نحمياہ 3:15 - Sindhi Bible

¹⁵ ۽ حوض واري دروازي جي مرمت سلوم بن ڪل حوزہ ڪئي، جو مصفاہ جي ضلعي جو حاڪم هو؛ انهيءَ اهو جوڙايو ۽ ڍڪيو، ۽ انهيءَ جا طاق، ۽ انهيءَ جون تاڙيون، ۽ انهيءَ جا گز بيهاريائين، ۽ شيلوخ جي ڍنڍ جي ڀت، جا بادشاهہ جي باغ جي ڀرسان آهي، ۽ انهيءَ ڏاڪڻ تائين جا دائود جي شهر کان هيٺ لهي ٿي وڃي سا جوڙيائين.

Muslim Sindhi Bible

¹⁵ چشمي واري دروازي جي اڏاوت مصفاہ ضلعي جي حاڪم سلوم ولد ڪل‌حوزہ ڪرائي. هن ان جي مٿان ڇت وجھرائي ۽ انهيءَ ۾ طاق، هڙڪيون ۽ گز بہ وجھرايا. هن بادشاهہ جي باغ کان وٺي ويندي دائود جي شهر واري ڏاڪڻ تائين شيلا جي تلاءَ واري ڀت جي مرمت پڻ ڪرائي.

نحمياہ 3:15 ပူးပေါင်းရင်းမြစ်များ

2.سموئيل 5:9

۽ دائود انهيءَ قلعي ۾ رهندو هو، ۽ انهيءَ کي دائود جو شهر سڏيائون، ۽ دائود ملو کان وٺي اندر تائين چوڌاري گهر جوڙايا.

2.بادشاهَہ 25:4

تڏهن شهر جي ڀت کي هڪڙي هنڌان ڀڃي وڌائون ۽ سڀ جنگي ماڻهو رات جي وقت ٻن ڀتين جي وچ واري دروازي کان ڀڄي نڪتا، جو دروازو بادشاهہ جي باغ جي ڀرسان هو: (هاڻي انهيءَ وقت ڪلدي شهر جي چوڌاري گهيرو ڪيو بيٺا هئا:) ۽ بادشاهہ عرباہ جي رستي کان هليو ويو.

2.تواريخ 32:30

انهيءَ ساڳي حزقياہ جيحون جي پاڻيءَ جو مٿيون چشمو بہ بند ڪري ڇڏيو، ۽ انهيءَ کي سڌو هيٺ لاهي دائود جي شهر جي الهندي پاسي آندائين. ۽ حزقياہ پنهنجن سڀني ڪمن ۾ فتحياب ٿيو.

نحمياہ 12:37

۽ چشمي واري در جي ڀرسان، ۽ سڌو انهن جي اڳيان، هو دائود جي شهر جي ڏاڪڻ تان ڀت جي چاڙهيءَ وٽ، دائود جي گهر جي مٿان، اُڀرندي ڏانهن پاڻيءَ واري دروازي تائين، چڙهي هليا ويا.

نحمياہ 2:14

تڏهن آءٌ چشمي واري دروازي ۽ بادشاهہ جي ڍنڍ ڏانهن وڌي ويس: پر جيڪو وهٽ منهنجي هيٺان هو، تنهن جي لنگهڻ جي جاءِ ڪانہ هئي.

نحمياہ 2:17

تڏهن مون هنن کي چيو تہ اوهين ڏسو ٿا تہ اسان جو ڪهڙو بڇڙو حال آهي ۽ ڪيئن يروشلم ويران ٿيو پيو آهي، ۽ ان جا دروازا باهہ سان سڙيا پيا آهن: اچو تہ يروشلم جي ڀت اڏيون، تہ اڳتي خوار خراب نہ ٿيون.

نحمياہ 3:12

۽ انهيءَ جي پاسي کان مرمت جو ڪم سلوم بن هلوحيش، يروشلم جي اڌ ضلعي جي حاڪم، ۽ سندس ڌيئرن ڪيو.

نحمياہ 3:14

۽ ڇيڻن واري در جي ملڪياہ بن ريڪاب مرمت ڪئي، جو بيت هڪرم جي ضلعي جو حاڪم هو؛ انهيءَ اهو اڏيو، ۽ انهيءَ جا طاق، ۽ انهيءَ جون تاڙيون، ۽ انهيءَ جا گز وڌائين.

نحمياہ 3:19

۽ انهيءَ جي پاسي کان عيزر بن يشوع، مصفاہ جي حاڪم، ٻئي ڀاڱي جي مرمت ڪئي، جو ڀت جي در وٽ سلاح خاني جي چاڙهيءَ جي سامهون هو.

نحمياہ 3:7

۽ انهن جي پاسي کان ملطياہ جبعوني ۽ يدون ميرونوتي، جي جبعون ۾ مصفاہ جي ماڻهن مان هئا، جن جو نديءَ جي هن ڀر واري واليءَ جي تخت سان تعلق هو، تن مرمت جو ڪم ڪيو.

نحمياہ 3:9

۽ انهن جي پاسي کان مرمت جو ڪم رفاياہ بن حور ڪيو، جو يروشلم جي اڌ ضلعي جو حاڪم هو.

واعظ 2:6

مون پنهنجي لاءِ پاڻيءَ جون ڍنڍون جوڙيون، انهي لاءِ تہ انهن مان ٻيلي کي پاڻي اچي، جنهن ۾ وڻ پوکيم:

يسعياہ 8:6

شيلوخ جو پاڻي جو آهستي پيو وهي تنهن کي هن قوم رد ڪري ڇڏيو آهي، ۽ اُهي رضين ۽ رملياہ جي پٽ تي فخر ٿا ڪن؛

يرمياہ 40:6

تڏهن يرمياہ جدلياہ بن اخيقام ڏي مصفاہ ۾ ويو، ۽ اُنهيءَ ملڪ ۾ جيڪي ماڻهو باقي بچيل هئا تن منجهہ رهڻ لڳو.

لوقا 13:4

يا اوهين ڀانئيو ٿا ڇا تہ اُهي ارڙهن ڄڻا جن تي شيلوخ منجهہ ٺلهہ ڪِري پيو، ۽ دٻجي مُئا، سي يروشلم جي سڀني رهاڪن کان وڌيڪ ڏوهاري هئا؟

يوحنا 9:7

۽ چيائينس اُنهي تلاءَ ۾ وڃي ڌوءُ، جنهن جو نالو آهي شيلوخ (يعني موڪليل). پوءِ هو ويو، ۽ وڃي ڌوتائين، ۽ ڏسندو وائسندو آيو.

قاضين 20:1

تڏهن سڀ بني اسرائيل هڪ دل ٿي ٻاهر نڪتا، ۽ جماعت جلعاد ۽ دان کان وٺي بيرسبع تائين، مصفاہ ۾، خداوند جي لاءِ گڏ ٿي،

قاضين 20:3

(هاڻي بني بنيمين ٻڌو تہ بني اسرائيل مصفاہ ۾ آيا آهن). ۽ بني اسرائيل چيو تہ اسان کي ٻڌايو تہ هي خراب ڪم ڪيئن ٿيڻ ۾ آيو؟