يشوع 21:11 - Sindhi Bible

¹¹ ۽ انهن هنن کي يهوداہ جي ڪوهستان ۾ قريت اربع (يعني حبرون)، ان جي آس پاس وارين ٻهراڙين سميت ڏنو، اهو اربع عناق جو پيءُ هو.

Muslim Sindhi Bible

¹¹ هنن کي يهوداہ جي جابلو علائقي ۾ قريت‌اربع يعني حبرون شهر آس‌پاس وارن چراگاهن سميت ڏنو ويو. اربع بني عناق جو وڏو هو.

يشوع 21:11 ပူးပေါင်းရင်းမြစ်များ

پيدائش 23:2

۽ سارہ ڪنعان جي ملڪ ۾ قريت اربع، يعني حبرون ۾ وفات ڪئي ۽ ابرهام سارہ جي لاءِ ماتم ڪيو ۽ رنو.

پيدائش 35:27

پوءِ يعقوب ممري ۾، قريت اربع يعني حبرون ۾، جتي ابرهام ۽ اسحاق رهندا هئا، اتي پنهنجي پيءُ اسحاق وٽ آيو.

2.سموئيل 15:7

۽ چئن ورهين کان پوءِ هيئن ٿيو تہ ابي سلوم بادشاهہ کي چيو تہ آءٌ عرض ٿو ڪريان تہ مون کي ڇڏ تہ حبرون ۾ وڃي خداوند جي لاءِ جيڪا مڃتا مڃي اٿم سا پوري ڪريان.

1.تواريخ 6:55

انهن کي هنن يهوداہ جي زمين ۾ حبرون ۾ انهيءَ جي آس پاس وارا ٻهراڙيءَ جا ڳوٺ ڏنا؛

لوقا 1:39

انهن ڏينهن ۾ مريم جلدي ڪري جابلو ملڪ ڏانهن، يهوديہ جي هڪڙي شهر ۾ ويئي؛

يشوع 14:15

۽ حبرون جو نالو اڳي قريٿ اربع هو؛ جو اربع عناقيم ۾ سڀني کان وڏو ماڻهو هو. تنهن کان پوءِ انهيءَ ملڪ کي جنگ کان آرام مليو.

يشوع 15:54

۽ حمط، ۽ قريٿ اربع (جو حبرون آهي)، ۽ صيعور؛ نوَ شهر، سندن ڳوٺن سميت.

يشوع 21:10

۽ اُهي هارون جي اولاد لاءِ هئا، جي بني لاويءَ مان قهاتين جي قبيلن مان هئا: ڇالاءِ جو هنن جو پهرين ڪڻي وارو حصو هو.

يشوع 21:12

پر شهر جون ٻنيون ۽ ان جا ڳوٺ هنن يفنہ جي پٽ ڪالب کي موروثي ملڪيت ڪري ڏنا.

قاضين 1:10

۽ يهوداہ انهن ڪنعانين تي بہ ڪاهي ويو جي حبرون ۾ رهندا هئا: (هاڻي حبرون جو نالو اڳي قريت اربع هو): ۽ هنن سيسي ۽ اخيمان، ۽ تلميءَ کي ماريو.

1.سموئيل 30:31

۽ جبرون ۾، ۽ اُنهن سڀني جاين ڏي جتي دائود پاڻ ۽ سندس ماڻهو اڪثر گهمندا ڦرندا هئا.