1.سموئيل 17:40 - Sindhi Bible

⁴⁰ ۽ هن پنهنجي لٺ هٿ ۾ کنئي، ۽ نهر مان پنج لسا پٿر چونڊي ڪڍيائين، ۽ وٽس جيڪا ڌنارن جي ڳوٿري هئي تنهن ۾، يعني پنهنجي ٿيلهيءَ ۾ اُهي وڌائين، ۽ پنهنجي کانڀاڻي هٿ ۾ جهليائين: پوءِ هو انهي فلستيءَ کي ويجهو ويو.

Muslim Sindhi Bible

⁴⁰ پوءِ هن پنهنجي لٺ هٿ ۾ کنئي ۽ برساتي نهر مان پنج لسا پٿر چونڊي ڪڍيائين ۽ پنهنجي سامان رکڻ لاءِ وٽس جيڪا ڌنارن واري ڳوٿري هئي تنهن ۾ اهي وڌائين. هن پنهنجي کانڀاڻي هٿ ۾ کنئي ۽ پوءِ هو انهيءَ فلستيءَ ڏانهن وڌي ويو.

1.سموئيل 17:40 ပူးပေါင်းရင်းမြစ်များ

متي رسول جي معرفت پاڪ انجيل 10:10

پنهنجي مسافريءَ لاءِ جهولي نہ کڻجو، ۽ نڪي ٻہ ڪوٽ، نڪي جُتي، نڪي لٺ؛ ڇالاءِ جو پورهيت پنهنجي کاڌي جو حقدار آهي.

قاضين 20:16

انهن سڀني مان ست سؤ چونڊيل ماڻهو کاٻڙيا هئا؛ انهن مان هڪڙو هڪڙو اهڙو هو جو کانڀاڻيءَ سان وار جهڙي سنهي شيءِ تي بہ پٿر اُڇلائي نشان چُٽي سگهندو هو، ۽ گسندو ڪين هو.

قاضين 3:31

۽ انهي کان پوءِ شمجر بن عنات اُٿيو، جنهن فلستين جا ڇهہ سؤ ماڻهو ڏاندن هڪلڻ واريءَ لٺ سان ماريا: ۽ انهيءَ بہ اسرائيل کي بچايو.

1.سموئيل 17:39

۽ دائود پنهنجي ترار پنهنجي پوشاڪ جي مٿان چيلهہ سان ٻڌي، ۽ هلڻ جي ڪوشش ڪيائين: ڇالاءِ جو هن کي اڳي ڪو آزمودو ڪونہ هو. ۽ دائود سائول کي چيو تہ آءٌ هنن سان هلي نٿو سگهان؛ ڇالاءِ جو مون کي انهن جو ڪو آزمودو ڪونهي. ۽ دائود اُهي لاهي ڇڏيا.

1.سموئيل 17:41

۽ فلستي وڌي آيو، ۽ دائود جي ويجهو آيو؛ ۽ سندس زرهہ بردار سندس اڳيان هليو.