தர்ஸன புஸ்தவ் 9:7 - Saurashtra Bible (BSI)

⁷ தெல்லெ தோ²ள்நு யுத்தமுக் தயார் கெல்லியெ கொ⁴டான்ஸோன் ஹொதெஸ். தெக தொஸ்கர் ஸொந்நா க்ரீடுன் தெக்கயெஸ். தெக தோணுன் மெனிகு தோணுன்ஸோன் ஹொதெஸ்.

தர்ஸன புஸ்தவ் 9:7 ပူးပေါင်းရင်းမြစ်များ

தானியேல் 7:4

தெல்லெ சரு மூகுன் சார் ரூபும் ஹொதெஸ். முல்லாயெ ஸிம்ஹுஸோன் ஹொதெஸ். தெகொ திஸ்ளொஸோன் பொகா³ன் ஹொதெஸ். மீ தெகொ ஸிலேத் ர:த, தெக பொகா³னுக் செக்கிதியாஸ். தெல்லெ மூகுக் நித்தொ ஹிப்பட்யாஸ். ஒண்டெ மெனிக்ஸோன் தெல்லெ தீ³ பாய்ஞ்னும் ஹிப்பெஸ். தெல்லெகொ மெனிகு ஹிருதயம் தெனி பொடெஸ்.

தானியேல் 7:8

தெல்லெ ஸிங்க்³டானுக் மீ ஸிலேத் ர:த, தெமாம் ம:ஜார் அங்குண்டெ ந:ன்ன ஸிங்க்³டொ தெக்கயெஸ். தெக தாம் அப்பஸ்ததானுக் முல்லொ ஹொதெ ஸிங்க்³டானும் தீ²ன் ஸிங்க்³டாக் மூள் ஸெந்தொ உக்கி தகெஸ். தெல்லெ ந:ன்ன ஸிங்க்³டாம் மெனிகு தொளான்கின், கெ³ருவ்கன் வத்தொ கெரரிய தோண் தெக்கயெஸ்.

நாகூம் 3:17

துரெ தா³ர்ர:கான்கின், யுத்த வீருடுன் ஹீமு தின்னுநும் பீ⁴துர் பிஸிரிய தோ²ள்நுக் நிகர்கன் ஸே. ஹூனு தின்னு அவஸ்தக்கின் தெல்லெ ஹுடி ஜேடய். தெல்லெ தோ²ள்நு கோட் ஜியெஸ் மெனி கொங்கினாக் களானா.

தர்ஸன புஸ்தவ் 6:2

தெப்பொ மொர் தொளா வெதுர் ஹுஜாள் கொ⁴டொ ஒண்டெ தெக்கயெஸ். தெக ஹொல்லெ பிஸிரிய மெனிகு ஹாதும் ஒண்டெ த³னுஷ் ஹொதெஸ். தெகொ ஒண்டெ க்ரீடு தெனி பொடெஸ். அங்குன் வேன் ஜெகிஞ்சஸ்தக் தெனொ பராட் ஜியெஸ். (சக 1:8; 6:3,6)

தர்ஸன புஸ்தவ் 9:3

தெல்லெ தூ⁴மும்ரீ: தோ²ள்நு நிகிளி பு⁴ஞிர் அவெஸ். பு⁴ஞிர் விஞ்சுக் கித்க ஸக்தி ஸேகீ திக்க ஸக்தி எகொ தெனி பொடெஸ்.