دانيال 11:25 - Sindhi Bible

²⁵ ۽ هو هڪڙي وڏي لشڪر سان ڏاڍي سگهہ ۽ همت جهلي، ڏکڻ جي بادشاهہ سان وڙهندو؛ ۽ ڏکڻ جو بادشاهہ بہ تمام وڏي زور واري لشڪر سان جنگ ڪندو: پر هو بيهي نہ سگهندو، ڇالاءِ جو هو ان جي برخلاف منصوبا ڪندا.

Muslim Sindhi Bible

²⁵ هو وڏي طاقت ۽ همت جھلي هڪڙو وڏو لشڪر ساڻ ڪري مصر جي بادشاهہ سان وڙهڻ لاءِ اٿندو. مصر جو بادشاهہ بہ نهايت وڏي ۽ زور واري لشڪر سان جنگ ڪرڻ لاءِ نڪري ايندو. پر مصر جو بادشاهہ بيهي نہ سگھندو، ڇاڪاڻ تہ هن جي خلاف سازشون جوڙيون ويون هونديون.

دانيال 11:25 ပူးပေါင်းရင်းမြစ်များ

چوڻيون 15:18

ڪاوڙيل ماڻهو تڪرار اُٿاري ٿو: پر جيڪو جلدي نٿو ڪاوڙجي سو جهيڙي کي اُجهايو ڇڏي.

چوڻيون 28:25

جيڪو لالچي طبيعت جو ماڻهو آهي سو جهيڙو اُٿاري ٿو، پر جيڪو پنهنجو ويساهہ خداوند ۾ رکي ٿو سو ٿلهو ٿيندو.

دانيال 11:10

۽ هن جا پٽ جنگ ڪندا، ۽ وڏا لشڪر گڏ ڪندا، جي ڪاهي ايندا، ۽ اُٿلي پوندا ۽ لنگهي ويندا: ۽ موٽي اچي جنگ ڪندا، ۽ هن جي قلعي تائين ايندا.

دانيال 11:2

۽ هاڻي آءٌ توکي حقيقت ٻڌائيندس، ڏس، اڃا ٽي بادشاهہ فارس ۾ برپا ٿيڻا آهن؛ ۽ چوٿون ٻين سڀني کان وڌيڪ دولتمند ٿيندو: ۽ جڏهن هو پنهنجي دولت جي وسيلي زور وارو ٿيندو، تڏهن هو سڀني کي چوري، يونان جي بادشاهت جي برخلاف کڙو ڪندو.

دانيال 11:40

۽ پڇاڙيءَ جي وقت ڏکڻ جو بادشاهہ ساڻس وڙهندو: ۽ اُتر جو بادشاهہ واچوڙي وانگر گاڏين سان، ۽ گهوڙي سوارن سان، ۽ گهڻن جهازن سان مٿس ڪاهي ايندو؛ ۽ هو ملڪن ۾ گهڙي پوندو، ۽ پکڙجي ويندو ۽ انهن منجهان لنگهي هليو ويندو.

دانيال 11:5

۽ ڏکڻ جو بادشاهہ زور وارو ٿيندو، ۽ ان جو هڪڙو امير بہ؛ ۽ اُهو کانئس بہ وڌيڪ زور وارو ٿيندو، ۽ وڏي اختيار وارو ٿيندو، ۽ هن جي بادشاهت وڏي بادشاهت ٿيندي.