يشوع 8:20 - Sindhi Bible

²⁰ ۽ جڏهن عئيءَ جي ماڻهن پنهنجي پٺيان نهاريو، تہ ڏسن تہ شهر جو دونهون آسمان تائين چڙهي ويو آهي، ۽ هنن کي ڪنهن پاسي بہ ڀڄڻ جي طاقت نہ رهي: ۽ جيڪي ماڻهو بيابان ڏي ڀڳا هئا سي پنهنجو پيڇو ڪندڙن تي موٽي ڪاهي آيا.

Muslim Sindhi Bible

²⁰ عئيءَ جي ماڻهن جڏهن پوئتي نهاريو تہ ڇا ڏٺائون تہ شهر جو دونهون آسمان سان پيو ڳالهيون ڪري، تڏهن هنن کي ڪنهن بہ پاسي بچي نڪرڻ جو وجھہ ڪونہ مليو، ڇو تہ بيابان ڏانهن ڀڄندڙ بني اسرائيل پڻ پنهنجو پيڇو ڪندڙن تي حملو ڪرڻ لاءِ پوئتي ڦري پيا.

يشوع 8:20 ပူးပေါင်းရင်းမြစ်များ

پيدائش 19:28

۽ هن سدوم ۽ عمورہ ڏانهن ۽ ميدان جي ساريءَ زمين ڏانهن نهاريو، ۽ ڇا ٿو ڏسي تہ انهيءَ زمين جو دونهون کوري جي دونهين وانگر مٿي پيو چڙهي.

ايوب 11:20

پر شرير جون اکيون انڌيون ٿينديون ۽ انهن کي ڀڄڻ جو رستو ڪونہ ملندو، ۽ انهن جي اُميد رڳي اها هوندي تہ پنهنجو ساهہ ڇڏين.

زبور 76:5

مضبوط دل وارن جو مال لٽجي ويو، هو غفلت جي ننڊ ۾ سمهي رهيا؛ ۽ زور وارن مان ڪنهن هڪڙي بہ هٿ نہ ڊگهيريو.

يسعياہ 34:10

اها نہ رات جو وسامندي نہ ڏينهن جو؛ انهيءَ جو دونهون هميشہ مٿي پيو چڙهندو: اها پيڙهي بہ پيڙهي ويران پيئي هوندي؛ هميشہ تائين انهيءَ مان ڪوبہ ڪونہ لنگهندو.

يشوع 8:19

۽ انهي وقت سڀ لڪل ماڻهو پنهنجي جاءِ تان نڪري ٻاهر ٿيا، ۽ هن جي هٿ ڊگهيرڻ شرط اُٿي ڊوڙيا: ۽ شهر ۾ گهڙي اُهو ورتائون؛ ۽ انهيءَ کي باهہ ڏنائون.

يشوع 8:21

۽ جڏهن يشوع ۽ سڀني اسرائيلين ڏٺو تہ لڪل ماڻهن وڃي شهر ورتو آهي، ۽ شهر جو دونهون مٿي چڙهيو آهي، تڏهن هو پٺتي موٽيا، ۽ عئي جي ماڻهن کي قتل ڪيائون

مڪاشفو 18:9

۽ جن زمين جي بادشاهن ساڻس زناڪاري ۽ عيش عشرت ڪئي، سي جڏهن هن جي سڙڻ جو دونهون ڏسندا، تڏهن سندس لاءِ روئندا ۽ پِٽيندا.

مڪاشفو 19:3

۽ هنن وري ٻيو ڀيرو پڪاري چيو تہ هاليلوياهہ. ۽ انهي جي سڙڻ جو دونهون هميشہ تائين پيو اُٿندو.

قاضين 20:38

هاڻي اسرائيل جي ماڻهن، ۽ لڪي ويٺل ماڻهن جي وچ ۾ اها نشاني مقرر ڪئي ويئي هئي تہ هو شهر مان دونهين جو وڏو ڪڪر مٿي چاڙهين.

قاضين 20:40

پر جڏهن شهر مان دونهين جو ٿنڀ مٿي چڙهڻ لڳو، تڏهن بنيمين پٺيان نهاريو ۽ ڏسن تہ سڄي شهر مان دونهون آسمان تائين پيو چڙهي.

قاضين 20:41

تڏهن اسرائيل جي ماڻهن موٽي بنيمين جي ماڻهن کي حيران پريشان ڪيو: ڇالاءِ جو هنن ڏٺو تہ مصيبت اچي مٿان ڪڙڪي آهي.