قاضين 7:17 - Sindhi Bible

¹⁷ ۽ انهن کي چيائين تہ مون ڏانهن نهارجو، ۽ جيئن آءٌ ڪريان تيئن ڪجو: ۽ ڏسو: جڏهن آءٌ منزلگاهہ جي ٻاهرين پاسي وٽ اچان، تڏهن هيئن ٿئي تہ جيئن آءٌ ڪريان تيئن اوهين بہ ڪجو.

Muslim Sindhi Bible

¹⁷ هن کين چيو تہ ”جڏهن آءٌ دشمن جي خيمي‌گاهہ جي ٻاهرين پاسي وٽ پهچان، تڏهن مون ڏانهن نهارجو ۽ جيئن آءٌ ڪريان تيئن اوهين بہ ڪجو.

قاضين 7:17 ပူးပေါင်းရင်းမြစ်များ

متي رسول جي معرفت پاڪ انجيل 16:24

تڏهن يسوع پنهنجن شاگردن کي چيو تہ جيڪڏهن ڪو ماڻهو منهنجي پٺيان اچڻ گهري، تہ پنهنجي خوديءَ کي ماري، ۽ پنهنجو صليب کڻي منهنجي پٺيان اچي.

1.ڪرنٿين 11:1

اوهين بہ منهنجي پيروي ڪريو، جيئن آئون مسيح جي پيروي ٿو ڪريان.

عبرانين 13:7

جيڪي اوهان جا اڳواڻ هئا ۽ اوهان کي خدا جو ڪلام ٻُڌايائون، تن کي ياد ڪريو ۽ انهن جي حياتيءَ جي نتيجي جو ويچار ڪري انهن جهڙو ايمان رکو.

1.پطرس 5:3

جيڪي اوهان جي سپرد ڪيا ويا آهن، تن تي حڪم هلائڻ واسطي نہ، پر انهي لاءِ تہ انهي ڌڻ جي اڳيان پاڻ کي نمونو بنايو.

قاضين 7:16

۽ هن اُهي ٽي سؤ ماڻهو ٽن ٽولين ۾ ورهايا، ۽ انهن سڀني جي هٿن ۾ قرنائون، ۽ خالي دلا ڏنائين، ۽ انهن دلن ۾ مشعلون هيون.

قاضين 7:18

جڏهن آءٌ قرنائي وڄايان، ۽ ٻيا جيڪي مون سان آهن، سي بہ سڀ قرنائون وڄائين، تڏهن اوهين بہ منزلگاهہ جي سڀ ڪنهن پاسي کان قرنائون وڄائجو، ۽ چئجو تہ خداوند جي لاءِ، ۽ جدعون جي لاءِ.

قاضين 9:48

۽ ابيملڪ، جيڪي ماڻهو ساڻس هئا، تن سڀني سميت ضلمون جي جبل تي چڙهي ويو؛ ۽ ابيملڪ پنهنجي هٿ ۾ هڪڙو ڪهاڙو کڻي وڻ مان هڪڙي ٽاري وڍي، ۽ اُها مٿي کڻي پنهنجي ڪلهي تي رکيائين، ۽ جيڪي ماڻهو ساڻس هئا، تن کي هن چيو تہ جيڪي اوهان مون کي ڪندو ڏٺو آهي، سو اوهين بہ جلدي ڪري ائين ئي ڪريو.