தர்ஸன புஸ்தவ் 1:6 - Saurashtra Bible (BSI)

⁶ எனு அம்ரெஜோள் ப்ரேவ் தொவி பலிகன் தியெ அபுல் ரெகத்ஹால் பாபுனும்ரீ: அம்கொ ஸொடுவி கெர்யாஸ். அபுல் பா³ப் ஹொயெ தேவ்ஜோள் அமி ஸேவொ கெரஸ்தக் எனு அம்கொ ப⁴ட்டர்னுகன், ரஜான்கன் ந்யமுன் கெர்யாஸ். எங்கோஸ் மஹிமெகின், ஸக்தி நித்யம்கன் அப்பந்தக். ஆமென். (யாத் 19:6; தர்ஸன 5:10)

தர்ஸன புஸ்தவ் 1:6 ပူးပေါင်းရင်းမြစ်များ

யாத்ராகமம் 19:6

எல்லெ புலோக் பூரா மொகொ பாத்யம்கன் ரி:யெத் மெளி மீ தும்கொ களைள்ரியொ. மீ தும்கொ ப⁴ட்டர்னுகன் ந்யமுன் கெர்ரியொ. துமீஸ் மொர் பரிஸுத்த ஜெனுல்னு. எல்லெ வத்தானுக் தூ இஸ்ரயேல்னுஜோள் ஸங்குனொ” மெனி மென்யாஸ். (1 பேதுரு 2:9; தர்ஸன 1:6; 5:10)

ஏசாயா 61:6

துமி பகவானுக் ஸேவொ கெரரிய ப⁴ட்டர்னுகன் ரா:ன்; தேவுகெ ஸெவ்கனுன் மெனி தும்கொ பொவன்; துஸ்ர தேஸுன்கெ ஆஸ்தினுக் துமி அநுபவிஞ்சன்; தெங்கொ ஐஸ்வர்யமும் துமி ம:ட்டபோன் பொந்தன்.

தானியேல் 4:34

ஸாத் ஒர்ஸு முஸெ பல்சொ நேபுகாத்நேசர் ஹொயெ மீ அகாஸுக் ஸியெஸ். தெப்பொ மொகொ ஸுய புத்தி பீர் தெனி பொடெஸ். கொப்பிம் ஜீவ் ஸேஸ்தெ உன்னத தேவுக் மீ ஸ்துதி கெரெஸ். தேவுகெ ராஜ்யம் கொப்பிம் நிள்சி ரா:ய். தெங்கொ ராஜ்யம் தோ²ர் தோ²ர்னுகன் ரா:ய்.

தானியேல் 7:14

ஸகல அதிகார்கின், கெனம்கின், ராஜ்ய பாத்யம் தெங்கொ தெனி பொடெஸ். அஸ்கி குலம், கோத்ரு, தேஸு, பாஷா மென்க்யான் தெங்கொ பாய்ம் பொடன். தெனு நித்யம்கன் ராஜ்ஜலன். தெங்கொ ராஜ்யம் கொப்பிம் நிள்சி ரா:ய். தெல்யெ கொப்பிம் நாஸ் ஹோனா.

மத்தேயு 6:13

ஸோதன அவ்னாஸ்ததானுக் அம்கொ சல்த கெருவொ; ஹீன் கெரஸ்தெகொஜோள்ரீ: அம்கொ கபடுவொ. ராஜ்யம்கின் ஸக்திகின் மஹிமெ கொப்பிம் தும்ரெயேஸ். ஆமென். "

யோவான் 5:23

பெடாக் கெனம் கெர்னாஸ்தெனு தெங்கொ தட்டிய பா³புக் மெளி கெனம் கெர்னான்.

ரோமர் 11:36

காமெனெதி பகவான்ஜோள்ரீ: அஸ்கி அவெஸ். தெங்கொ வாட்கன் அஸ்கி உருஹொயெஸ். தெங்கொகுர்சீஸ் அஸ்கி ஸே. தெங்கோஸ் கொப்பிம் மஹிமெ அப்பந்தக். ஆமென்.

ரோமர் 15:6

அம்கொ தைர்யம்கின், ஆஸ்வாஸ் தேரிய தேவ், அமி தேவுக் ஸ்துதி கெரி, கிறிஸ்து ஏசுக் ஒப்பயெதானுக் ஒண்டே மொன்னுகன் ஜிவஸ்தக் தும்கொ அநுக்ரஹு கெரந்தக்.

