2.سموئيل 2:26 - Sindhi Bible

²⁶ تڏهن ابنير يوآب کي سڏي چيو تہ ترار هميشہ پئي کائيندي ڇا؟ تون ايترو نٿو ڄاڻين تہ پڇاڙيءَ ۾ ڪَڙائي پيدا ٿيندي؟ تڏهن ڪيستائين تون ماڻهن کي منع نہ ڪندين تہ هو پنهنجن ڀائرن جي پٺيان نہ پون؟

Muslim Sindhi Bible

²⁶ تڏهن ابنير يوآب کي سڏي چيو تہ ”ڇا تلوار هميشہ تائين پيئي ڪُهندي رهي؟ ڇا تون نہ ٿو ڄاڻين تہ انهيءَ جو انجام تلخي ئي نڪرندو؟ پوءِ ڪيستائين تون ماڻهن کي منع نہ ڪندين تہ هو پنهنجن ڀائرن جو پيڇو ڪرڻ ڇڏي ڏين؟“

2.سموئيل 2:26 ပူးပေါင်းရင်းမြစ်များ

2.سموئيل 11:25

تڏهن دائود قاصد کي چيو تہ تون يوآب کي هيئن چئجانءِ تہ انهيءَ ڳالهہ ڪري تون متان دلگير ٿين، ڇالاءِ جو ترار جهڙو هڪڙي کي کائي کپائي ٿي تهڙو ٻئي کي: شهر تي زيادہ زور سان جنگ ڪر، ۽ انهيءَ کي جيتي وٺ: ۽ تون کيس دلجاءِ ڏجانءِ.

2.سموئيل 2:14

۽ ابنير يوآب کي چيو تہ آءٌ منٿ ٿو ڪريان تہ جوان ماڻهو اُٿي اسان جي اڳيان راند ڪن. ۽ يوآب چيو تہ ڀلي اُٿن.

2.سموئيل 2:16

۽ انهن مان هرهڪ پنهنجي سامهون ٿيندڙ کي سسيءَ کان وٺي پنهنجي ترار انهيءَ جي پاسي ۾ لنگهائي ڏني؛ ۽ انهيءَ طرح هو سڀ گڏ ڪري پيا: تنهنڪري انهيءَ هنڌ کي حلقت حصوريم (يعني تکي ڪپ جي ٻني) جو نالو ڏنو ويو، جو جبعون ۾ آهي.

2.سموئيل 2:25

۽ بني بنيمين ابنير جي پٺيان گڏ ٿيا، ۽ هڪ ٽولي ٿي هڪڙيءَ ٽڪريءَ جي چوٽيءَ تي بيهي رهيا.

2.سموئيل 2:27

۽ يوآب چيو تہ خدا جيئري جو قسم آهي تہ جيڪڏهن تون ايترو نہ چوين ها، تہ سڀڪو ماڻهو پنهنجي ڀاءُ جي پٺيان پوي ها، ۽ صبح تائين هليو هلي ها.

ايوب 18:2

ڪيستائين تون لفظن جا ڄار وجهندين؟ ويچار ڪر تہ پوءِ اسين ڳالهائينداسين.

ايوب 19:2

ڪيستائين اوهين منهنجي روح کي هلاڪ ڪندا ۽ ڳالهين سان مون کي ڀڃي پرزا پرزا ڪندا؟

زبور 4:2

اي آدمزادا، اوهين ڪيستائين منهنجي جلال جي بيعزتي ڪندا؟ ڪيستائين بيهودگيءَ کي چاهيندا، ۽ ڪوڙ کي ڳوليندا؟

چوڻيون 17:14

جهيڙي جو شروع ٿيڻ اهڙو آهي جهڙو پاڻي ڇوڙي ڇڏڻ: تنهن ڪري جهيڙو ٿئي تنهن کان اڳي تڪرار ڇڏي ڏي.

يسعياہ 1:20

پر جي اوهين منڪر ۽ باغي ٿيندا تہ ترار اوهان کي کائي ويندي: ڇالاءِ جو خداوند پنهنجي واتان ائين فرمايو آهي.

يرمياہ 12:12

بيابان ۾ سڀني اُگهاڙين ٽڪرين تي ڦرلٽ ڪرڻ وارا اچي نڪتا آهن: ڇالاءِ جو خداوند جي ترار هڪڙي ڪنڊ کان وٺي ٻيءَ ڪنڊ تائين ملڪ کي ڳڙڪائي ڇڏي ٿي: ڪنهن بہ ماڻهوءَ لاءِ سلامتي ڪانهي.

يرمياہ 2:30

بي فائدي مون اوهان جي اولاد کي ماريو ڪُٽيو، پر انهن کي ڪابہ سيکت نہ آئي: خود اوهان جي ترار ناس ڪندڙ شينهن وانگي، اوهان جن نبين کي ڳهي وئي آهي.

يرمياہ 4:21

ڪيستائين آءٌ اهو جهنڊو ڏسندس ۽ قرناءِ جو آواز ٻڌندس؟

يرمياہ 46:10

ڇالاءِ جو اهو ڏينهن، يعني خداوند لشڪرن جي خدا جو ڏينهن، وير وٺڻ جو ڏينهن آهي، انهي لاءِ تہ هو پنهنجي دشمنن کان وير وٺي: ۽ ترار کائي ويندي ۽ ڍءُ ڪندي، ۽ هنن جي رت مان پنهنجو پيٽ ڀريندي: ڇالاءِ جو خداوند، لشڪرن جي خداوند لاءِ اُتر واري ملڪ ۾ فرات نديءَ جي ڪناري تي هڪڙي قرباني ٿيڻي آهي.

يرمياہ 46:14

اوهين مصر ۾ ظاهر ڪريو، ۽ مجدال ۾ پڌرائي ڪريو، ۽ نوف ۽ تحفنحيس ۾ اشتهار ڪريو: اوهين چئو تہ نڪري اچ ۽ پاڻ کي تيار رک؛ ڇالاءِ جو ترار تنهنجي آس پاس کائي ويئي آهي.

هوسيع 11:6

۽ ترار هن جي شهرن تي ڪڙڪندي، ۽ هن جي درن جي گزن کي چٽ ڪري ڇڏيندي، ۽ خود سندن مصلحتن ڪري هنن کي ڳهي ڇڏيندي.

سنتن جا ڪم 7:26

۽ ٻئي ڏينهن وري هنن مان ٻن کي پاڻ ۾ وڙهندو ڏسي وٽن ويو، ۽ کين پاڻ ۾ پرچائڻ جي ارادي سان چيائين، اوهين ڀائر آهيو، هڪ ٻئي تي ظلم ڇو ٿا ڪريو؟