يرمياہ 52:17 - Sindhi Bible

¹⁷ ۽ جيڪي پتل جا ٿنڀ خداوند جي گهر ۾ هئا، ۽ پايا ۽ پتل جو حوض، جي خداوند جي گهر ۾ هئا، سي ڪسدين ڀڃي پرزا پرزا ڪري ڇڏيا ۽ انهن جو سڀ پتل بابل ڏي کڻي ويا.

Muslim Sindhi Bible

¹⁷ پتل جا ٿنڀا، پتل جون ريڙهيون ۽ پتل جو حوض جيڪي خداوند جي گھر ۾ هئا، سي سڀ بابل وارن ڀڃي ڀورا ڀورا ڪري ڇڏيا ۽ انهن جو سڀ پتل بابل ڏانهن کڻي ويا.

يرمياہ 52:17 ပူးပေါင်းရင်းမြစ်များ

1.بادشاهَہ 7:50

۽ پيالا، ۽ ڦل وڍڻ جون ڪينچيون، ۽ رڪابيون، ۽ چمچا، ۽ باهہ کڻڻ جون ٿالهيون، نج سون جون؛ ۽ نرماد اندرئين گهر جي درن لاءِ، يعني پاڪ ترين جاءِ لاءِ، ۽ گهر جي درن لاءِ، يعني هيڪل جي لاءِ، سون جا.

2.بادشاهَہ 20:17

ڏس، اُهي ڏينهن اچن ٿا جڏهن جيڪي تنهنجي گهر ۾ آهي، ۽ جيڪي تنهنجن ابن ڏاڏن اڄ ڏينهن تائين گڏ ڪري رکيو آهي، سو سڀ بابل ڏانهن کڄي ويندو: خداوند فرمائي ٿو تہ ڪجهہ بہ پٺتي ڇڏيو نہ ويندو.

2.تواريخ 36:18

۽ خدا جي گهر جا سڀ باسڻ، وڏا توڙي ننڍا، ۽ خداوند جي گهر جا خزانا، ۽ بادشاهہ ۽ سندس اميرن جا خزانا، اهي سڀ هو بابل ڏي کڻي ويو.

يرمياہ 52:20

ٻہ ٿنڀ، هڪڙو سمنڊ، ۽ ٻارهن پتل جا ڍڳا، جي پاين هيٺان هئا، ۽ جي سليمان بادشاهہ خداوند جي گهر لاءِ جوڙايا هئا: ۽ انهن سڀني ٿانوَن جو پتل تورڻ کان ٻاهر هو.

زاريون 1:10

دشمن پنهنجو هٿ ان جي سڀني وڻندڙن شين تي ڊگهو ڪيو آهي: ڇالاءِ جو هن ڏٺو آهي تہ غير قومن وارا سندس پاڪ جاين ۾ گهڙي آيا آهن، جن جي نسبت ۾ تو حڪم ڪيو هو تہ تنهنجي جماعت ۾ داخل نہ ٿين.

حزقي ايل 40:49

اڳ واري ايوان جي ڊيگهہ ويهہ هٿ هئي ۽ ويڪر يارهن هٿ؛ يعني جن ڏاڪن تان انهي تي چڙهي وڃبو هو، تن جي پاسي کان، ۽ ٿنڀن جي ڀرسان پيلپاوا هئا، هڪڙو هِن پاسي ۽ ٻيو هُن پاسي.

دانيال 1:2

۽ خداوند يهوداہ جي بادشاهہ يهويقيم کي ۽ ساڻس گڏ ڪي خداوند جي گهر جا ٿانوَ بہ هن جي هٿن ۾ ڏيئي ڇڏيا؛ ۽ اُهي هو کڻي سنعار جي ملڪ ۾ پنهنجي معبود جي گهر ۾ ويو: ۽ اُهي ٿانوَ هن پنهنجي معبود جي گهر ۾ آڻي رکيا.