பிலிப்பியர் 2:11

‘ஏசு கிறிஸ்தூஸ் பகவான்’ மெனி அஸ்கி மென்க்யான் ஸங்கன். எகலெந்தால் பா³ப் ஹொயெ தேவ் மஹிமெ பொந்தன். (ஏசா 45:23)

1 தீமோத்தேயு 6:16

மொரன் நீ:ஸ்தெனு. கொன்னின் ஸான் முஸுனா ஹுஜாளும் ஸேஸ்தெனு. கொன்னின் தெங்கொ தெக்கிரியானி. தெக்கஸ்தக் மெளி முஸுனா. நித்யம்கன் ஸேஸ்தெனு. தெங்கோஸ் கொப்பிம் கெனம் மஹிமெ அப்பந்தக். ஆமென்.

எபிரேயர் 13:21

தேவ் அபுல் சித்தம்தானுக் துமி சொக்கட்யெ கெரஸ்தக் ஸக்தி தேன். தெங்கொ ஒப்பயெதானுக் அமி ஜிவஸ்தக் ஏசு கிறிஸ்து வாட்கன் தேவ் அம்கொ ஹேது கெரன். ஏசு கிறிஸ்துக் கொப்பிம் மஹிமெ அப்பந்தக்! ஆமென்.

1 பேதுரு 4:11

தேவுகெ வத்தாதானுக் போதகர்னு போதன கெரந்தக். ஹேது கெரஸ்தெனொ தேவ் தியெ ஸக்திதானுக் கெரந்தக். இஸனி துமி அஸ்கிதெமாம் ஏசு கிறிஸ்து வாட்கன் தேவுக் மஹிமெ அப்பஸ்ததானுக் கெருவொ. தேவுக் மஹிமெகின் ஸக்தி ஸதா காலும் அப்பந்தக்! ஆமென். (அப் 7:38; ரோமர் 3:2; எபி 5:12)

1 பேதுரு 5:11

தேவுக் மஹிமகின், ஸக்தி ஸதா காலும் அப்பந்தக். ஆமென்.

2 பேதுரு 3:18

அம்ரெ பகவான்கன் ஸேஸ்தெ ரக்ஷகர் ஏசு கிறிஸ்துகெ ப்ரேவும்கின், தெங்கொ களைளரிய ஞானும் துமி ஹொட்னொ. தெங்கோஸ் ஹிந்தொகின், கொப்பிம் மஹிமெ அப்பந்தக்! ஆமென்.

யூதா 1:25

பகவான் ஏசு கிறிஸ்து வாட்கன் அம்ரெ தேவுக் கெனம், மஹிமெ, ஸக்தி, அதிகார், ஆதி காலும்ரீ: ஹிந்தொ, ஸொந்தொ, கொப்பிம் பாத்யம்கன் ரா:ந்தக். ஆமென். (யோவா 17:24; எபே 1:4; 1 கொரி 2:7; 1 பேதுரு 1:20)

தர்ஸன புஸ்தவ் 1:9

தும்ரெ பை⁴ யோவான்கின், ஏசு கிறிஸ்துகெ ஐக்யமும் ஜிவரிய மீ, மொகொ அவரிய ஹிம்ஸானுக் ஸகிஞ்சுலரியஸோன் துமி மெளி தும்கொ அவரிய ஹிம்ஸானுக் ஸகிஞ்சுலராஸ். அமி அஸ்கின் தேவுகெ ராஜ்யமுக் பாத்யம். தேவுகெ ஸமசாருக்கின், ஏசு கிறிஸ்துகெ ஸத்ய வத்தானுக் ஸங்கெஹால் மீ பத்மு தீவுகெ ராணும் ர:னொ பொடெஸ்.

தர்ஸன புஸ்தவ் 20:6

முல்லொகன் ஜீவ் ஸெங்கொ ஹுடட்னி பொட்யாஸ்தெனு பாக்யவானுன், பரிஸுத்துடுன். தி³வ மொரன் எங்கொ அவ்னா. எனு தேவுக்கின், கிறிஸ்துக் ப⁴ட்டர்கன் ரா:ன். தெங்கொ ஸெந்தொ 1,000 (ஸஸர்) ஒர்ஸு ராஜ்ஜலன்.

தர்ஸன புஸ்தவ் 4:11

“அம்ரெ பகவானு, அம்ரெ தேவுனு, மஹிமெகின் கெனம்கின், ஸக்திக் கள்ளஸ்தக் பாத்யவான் துமீஸ். துமீஸ் அஸ்கிதெக உருகெர்யாஸ். தும்கொ ஒப்பயெதானுக் அஸ்கி உரு ஹொயெஸ்’’ மெனி ஸங்க்யாஸ்.

தர்ஸன புஸ்தவ் 5:10

தெங்கொ அஸ்கினாக் தேவுகெ ஸந்நிதிம் ரஜான்கன், ப⁴ட்டர்னுகன் ந்யமுன் கெர்யாஸ். தெனு பு⁴ஞிக் ராஜ்ஜலன்." (யாத் 19:6; தர்ஸன 1:6)