2.سموئيل 2:16 - Sindhi Bible

¹⁶ ۽ انهن مان هرهڪ پنهنجي سامهون ٿيندڙ کي سسيءَ کان وٺي پنهنجي ترار انهيءَ جي پاسي ۾ لنگهائي ڏني؛ ۽ انهيءَ طرح هو سڀ گڏ ڪري پيا: تنهنڪري انهيءَ هنڌ کي حلقت حصوريم (يعني تکي ڪپ جي ٻني) جو نالو ڏنو ويو، جو جبعون ۾ آهي.

Muslim Sindhi Bible

¹⁶ انهن مان هر هڪ پنهنجي سامهون ٿيندڙ کي منڍيءَ کان جھلي پنهنجي تلوار انهيءَ جي پاسي ۾ لنگھائي ڏني، تہ اهي چوويهہ ئي ڄڻا هڪ ئي وقت ڪري پيا. تنهنڪري جِبعون واري انهيءَ جاءِ کي حلقت‌هصوريم جو نالو ڏنو ويو.

2.سموئيل 2:16 ပူးပေါင်းရင်းမြစ်များ

2.سموئيل 2:14

۽ ابنير يوآب کي چيو تہ آءٌ منٿ ٿو ڪريان تہ جوان ماڻهو اُٿي اسان جي اڳيان راند ڪن. ۽ يوآب چيو تہ ڀلي اُٿن.

2.سموئيل 2:15

تڏهن هو اُٿي شمار موجب اوڏي ويا؛ ٻارهن بنيمين، ۽ اشبوست بن سائول جي طرفان، ۽ ٻارهن دائود جي نوڪرن جي طرفان.

2.سموئيل 2:17

۽ انهيءَ ڏينهن جنگ ڏاڍي سخت لڳي؛ ۽ ابنير ۽ اسرائيل جي ماڻهن، دائود جي نوڪرن جي اڳيان شڪست کاڌي.

2.سموئيل 2:26

تڏهن ابنير يوآب کي سڏي چيو تہ ترار هميشہ پئي کائيندي ڇا؟ تون ايترو نٿو ڄاڻين تہ پڇاڙيءَ ۾ ڪَڙائي پيدا ٿيندي؟ تڏهن ڪيستائين تون ماڻهن کي منع نہ ڪندين تہ هو پنهنجن ڀائرن جي پٺيان نہ پون؟

1.بادشاهَہ 20:20

۽ انهن مان هر ڪنهن پنهنجي مقابلي ڪندڙ کي ماريو؛ ۽ ارامي اُٿي ڀڳا ۽ اسرائيلي انهن جي پٺيان پيا: ۽ ارام جو بادشاهہ بن هدد گهوڙي تي چڙهي هڪڙي گهوڙي سوار سان گڏ جند ڇڏائي ڀڳو.

سنتن جا ڪم 1:19

۽ هن ڳالهہ جي يروشلم جي سڀني رهاڪن کي خبر آهي. ايتري قدر جو انهيءَ ٻنيءَ جو نالو سندن ٻوليءَ ۾ اڪيلداما پئجي ويو، يعني خون جي ٻني.)

يشوع 19:25

۽ انهن جي سرحد هئي خلقٿ، ۽ حلي، ۽ بطن، ۽ اڪشاف؛