خروج 28:3 - Sindhi Bible

³ ۽ جيڪي هوشيار ماڻهو آهن، جن کي مون دانائيءَ جي روح سان ڀرپور ڪيو آهي، تن کي چئُہ تہ هارون جي لاءِ پوشاڪ ٺاهين، تہ هو مخصوص ٿي منهنجي لاءِ ڪهانت جي خدمت ڪري.

Muslim Sindhi Bible

³ تون انهن سڀني ماهر ڪاريگرن، جن کي مون حڪمت جي روح سان ڀرپور ڪيو آهي، تن کي چئُہ تہ هارون جي لاءِ خاص پوشاڪ ٺاهين، انهيءَ لاءِ تہ هو مخصوص ٿي منهنجي لاءِ ڪاهن ٿئي ۽ اها پوشاڪ پائي.

خروج 28:3 ပူးပေါင်းရင်းမြစ်များ

1.بادشاهَہ 7:14

هو نفتالي جي فرقي جي هڪڙيءَ رن زال جو پٽ هو، ۽ هن جو پيءُ صور جو هڪڙو رهاڪو هو، ۽ پتل جو ڪم ڪندڙ هو؛ ۽ هو پتل جي هر قسم جي ڪم ۾ سياڻپ ۽ سمجهہ، ۽ هنرمنديءَ ۾ ماهر هو. ۽ هو سليمان وٽ آيو ۽ سندس سڀ ڪم ڪيائين.

خروج 35:10

اوهان ۾ جيڪي هوشيار ماڻهو آهن، سي اچي اهو سڀ جوڙين، جنهن بابت خداوند حڪم ڏنو آهي؛

خروج 35:25

جيڪي هوشيار زالون هيون، تن پنهنجن هٿن سان آسماني، واڱڻائي ۽ قرمزي رنگ جي سنهي سڻي ڪتي تيار ڪئي.

خروج 35:30

۽ موسيٰ بني اسرائيل کي چيو تہ ڏسو، خداوند يهوداهہ جي قبيلي واري بضلي ايل بن اوري بن حور کي نالو وٺي سڏيو آهي.

خروج 35:31

۽ انهي کي دانائي، سمجهہ، علم ۽ هر ڪنهن قسم جي ڪاريگريءَ ۾ خدا جي روح سان ڀرپور ڪيو اٿس.

خروج 35:35

۽ هن کين دل جي دانائيءَ سان ڀرپور ڪيو آهي، انهي لاءِ تہ هو هر ڪنهن قسم جي ڪاريگري جو ڪم ڪن، يعني اُڪرڻ واري جو، استاد ڪاريگر جو، زردوز جو، آسماني، واڱڻائي ۽ قرمزي رنگ، ۽ سنهي سڻيءَ جي ڪپڙي ۾ ڀرت ڀرڻ واري جو، اُڻڻ واري جو، بلڪ انهن سڀني جو جيڪي ڪو ٻيو ڪاريگريءَ يا هوشياريءَ جو ڪم ٿا ڪن.

خروج 36:1

پوءِ بضلي ايل، اهلياب ۽ سڀيئي هوشيار ماڻهو، جن ۾ خداوند دانائي ۽ سمجهہ وڌي هئي تہ اُنهن کي عبادتگاهہ جي خدمت لاءِ هر ڪنهن قسم جي ڪم ڪرڻ جي خبر پوي، سي خداوند جي سڀني حڪمن موجب ڪم ڪرڻ لڳا.

خروج 36:2

۽ بضلي ايل، اهلياب، ۽ ٻيا سڀ ماڻهو، جن جي دلين ۾ خداوند دانائي وڌي هئي، يعني اهي سڀ جن جي دل کين ڪم ڪرڻ جي ترغيب ڏني، تن سڀني کي موسيٰ پاڻ وٽ سڏيو؛

چوڻيون 2:6

ڇالاءِ جو خداوند ڏاهپ ڏئي ٿو؛ هن جي وات مان علم ۽ سمجهہ اچن ٿا:

يسعياہ 11:2

۽ خداوند جو روح انهيءَ تي لهندو، ڏاهپ ۽ سمجهہ جو روح، مصلحت ۽ طاقت جو روح، علم ۽ خداوند جي خوف جو روح؛

اِفسين 1:17

تہ اسان جي خداوند يسوع مسيح جو خدا، جو جلال وارو پيءُ آهي، سو اوهان کي دانائي ۽ مڪاشفي جو روح بخشي؛ (تہ اوهين سندس معرفت حاصل ڪريو).

شريعت جو دور 34:9

۽ نون جو پٽ يشوع دانائيءَ جي روح سان ڀرپور هو؛ ڇالاءِ جو موسيٰ پنهنجا هٿ مٿس رکيا هئا: ۽ خداوند جيڪو حڪم موسيٰ کي ڏنو هو تنهن موجب بني اسرائيل هن جي فرمانبرداري ڪرڻ لڳا.

يعقوب 1:17

سڀڪا چڱي بخشش ۽ سڀڪو ڪامل انعام مٿان ٿو اچي، يعني روشنيءَ جي ابي وٽان ٿو لهي، جنهن ۾ ڪنهن بہ طرح جي ڦير گهير ٿي نٿي سگهي، منجهس ڦرڻ جو پاڇو ئي ڪونهي.