1.تواريخ 19:9 - Sindhi Bible

⁹ ۽ بني عمون ٻاهر نڪري آيا، ۽ دروازي جي لنگهہ وٽ جنگ جي لاءِ صفون ٻڌڻ لڳا: ۽ بادشاهہ جيڪي آيا هئا سي ميدان ۾ اڪيلا بيٺا هئا.

Muslim Sindhi Bible

⁹ بني عمون پنهنجي گاديءَ واري شهر ربہ کان ٻاهر نڪري شهر جي دروازي جي لنگھہ وٽ جنگ جي لاءِ صفون ٻڌڻ لڳا، جڏهن تہ بادشاهہ جيڪي اتي آيا هئا، سي کُليل ميدان ۾ جنگ لاءِ تيار ٿي بيهي رهيا.

1.تواريخ 19:9 ပူးပေါင်းရင်းမြစ်များ

2.سموئيل 10:8

۽ بني عمون ٻاهر نڪري آيا، ۽ دروازي جي لنگهہ وٽ جنگ جي لاءِ صفون ٻڌڻ لڳا: ۽ ضوباہ ۽ رحوب جا ارامي، ۽ طوب ۽ معڪہ جا ماڻهو ميدان تي اڪيلا هئا.

2.سموئيل 18:4

تڏهن بادشاهہ انهن کي چيو تہ جيئن اوهان کي چڱو لڳي تيئن آءٌ ڪندس. پوءِ بادشاهہ دروازي جي پاسي ۾ بيهي رهيو، ۽ سڀ ماڻهو سؤ سؤ ٿي ۽ هزار هزار ٿي لنگهندا ويا.

1.بادشاهَہ 20:1

۽ ارام جي بادشاهہ بن هدد پنهنجو سارو لشڪر گڏ ڪيو: ۽ ٻيا ٻٽيهہ بادشاهہ، ۽ گهوڙا ۽ رٿ هن سان هئا: ۽ هن چڙهي وڃي سامريہ کي گهيرو ڪيو ۽ انهيءَ سان وڙهيو.

1.بادشاهَہ 20:24

۽ هي ڪم ڪر؛ بادشاهن مان هر ڪنهن کي پنهنجي جاءِ تان لاهي اُنهن جي جاءِ تي سردار رک:

1.تواريخ 19:10

هاڻي جڏهن يوآب ڏٺو تہ سندس اڳيان توڙي پٺيان جنگ لاءِ صفون ٻڌي بيٺا آهن، تڏهن هن اسرائيل جي سڀني مکيہ ماڻهن مان ڪي چونڊي ڪڍيا، ۽ اُهي ارامين سان وڙهڻ لاءِ تيار ڪري بيهاريائين.

1.تواريخ 19:8

۽ جڏهن دائود اها ڳالهہ ٻڌي، تڏهن يوآب کي ۽ بهادر مردن جي ساري لشڪر کي ڏياري موڪليائين.

2.تواريخ 13:3

۽ ابياہ چئن لکن چونڊيل جنگي بهادرن جي لشڪرن سان وڃي جنگ ۾ داخل ٿيو: ۽ يربعام اٺ لک چونڊيل ماڻهو، جي همت وارا بهادر مرد هئا، تن سان هن جي مقابلي ۾ صفون ٻڌي بيٺو.

2.تواريخ 14:10

تڏهن آسا هن جي مقابلي لاءِ نڪري ويو، ۽ مريسہ وٽ صفاتہ جي واديءَ ۾ هو صفون ٻڌي جنگ ڪرڻ لڳا.

يسعياہ 28:6

۽ جيڪو عدالت ڪرڻ ويهندو تنهن لاءِ انصاف جو روح، ۽ جيڪي دروازي تي بيهي حملو ڪندڙ کي موٽائيندا تن لاءِ زور ٿيندو.

يرمياہ 50:42

اُهي ڪمان ۽ نيزو کڻن ٿا؛ اُهي ظالم آهن ۽ ڪوبہ رحم ڪونہ اٿن: انهن جو آواز سمنڊ وانگي گوڙ ٿو ڪري، ۽ اُهي گهوڙن تي چڙهن ٿا؛ اي بابل جي ڌيءَ، سڀڪو توتي جنگي بهادر وانگي سنبريو اچي.

يوايل 2:5

هو ائين ٽپن ٿا جيئن جبلن جي چوٽين تي گاڏين جو گوڙ ٿيندو آهي، جيئن بهہ سڙڻ ۾ باهہ جا شعلا آواز ڪندا آهن، جيئن زور وارا ماڻهو صفون ٻڌي جنگ ڪندا آهن.

1.سموئيل 17:2

۽ سائول ۽ اسرائيل جا ماڻهو بہ گڏ ٿيا، ۽ ايلہ جي واديءَ ۾ منزل هنيائون، ۽ فلستين سان وڙهڻ جي لاءِ صفون ٻڌائون.