1.تواريخ 17:23 - Sindhi Bible

²³ ۽ هاڻي اي خداوند، جيڪو ڪلام تو پنهنجي ٻانهي جي نسبت ۾، ۽ سندس گهراڻي جي نسبت ۾ ڪيو آهي، سو هميشہ لاءِ قائم ڪر، ۽ جيئن چيو اٿيئي، تيئن ڪر.

Muslim Sindhi Bible

²³ هاڻي اي خداوند! جيڪو واعدو تو پنهنجي هن ٻانهي ۽ سندس گھراڻي جي باري ۾ ڪيو آهي، سو هميشہ جي لاءِ قائم ڪر. هائو، جيئن چيو اٿيئي تيئن ئي ڪر،

1.تواريخ 17:23 ပူးပေါင်းရင်းမြစ်များ

پيدائش 32:12

تو چيو تہ آءٌ ضرور توسان ڀلائي ڪندس، ۽ تنهنجو اولاد وڌائي سمنڊ جي واريءَ جيترو ڪندس، جنهن کي ڳڻي نٿو سگهجي.

1.بادشاهَہ 8:26

تنهنڪري هاڻي، اي اسرائيل جا خدا، آءٌ عرض ٿو ڪريان تہ ڀلي تنهنجو ڪلام، جو تو منهنجي پيءُ، پنهنجي ٻانهي دائود سان ڪيو هو، سو پورو ٿئي.

1.تواريخ 17:22

ڇو جو تو پنهنجيءَ قوم اسرائيل کي هميشہ لاءِ پنهنجي خاص قوم ڪئي؛ ۽ تون خداوند، سندن خدا ٿئين.

1.تواريخ 17:24

ڀلي تہ تنهنجو نالو قائم ۽ عظيم ٿئي، ۽ چيو وڃي تہ لشڪرن جو خداوند اسرائيل جو خدا آهي، يعني اسرائيل لاءِ خدا: ۽ تنهنجي ٻانهي دائود جو گهراڻو تنهنجي اڳيان قائم آهي.

1.تواريخ 28:4

تنهن هوندي بہ خداوند اسرائيل جي خدا، مون کي منهنجي پيءُ جي سڄي گهراڻي مان چونڊيو تہ آءٌ هميشہ اسرائيل جو بادشاهہ ٿيان: ڇالاءِ جو هن يهوداہ کي پيشوا ٿيڻ لاءِ چونڊيو آهي؛ ۽ يهوداہ جي گهراڻي مان، منهنجي پيءُ جي گهر کي چونڊيو اٿس؛ ۽ منهنجي سڀني ڀائرن مان هن مون کي پسند ڪيو، تہ مون کي اسرائيل جو بادشاهہ ڪري:

2.تواريخ 1:9

هاڻي اي خداوند خدا، جيڪو عهد اقرار تو منهنجي پيءُ دائود سان ڪيو آهي سو شل قائم رهي: ڇالاءِ جو تو مون کي اهڙيءَ قوم جو بادشاهہ ڪيو آهي جا زمين جي مٽيءَ جهڙي بيشمار آهي.

زبور 119:49

ز جيڪو ڪلام تو پنهنجي بندي سان ڪيو آهي، انهي کي ياد ڪر، ڇالاءِ جو تو مون کي اميد ڏني آهي.

يرمياہ 11:5

انهي لاءِ تہ جيڪو قسم مون اوهان جي ابن ڏاڏن سان کنيو آهي سو قائم ڪريان، ۽ انهن کي اها زمين ڏيان جنهن ۾ کير ۽ ماکي پئي وهي، جيئن ڪ اڄ آهي، تڏهن مون ورندي ڏئي چيو، تہ اي خداوند، آمين.

لوقا 1:38

تڏهن مريم چيو تہ خداوند جي ٻانهي حاضر آهي، ڀلي تنهنجي ڪلام موجب مون سان ٿئي. پوءِ ملائڪ وٽانئس هليو ويو.