2.سموئيل 23:9 - Sindhi Bible

⁹ انهيءَ کان پوءِ اليعزر بن دودي هو، جو هڪڙي اخوحي جو پٽ هو، جو دائود جي ٽن پهلوانن مان هڪڙو هو، جڏهن اسرائيل جا ماڻهو ڀڄي ويا هئا تڏهن هو جنگ لاءِ گڏ ٿيل فلستين کي سامهون پيو.

Muslim Sindhi Bible

⁹ انهيءَ کان پوءِ ٻيو بهادر اليعزر ولد دودو هو، جيڪو اخوحي گھراڻي جو هو. انهن ”ٽن جو ٽولو“ جي بهادرن مان هن دائود سان گڏجي جنگ لاءِ گڏ ٿيل فلستين کي للڪاريو هو. جيتوڻيڪ دائود جو ٻيو سڄو لشڪر ڀڄي ويو هو،

2.سموئيل 23:9 ပူးပေါင်းရင်းမြစ်များ

1.تواريخ 27:4

۽ ٻئي مهيني جي حصي جي مٿان دودي اخوحي هو، ۽ سندس حصي ۾؛ مقلوت سردار، ۽ حصي جا چوويهہ هزار هئا.

1.تواريخ 8:4

۽ ابيسوع، ۽ نعمان، ۽ اخوح؛

واعظ 4:12

۽ جيڪڏهن ڪو ماڻهو ڪنهن اڪيلي شخص تي غالب پوندو، تہ ٻہ ڄڻا وري بہ انهي کي سامهون ٿيندا؛ ۽ ٽيڻو وٽيل ڌاڳو جلد ڪين ڇڄندو.

يسعياہ 63:3

مون اڪيلي انگور جو چيچڙو لتاڙيو آهي؛ ۽ قومن مان ڪوبہ ماڻهو مون سان ڪونہ هو؛ هائو، غصي ۾ مون انهن کي لتاڙيو، ۽ ڪاوڙ ۾ مون انهن کي چٿيو؛ انهن جو رت منهنجي ڪپڙن تي ڇاٽاريو ويو، ۽ منهنجن سڀني ڪپڙن تي داغ ٿيا آهن.

يسعياہ 63:5

مون نهاريو، پر ڪوبہ مدد ڪرڻ وارو ڪونہ هو؛ ۽ مون کي عجيب لڳو تہ سنڀال ڪرڻ وارو ڪوبہ ڪونهي: تنهن ڪري خود منهنجيءَ ٻانهن نجات آندي؛ ۽ منهنجيءَ ڪاوڙ مون کي غيرت ڏني.

مرقس 14:50

پوءِ سڀ شاگرد کيس ڇڏي ڀڄي ويا.

1.سموئيل 17:10

۽ انهي فلستيءَ چيو تہ اڄ اسرائيل جي لشڪرن کي آءٌ هاڪاريان ٿو تہ ڪو ماڻهو مون کي ڪڍي ڏين تہ اسين پاڻ ۾ وڙهون.

1.سموئيل 17:26

۽ دائود جي آس پاس جيڪي ماڻهو بيٺا هئا تن کي هن چيو تہ جيڪو ماڻهو هن فلستيءَ کي ماري، ۽ اسرائيل تان اهو داغ دور ڪندو تنهن سان ڇا ڪيو ويندو؟ ڇالاءِ جو هي اڻطهريل فلستي ڪير آهي جو جيئري خدا جي لشڪرن کي اچي ٿو هاڪاري؟

1.سموئيل 17:36

تنهنجي ٻانهي شينهن کي ۽ رڇ کي بہ ماريو: ۽ هي اڻ طهريل فلستي بہ اُنهن مان هڪڙو ٿيندو، ڇالاءِ جو هن جيئري خدا جي لشڪرن کي اچي هاڪاريو آهي.