يوحنا 4:7 - Sindhi Bible

⁷ پوءِ اتي سامريا جي هڪڙي زال پاڻي ڀرڻ آئي. يسوع هن کي چيو تہ مون کي پاڻي پيار.

Hindu Sindhi Bible

^7-8 ايتري ۾ اتي هڪ سامري ناري پاڻي ڀرڻ آئي. جيئن تہ يسوع جا چيلا شهر مان کاڌو وٺڻ ويا هئا، سو يسوع انهيءَ کي چيو تہ ”مون کي پاڻي پيئار.“

Muslim Sindhi Bible

^7-8 ايتري ۾ اتي هڪ سامري عورت پاڻي ڀرڻ آئي. جيئن تہ عيسيٰ جا شاگرد شهر مان کاڌو وٺڻ ويا هئا، سو عيسيٰ انهيءَ کي چيو تہ ”مون کي پاڻي پيئار.“

Common Language New Testament

^7-8 ايتري ۾ اتي ھڪ سامري عورت پاڻي ڀرڻ آئي. جيئن تہ عيسيٰ جا شاگرد شھر مان کاڌو وٺڻ ويا ھئا، سو عيسيٰ انھيءَ کي چيو تہ ”مون کي پاڻي پيار.“

يوحنا 4:7 ပူးပေါင်းရင်းမြစ်များ

پيدائش 24:17

تڏهن اهو نوڪر ڊوڙي وڃي کيس گڏيو ۽ چيائينس تہ آءٌ توکي عرض ٿو ڪريان تہ پنهنجي دلي مان مون کي ٿورو پاڻي پيار.

پيدائش 24:43

تہ ڏس، آءٌ پاڻيءَ جي چشمي وٽ بيٺو آهيان؛ ۽ هيئن ٿئي، تہ جيڪا ڇوڪري پاڻي ڀرڻ اچي، ۽ آءٌ چوانس تہ مهرباني ڪري مون کي پنهنجي دلي مان ٿورو پاڻي پيار؛

1.بادشاهَہ 17:10

تڏهن هو اُٿيو ۽ صارپت ڏي ويو؛ ۽ جڏهن هو شهر جي دروازي وٽ آيو، تڏهن ڏسي تہ هڪڙي رن زال ڪاٺيون پيئي گڏ ڪري: ۽ هن سڏي چيس تہ ڀلائي ڪري ڪنهن باسڻ ۾ مون کي ٿورو پاڻي آڻي ڏي تہ پيئان.

متي رسول جي معرفت پاڪ انجيل 10:42

آئون اوهان کي سچ ٿو چوان تہ جيڪو هنن ننڍڙن منجهان هڪڙي کي منهنجو شاگرد ڄاڻي رڳو ٿڌي پاڻيءَ جو پيالو پياريندو، سو ڪنهن بہ طرح پنهنجو اجر نہ وڃائيندو.

يوحنا 19:28

تنهن کانپوءِ يسوع جڏهن ڏٺو تہ هاڻي سڀ ڳالهيون اچي پوريون ٿيون آهن، تڏهن چيائين تہ مون کي اُڃ لڳي آهي، سو انهي لاءِ تہ پاڪ لکيت پوري ٿئي.

يوحنا 4:10

يسوع جواب ڏيئي چيس تہ جي توکي خدا جي بخشش جي خبر هجي ها، ۽ ڄاڻين ها تہ اُهو ڪير آهي جو توکي چوي ٿو تہ مون کي پاڻي پيار؛ تہ تون جيڪر هن کان گهُرين ها، ۽ هو توکي زندگيءَ جو پاڻي ڏئي ها.

يوحنا 4:6

۽ اتي يعقوب جو کوهہ هو. پوءِ يسوع، جو مسافريءَ تان ٿڪجي آيو هو، سو ائين جو ائين کوهہ تي اچي ويٺو، اُهو اٽڪل ٻنپهرن جو وقت هو.

يوحنا 4:8

ڇالاءِ جو هن جا شاگرد شهر مان کاڌو ڳنهڻ ويا هئا.