2.سموئيل 14:26 - Sindhi Bible

²⁶ ۽ جڏهن هو پنهنجي مٿي جا وار ڪوڙائيندو هو (هاڻي سڀ ڪنهن سال جي پڇاڙيءَ ۾ هو مٿو ڪوڙائيندو هو: ڇالاءِ جو هن جا وار گهاٽا ۽ ڳرا هوندا هئا، تنهنڪري هو اهي ڪوڙائيندو هو:) ۽ هو پنهنجي مٿي جا وار توريندو هو تہ ٻہ سؤ شيڪل، بادشاهي وزن موجب، ٿيندا هئا.

Muslim Sindhi Bible

²⁶ هن جي مٿي جا وار تمام گھاٽا هوندا هئا. هر سال جي پڇاڙيءَ ۾ جڏهن هو پنهنجي مٿي جا وار ڪٽائيندو هو، تہ انهن وارن جو وزن سرڪاري تور موجب اٽڪل اڍائي ڪلوگرام ٿيندو هو.

2.سموئيل 14:26 ပူးပေါင်းရင်းမြစ်များ

پيدائش 23:16

۽ ابرهام، عفرون جي ڳالهہ قبول ڪئي؛ ۽ ابرهام اوتري چاندي، جيتري هن حت جي پٽن جي روبرو چئي هئي، يعني چانديءَ جا چار سؤ سڪا، جي واپارين ۾ چالو هئا، سي توري ڏنائينس.

2.سموئيل 18:9

۽ اتفاق سان ابي سلوم دائود جي ماڻهن جي منهن پئجي ويو. ۽ ابي سلوم پنهنجي خچر تي چڙهيل هو، ۽ هڪڙي وڏي شاهہ بلوط جي وڻ جي ڏارن هيٺ وڃي نڪتو، ۽ سندس مٿو شاهہ بلوط ۾ ڦاسي پيو، ۽ هو آسمان ۽ زمين جي وچ ۾ لٽڪي رهيو؛ ۽ خچر جيڪو سندس هيٺان هو، سو اڳتي هليو ويو.

يسعياہ 3:24

۽ هيئن ٿيندو تہ خوشبودار مصالحن جي عيوض گندگي ٿيندي؛ ۽ ڪمر بند جي عيوض رسو ٿيندو؛ ۽ سينگاريل وارن جي عيوض گنجائي؛ ۽ سينہ بند جي عيوض کٿو ٿيندا: سونهن جي عيوض ڏنڀ.

حزقي ايل 44:20

نڪي هو پنهنجا مٿا ڪوڙائين ۽ نہ وار وڏا رکن؛ فقط پنهنجن مٿن جا وار ڪترائين.

لاوي سرشتو 19:36

اوهين پاڻ وٽ پوريون ساهميون، پورا وٽ، پورو ايفہ ۽ پورو هين رکجو: آءٌ خداوند اوهان جو خدا آهيان، جنهن اوهان کي مصر جي ملڪ مان ڪڍي آندو آهي.

1.ڪرنٿين 11:14

خود طبعي طور اوهان کي خبر نٿي پوي ڇا تہ جيڪڏهن ڪنهن مرد کي ڊگها وار هوندا تہ اها سندس بي آبرو آهي؟