قاضين 8:4 - Sindhi Bible

⁴ ۽ جدعون يردن وٽ آيو، ۽ جيڪي ٽي سؤ ماڻهو ساڻس هئا تن سميت پار لنگهيو، ۽ جيتوڻيڪ هو ٿڪل هئا، تڏهن بہ هن جي پٺيان لڳا آيا.

Muslim Sindhi Bible

⁴ پوءِ جِدعون ۽ ساڻس گڏ جيڪي ٽي سؤ ماڻهو هئا سي ٿڪل هجڻ جي باوجود دشمن جو پيڇو ڪندي اردن درياءَ تي آيا ۽ اتان اوڀر پار لنگھيا.

قاضين 8:4 ပူးပေါင်းရင်းမြစ်များ

2.ڪرنٿين 4:16

تنهنڪري اسين همت نٿا هاريون؛ پر جيتوڻيڪ اسان جي ظاهري انسانيت فنا ٿيندي ٿي وڃي، تڏهن بہ اسان جي اندرين انسانيت روز بروز نئين ٿيندي ٿي وڃي.

گلتين 6:9

۽ اسان کي نيڪي ڪرڻ ۾ ٿَڪجڻ نہ کپي، ڇالاءِ تہ جي همت نہ هارينداسين، تہ پوري وقت تي لابارو لاهينداسين.

قاضين 7:25

۽ هنن مديانين جا ٻہ شهزادا، عوريب، ۽ زئيب گرفتار ڪيا؛ ۽ هنن عوريب کي، عوريب جي ٽڪر تي، ۽ زئيب کي، زئيب جي شراب جي چيچڙي وٽ، قتل ڪري ڇڏيو، ۽ مديانين جي پٺيان پيا: ۽ هنن عوريب ۽ زئيب جون سسيون، يردن جي هن ڀر جدعون وٽ آنديون.

قاضين 8:3

خدا مديانين جا شهزادا عوريب ۽ زئيب اوهان جي هٿ ۾ ڏنا آهن: اوهان جي مقابلي ۾ آءٌ ڇا ڪري سگهيس! تڏهن هن جي ايتري چوڻ تي هنن جي جيڪا ڪاوڙ مٿس هئي سا جهڪي ٿي.

1.سموئيل 30:10

پر دائود پنهنجن چئن سوَن ماڻهن سان اڳتي هليو: ڇالاءِ جو ٻہ سؤ، جي اهڙا ٿڪجي پيا هئا جو بسور جي نهر جي پار نہ وڃي سگهيا، سي پٺتي رهجي ويا:

1.سموئيل 30:8

۽ دائود خداوند کي سوال ڪري چيو تہ جيڪڏهن آءٌ هن لشڪر جي پٺيان پوندس تہ انهي کي پهچي سگهندس يا نہ؟ ۽ هن جواب ڏنس تہ پٺيان پئين: جو تون ضرور وڃي پهچندين، ۽ يقيناً سڀ ڪجهہ انهن کان وري بہ ڇڏائي وٺندين.