قاضين 13:16 - Sindhi Bible

¹⁶ ۽ خداوند جي فرشتي منوحہ کي چيو تہ جيتوڻيڪ تون مون کي ترسائيندين تہ بہ آءٌ تنهنجي ماني ڪين کائيندس: ۽ جيڪڏهن تون ڪا سوختني قرباني تيار ڪندين، تہ اُها توکي خداوند جي لاءِ پيش ڪرڻ گهرجي. ڇالاءِ جو منوحہ کي اها خبر ڪانہ هئي تہ هو خداوند جو فرشتو آهي.

Muslim Sindhi Bible

¹⁶ خداوند جي ملائڪ منوحہ کي وراڻيو تہ ”جيڪڏهن تون مون کي ترسائيندين بہ، تڏهن بہ آءٌ تنهنجو کاڌو ڪين کائيندس. پر جيڪڏهن تون اهو تيار ڪرڻ گھرين ٿو تہ پوءِ اهو خداوند جي لاءِ ساڙڻ واري قربانيءَ طور پيش ڪر.“ منوحہ کي اها خبر ڪانہ هئي تہ هو ڪو خداوند جو ملائڪ آهي.

قاضين 13:16 ပူးပေါင်းရင်းမြစ်များ

پيدائش 18:5

۽ آءٌ مانيءَ ٽڪر کڻي ٿو اچان، سو کائي آرام ڪريو، ۽ پوءِ هليا وڃجو؛ ڇالاءِ جو انهيءَ لاءِ اوهين پنهنجي ٻانهي وٽ آيا آهيو. تڏهن هنن چيس تہ جيئن چيو اٿئي، تيئن ڀلي ڪر.

قاضين 13:21

پر خداوند جي فرشتي وري منوحہ کي يا سندس زال کي ڏيکاري نہ ڏني. تڏهن منوحہ کي خبر پيئي تہ اُهو خداوند جو فرشتو هو.

قاضين 13:23

پر سندس زال چيس تہ جيڪڏهن خدا اسان کي مارڻ گهري ها، تہ هو هيءَ سوختني قرباني، ۽ کاڌي جي قرباني، اسان جي هٿان قبول نہ ڪري ها، ۽ نہ هيتريون شيون اسان کي ڏيکاري ها، نڪي هن وقت ههڙيون ڳالهيون اسان کي ٻڌائي ها.

قاضين 6:20

۽ خدا جي فرشتي هن کي چيو تہ اهو گوشت ۽ اهي فطيري مانيون کڻي هن ٽڪر تي رک، ۽ اهو شوروو بہ انهيءَ تي هاري وجهہ: ۽ هن ائين ڪيو.

قاضين 6:26

۽ خداوند پنهنجي خدا جي لاءِ هن مضبوط ڳڙهہ جي چوٽيءَ تي، پوري بندوبست سان، هڪڙي قربانگاهہ جوڙ، ۽ اُهو ٻيو ڍڳو وٺي، يسيرت وارين وڍيل ڪاٺين سان سوختني قرباني چاڙهہ.