يشوع 14:4 - Sindhi Bible

⁴ ڇالاءِ جو يوسف جي ٻن پٽن، منسي ۽ افرائيم جا ٻہ فرقا هئا: ۽ هنن انهيءَ ملڪ ۾ لاوين کي ڪوبہ حصو ڪونہ ڏنو، سواءِ شهرن جي، ۽ چاري جي لاءِ زمين، تہ اُتي پاڻ بہ رهن، ۽ پنهنجو مال بہ چارين، ۽ پنهنجو قوت گذران بہ ڪن.

يشوع 14:4 ပူးပေါင်းရင်းမြစ်များ

پيدائش 41:51

۽ يوسف وڏي جو نالو منسي رکيو؛ ڇالاءِ جو هن چيو تہ خدا منهنجي سڀ تڪليف ۽ منهنجي پيءُ جو گهر مون کان وسارائي ڇڏيو آهي.

پيدائش 41:52

۽ ٻئي جو نالو افرائيم رکيائين، جو چيائين تہ خدا مون کي منهنجيءَ مصيبت واري ملڪ ۾ ڦلدار ڪيو آهي.

پيدائش 46:20

۽ مصر جي ملڪ ۾ يوسف مان منسي ۽ افرائيم پيدا ٿيا، جي اون شهر جي ڪاهن فوطيفرع جي ڌيءَ آسناٿ مان پيدا ٿيا.

پيدائش 48:1

انهن ڳالهين کان پوءِ هيئن ٿيو جو ڪنهن ماڻهوءَ يوسف کي چيو تہ ڏس، تنهنجو پيءُ بيمار آهي: تڏهن هو پنهنجا ٻئي پٽ منسي ۽ افرائيم پاڻ سان وٺي روانو ٿيو.

پيدائش 48:5

هاڻي تنهنجا ٻہ پٽ، جي آءٌ تو وٽ مصر جي ملڪ ۾ آيس تنهن کان اڳي تو مان پيدا ٿيا آهن، سي منهنجا آهن: جيئن روبن ۽ شمعون منهنجا آهن، تيئن افرائيم ۽ منسي بہ منهنجا ٿيندا.

پيدائش 48:6

۽ هنن کان پوءِ ٻيو جيڪو اولاد توکي ٿيندو، سو تنهنجو ئي ٿيندو؛ ۽ اهي پنهنجيءَ ميراث ۾ سندن ڀائرن جي نالن سان گڏيا ويندا.

2.تواريخ 30:1

پوءِ حزقياہ ساري اسرائيل ۽ يهوداہ ڏي ماڻهو موڪليا، ۽ افرائيم ۽ منسيءَ ڏي بہ خط لکي موڪليائين، تہ يروشلم ۾ خداوند جي گهر ۾ اچو تہ خداوند اسرائيل جي خدا لاءِ فسح جي عيد ڪريون.

ڳاڻاٽو 26:28

يوسف جا پٽ ۽ سندن گهراڻا: منسي ۽ افرائيم.

يشوع 16:4

انهي طرح يوسف جي اولاد، منسي ۽ افرائيم پنهنجو ورثو ورتو.