1.تواريخ 22:8 - Sindhi Bible

⁸ پر خداوند جو ڪلام مون تي نازل ٿيو تہ تو گهڻو رت وهايو آهي، ۽ وڏيون جنگيون ڪيون اٿيئي: تون منهنجي نالي لاءِ گهر نہ جوڙيندين، ڇالاءِ جو تو منهنجي نظر ۾ زمين تي گهڻو رت وهايو آهي:

Muslim Sindhi Bible

⁸ پر خداوند مون کي فرمايو تہ ’تو گھڻو رت وهايو آهي ۽ وڏيون جنگيون وڙهيو آهين. سو زمين تي انهيءَ وهايل رت جي ڪري تون منهنجي نالي تي گھر نہ ٿو ٺاهي سگھين.

1.تواريخ 22:8 ပူးပေါင်းရင်းမြစ်များ

1.بادشاهَہ 1:20

۽ اي منهنجا ڌڻي بادشاهہ، ساري اسرائيل قوم جون اکيون تو تي آهن، انهيءَ لاءِ تہ تون هنن کي ٻڌائين تہ منهنجي ڌڻي بادشاهہ کان پوءِ ڪير تخت تي ويهندو.

1.بادشاهَہ 5:17

۽ بادشاهہ حڪم ڏنو ۽ هنن وڏا وڏا پٿر ۽ قيمتي پٿر ٽُڪي ڪڍيا، انهيءَ لاءِ تہ ڇليل پٿرن سان عمارت جو بنياد وجهڻ ۾ اچي.

1.بادشاهَہ 5:3

توکي خبر آهي تہ هر طرف جنگين هئڻ سبب منهنجو پيءُ دائود خداوند پنهنجي خدا جي نالي تي گهر جوڙائي نہ سگهيو، جيسين ڪ خداوند اُهي سندس پيرن جي ترين هيٺ ڪيا.

1.بادشاهَہ 8:19

انهيءَ هوندي بہ تون اهو گهر نہ جوڙيندين: پر تنهنجو پٽ، جو تنهنجي پٺ مان پيدا ٿيندو سو منهنجي نالي تي گهر جوڙيندو.

1.تواريخ 28:3

پر خداوند مون کي فرمايو تہ تون منهنجي نالي لاءِ گهر ڪين جوڙيندين، ڇالاءِ جو تون جنگي مرد آهين ۽ رت وهايو اٿيئي.

ڳاڻاٽو 31:20

اوهين پنهنجن سڀني ڪپڙن کي، ۽ چم جي سموري سامان کي، ۽ ٻڪرين جي ڏاس جي سڀني شين کي، ۽ ڪاٺ جي سموري سامان کي پاڪ ڪجو.

ڳاڻاٽو 31:24

۽ ستين ڏينهن اوهين پنهنجا ڪپڙا ڌوئجو، پوءِ اوهين پاڪ ٿيندا، تنهن کان پوءِ اوهين منزلگاهہ ۾ اچجو.