريو آهي. هن بادشاهتن کي لوڏي ڇڏيو آهي: خداوند ڪنعان جي نسبت ۾ حڪم جاري ڪيو آهي تہ انهيءَ جا مضبوط قلعا ڊاهي ڇڏجن.

يسعياہ 23:8

ڪنهن صور جي برخلاف هيءَ رٿ رٿي آهي، جو اعليٰ درجي جو شهر آهي، جنهن جا سوداگر شهزادا آهن، جنهن جا واپاري زمين جا معزز ماڻهو آهن؟

حزقي ايل 26:12

۽ هو تنهنجي دولت لٽيندا ۽ تنهنجي سوداگري جو مال ڦري کڻي ويندا: ۽ هو تنهنجون ڀِتيون ڀڃندا ۽ تنهنجا دلپسند گهر ناس ڪري ڇڏيندا: ۽ تنهنجا پٿر، ۽ تنهنجو ڪاٺ، ۽ تنهنجي مٽي پاڻين جي وچ ۾ رکندا.

حزقي ايل 27:27

تنهنجي دولت، تنهنجون شيون، تنهنجو سوداگري مال، تنهنجا خلاصي ۽ تنهنجا ناخدا، تنهنجا مرمت ڪندڙ ۽ تنهنجي مال جا سوداگر، ۽ تنهنجا سڀ جنگي ماڻهو جي تو ۾ آهن، ۽ تنهنجي سڄي جماعت جا تو ۾ آهي، اُهي سڀ تنهنجي تباهيءَ جي ڏينهن سمنڊن جي وچ ۾ ڪِري پوندا.

حزقي ايل 27:33

جڏهن تنهنجو سوداگري مال سمنڊن کان پار ويندو هو، تڏهن تو گهڻين قومن کي ڀري ٿي ڇڏيو؛ تو زمين جي بادشاهن کي پنهنجي دولت ۽ پنهنجي سوداگري مال جي گهڻائيءَ سان دولتمند ٿي ڪيو.

حزقي ايل 27:34

جنهن وقت پاڻين جي اونهائي ۽ سمنڊ توکي ڀڃي ڇڏيو هو، تنهن وقت تنهنجو سوداگري مال، ۽ تنهنجي ڪل جماعت تو ۾ ڪِري پيئي.

حزقي ايل 28:1

خداوند جو ڪلام وري بہ مون تي نازل ٿيو، تہ

عاموس 1:9

خداوند هيئن ٿو فرمائي، تہ صور جي ٽن گناهن لاءِ، هائو، چئن لاءِ، آءٌ هنن جي سزا نہ ڦيرائيندس؛ ڇالاءِ جو هنن سڄي قوم قيد ڪري ادوم جي حوالي ڪئي، ۽ برادريءَ وارو عهد اقرار ياد نہ ڪيائين.

يشوع 19:29

پوءِ اُها سرحد ڦري رامہ ڏانهن ۽ قلعي واري شهر صور ڏانهن ويئي؛ ۽ اُتان حوسہ ڏانهن هلي؛ ۽ پوءِ اڪزيب جي ملڪ جي ڀرسان سمنڊ تي وڃي بيٺي: