2.بادشاهَہ 10:9 - Sindhi Bible

⁹ ۽ ٻئي ڏينهن صبح جو هيئن ٿيو تہ هو ٻاهر نڪري ويو ۽ اُتي بيهي سڀني ماڻهن کي چوڻ لڳو تہ اوهين سڀ نيڪ آهيو: ڏسو، مون پنهنجي ڌڻيءَ جي برخلاف منصوبو ڪيو ۽ اُنهيءَ کي ڪُٺم: پر هنن سڀني کي ڪنهن ماريو؟

Muslim Sindhi Bible

⁹ ٻئي ڏينهن صبح جو ييهو شهر جي ٻاهرين دروازي ڏانهن نڪري ويو. هو اتي بيهي موجود ماڻهن کي چوڻ لڳو تہ ”اوهين بي‌گناهہ آهيو. مون پنهنجي مالڪ يورام جي خلاف سٽ سٽي ۽ ان کي ماريم، پر هنن سڀني کي ڪنهن ماريو؟

2.بادشاهَہ 10:9 ပူးပေါင်းရင်းမြစ်များ

2.بادشاهَہ 10:6

تڏهن هن ٻيو ڀيرو هڪڙو خط هنن ڏانهن لکيو ۽ چيائين تہ جي اوهين منهنجي طرف ٿيڻ گهرو ۽ منهنجي ڳالهہ مڃو، تہ اهي سڀ ماڻهو، جي اوهان جي ڌڻيءَ جا پٽ آهن تن جون سسيون لاهي ڇڏيو، ۽ پوءِ سڀاڻي هن وقت ڌاري مون وٽ يزرعيل ۾ اچو. هاڻي بادشاهہ جا پٽ جي ستر ڄڻا هئا، سي شهر جي وڏن ماڻهن وٽ هئا، جن هنن کي پالي وڏو ڪيو هو.

2.بادشاهَہ 10:8

۽ هڪڙي قاصد اچي هن کي ٻڌايو تہ هنن بادشاهہ جي پٽن جون سسيون آنديون آهن. تڏهن هن چيو تہ اُهي دروازي جي لنگهہ وٽ ٻہ ڍڳيون ڪري صبح تائين رکي ڇڏيو.

2.بادشاهَہ 12:21

ڇالاءِ جو سندس نوڪرن يوسڪار بن سماعت، ۽ يهوزبد بن شومير هن کي ماريو، ۽ هو مري ويو؛ ۽ هن کي دائود جي شهر ۾ سندس ابن ڏاڏن سان گڏ دفن ڪيائون: ۽ سندس پٽ امصياہ سندس جاءِ تي بادشاهہ ٿيو.

يسعياہ 5:3

۽ هاڻي، اي يروشلم جا رهاڪو ۽ يهوداہ جا ماڻهو، آءٌ اوهان کي عرض ٿو ڪريان تہ منهنجي ۽ منهنجي ڊاک جي منهہ جي وچ ۾ انصاف ڪريو.

هوسيع 1:4

۽ خداوند هن کي چيو تہ انهي جو نالو يزرعيل رک؛ ڇالاءِ جو ٿوري وقت کانپوءِ آءٌ يزرعيل جي خون جو وير ياهوءَ جي گهراڻي کان وٺندس، ۽ اسرائيل جي گهراڻي جي بادشاهي پوري ڪندس.

1.سموئيل 12:3

اِجهو آءٌ حاضر آهيان: خداوند جي اڳيان، ۽ سندس مسح ڪيل جي اڳيان، اوهين مون تي شاهدي ڏيو: مون ڪنهن جو ڏاند ورتو آهي؟ يا ڪنهن جو گڏهہ مون ورتو آهي؟ يا ڪنهن سان ٺڳي ڪئي اٿم، يا ڪنهن تي مون ظلم ڪيو آهي؟ يا ڪنهن جي هٿان مون رشوت وٺي انهي سان پنهنجون اکيون بند ڪيون آهن؟ تہ آءٌ اُها موٽائي اوهان کي ڏيان.