قاضين 9:6 - Sindhi Bible

⁶ تڏهن سڪم جا سڀ ماڻهو، ۽ ملو جو گهراڻو اچي گڏ ٿيا، ۽ سڪم ۾ ٺلهہ واري شاهہ بلوط وٽ وڃي ابيملڪ کي بادشاهہ ڪيائون.

Muslim Sindhi Bible

⁶ تڏهن سڪم ۽ بيت‌ملو جا سڀ رهاڪو سڪم ۾ شاهہ‌بلوط وڻ جي ڀر واري مذهبي ٿنڀي وٽ گڏ ٿيا ۽ اتي ابيملڪ کي پنهنجو بادشاهہ بڻايائون.

قاضين 9:6 ပူးပေါင်းရင်းမြစ်များ

2.سموئيل 5:9

۽ دائود انهيءَ قلعي ۾ رهندو هو، ۽ انهيءَ کي دائود جو شهر سڏيائون، ۽ دائود ملو کان وٺي اندر تائين چوڌاري گهر جوڙايا.

1.بادشاهَہ 12:1

۽ رحبعام سڪم ڏي ويو: ڇالاءِ جو ساري اسرائيل قوم هن کي بادشاهہ ڪرڻ لاءِ سڪم ۾ آئي هئي.

1.بادشاهَہ 12:20

۽ هيئن ٿيو تہ جڏهن سڀني اسرائيلين ٻڌو تہ يربعام موٽي آيو آهي، تڏهن هنن اُنهيءَ کي ماڻهو موڪلي جماعت ۾ گهرايو، ۽ اُنهيءَ کي ساري اسرائيل قوم تي بادشاهہ ڪيائون: فقط يهوداہ جي فرقي کان سواءِ ٻئي ڪنهن بہ دائود جي گهراڻي جي پيروي نہ ڪئي.

1.بادشاهَہ 12:25

تنهن کان پوءِ يربعام افرائيم جي ڪوهستان ۾ سڪم اڏي اُتي رهڻ لڳو؛ ۽ اُتان وڃي فنوايل اڏيائين.

2.بادشاهَہ 12:20

۽ هن جا نوڪر اُٿيا ۽ منصوبو ڪيائون ۽ ملو جو گهر، جو سلا جي لاهيءَ تي آهي، تنهن وٽ يوآس کي ماريائون.

يشوع 24:26

۽ يشوع خدا جي شريعت جي ڪتاب ۾ هي لفظ لکيا؛ ۽ هڪڙو وڏو پٿر کڻي خداوند جي عبادتگاهہ جي ڀر ۾، جيڪو شاهہ بلوط جو وڻ آهي، تنهن جي هيٺان کوڙي ڇڏيائين.

قاضين 9:5

پوءِ هو عفرہ ۾ پنهنجي پيءُ جي گهر ويو، ۽ پنهنجن ڀائرن يروبعل جي پٽن کي هڪڙي پٿر تي ڪُٺائين، جي ستر ڄڻا هئا: پر يروبعل جو سڀ کان ننڍو پٽ يوتام رهجي ويو؛ ڇالاءِ جو هن وڃي پاڻ کي لڪايو هو.

قاضين 9:7

۽ جڏهن يوتام کي اها خبر ملي، تڏهن هو وڃي گرزيم جبل جي چوٽيءَ تي بيٺو، ۽ وڏي آواز سان سڏ ڪري هنن کي چوڻ لڳو تہ اي سڪم جا رهاڪو، منهنجي ڳالهہ ٻڌو، تہ خدا بہ اوهان جي ٻڌي.