லேவியராகமம் 4:20 - Saurashtra Bible (BSI)

²⁰ மஹா ப்ரதான ப⁴ட்டருகெ பாபுக் பரிஹார் கெரெஸோன் எல்லெ மெளி கெர்னொ. இஸனி மென்க்யானுகெ பாபுனுக் ப்ராயஸித்தம்கன் ப⁴ட்டர் பலி தேஸ்தவேளு பகவான் தெங்கொ பாபுனுக் க்ஷமொ கெரன்.

லேவியராகமம் 4:20 ပူးပေါင်းရင်းမြစ်များ

யாத்ராகமம் 32:30

துஸந்தி பல்திபார் மோசே மென்க்யானுக் ஸீ, “துமி பகவானுக் விரோத்கன் ஜுகு மோஸ் ஹொயெ பாபுக் கெர்ரியெஹால் தும்ரெ பாபுனுக் ப்ராயஸித்தம் கெரன் முஸய்கீ மெனி மீ ஜீ பகவான்ஜோள் புஸஞ்ஜாரியொ“ மெனி மெனெஸ்.

தானியேல் 9:24

இஸ்ரயேல்னு பாப் கெரெஹால் தெனுகின், தெங்கொ பரிஸுத்த த⁴வ்ரொகின், தெங்கொ பட்ணம் 70 (ஸீரு) வார் லெங்கு ஜுகு ஹிம்ஸொ பொந்தய். தெக பல்சோஸ் தேவ் தெங்கொ பாபுனுக்கின், சூகுனுக்கின், அக்ரமமுனுக் க்ஷமொ கெரி, நீதிக் நித்யம்கன் நிள்சி ர:வடன். தெப்போஸ் எல்லெ தர்ஸனான்கின், தீர்கதரிஸன வத்தான் பூர்தி ஹோய். த⁴வ்ராகெ மஹா பரிஸுத்த ஸ்தலம் ப்ரதிஷ்டெ கெர்னி பொடய்.

லேவியராகமம் 1:4

தகன பலிகன் தெனி பொடரிய தெல்லெ கொ³ருகெ தொஸ்கர் தெனொ அபுல் ஹாதுக் தொவ்னொ. தெப்பொ தெகொ பாபுனுக் நிவர்தி கெரரிய ப்ராயஸித்த பலிகன் பகவான் தெல்லெ கொ³ருக் அங்கிஹார் கெரன்.

லேவியராகமம் 12:8

தெனொ தட்சணகன் பெண்டு பில்லாக் கள்ளி அவன் முஸுனா ஜியெதி, தீ³ ராணு கவ்து³னுக்தீ, தீ³ கவ்து³ பில்லானுக்தீ கள்ளி அவ்னொ; ஒண்டெ பக்ஷிக் தகன பலிகன்கின், அங்குண்டெ பக்ஷிக் பாபு பரிஹார பலிகன் ப⁴ட்டர் பகவானுக் ஸமர்பண கெரி தெகொ ஸுத்தி⁴ கெரய். (லூக் 2:24)

லேவியராகமம் 14:18

அபுல் ஹாதும் உராவ் ஸேஸ்தெ தேலுக் அண்டு ஜவள்ளரிய மெனிகு தொஸ்கர் லவய். இஸனி கெரி ப⁴ட்டர் கோ²ட்ரோகிகெ அண்டுக் ஜவடய்.

லேவியராகமம் 15:15

தெமாம் ஒண்டெ பக்ஷிக் பாபு பரிஹார பலிகன், அங்குண்டெ பக்ஷிக் தகன பலிகன் தெ³னொ. இஸனி ப⁴ட்டர் தெகொ அண்டு ஜவடஸ்தக் பகவான்கெ ஸந்நிதிம் பாபு ப்ராயஸித்த பலி தேய்.

லேவியராகமம் 19:22

தெனொ கெரெ பாபுக் ப்ராயஸித்த பலிகன் பகவான்கெ ஸந்நிதிம் ப⁴ட்டர் தெல்லெ பெண்டுக் பலி தேய். தெப்பொ தெனொ கெரெ பாபுக் பகவான் க்ஷமொ கெரன்.

லேவியராகமம் 4:21

பல்சொ தெல்லெ து³டாக் கா³மு பராட் கள்ளி ஜீ, மஹா ப்ரதான ப⁴ட்டர் அபுல் பாபுக் பரிஹார்கன் பலி தியெ கொ³ருக் ஜெளெஸோனூஸ் எல்லெ து³டாக் மெளி ஜெள்னொ. மென்க்யானுகெ பாபுனுக் பரிஹார்கன் தெனி பொடரிய பலி எல்லேஸ்.

லேவியராகமம் 4:26

ஸமதான பலிக் ஜெளெ ஸோனூஸ் எல்லெ பெண்டுகெ பூரா மந்தானுக் பலி பீடமும் தொவி ஜெள்னொ. இஸனி இஸ்ரயேல்கெ அதிபதிகெ பாபுனுக் ப்ராயஸித்தம்கன் ப⁴ட்டர் பெண்டுக் பலி தேஸ்தவேளு பகவான் தெகொ பாபுனுக் க்ஷமொ கெரன்.

லேவியராகமம் 4:35

ஸமதான பலிக் ஜெளெஸோனூஸ் எல்லெ பெண்டுகெ மந்தானுக் மெளி ப⁴ட்டர் ஹெடி பலி பீடமும் தொவி ஜெள்னொ. இஸனி ஒண்டெ மெனிகுகெ பாபுக் ப்ராயஸித்தம்கன் ப⁴ட்டர் பெண்டுக் பலி தேஸ்தவேளு பகவான் தெல்லெ மெனிகுகெ பாபுக் க்ஷமொ கெரன்.

லேவியராகமம் 4:8

பல்சொ பாபுக் பரிஹார பலிகன் தெனி பொடெ து³டாகெ பூரா மந்தானுக் அலக்க³ ஹெட்னொ. பெகுலாக் தெஸிரிய மந்தான்,

லேவியராகமம் 5:10

தெக பல்சொ தகன பலிகெ நியதின்தானுக் தி³வ பக்ஷிக் மெளி ப⁴ட்டர்ஜோள் ஸமர்பண கெரய். தெல்லெ மெனிகுகெ பாபுக் ப்ராயஸித்தம்கன் ப⁴ட்டர் தெல்லெ பக்ஷிக் பலி தேய். பகவான் தெகொ பாபுக் க்ஷமொ கெரன்.

லேவியராகமம் 5:13

இஸனி மென்க்யானுகெ பாபுனுக் ப்ராயஸித்தம்கன் ப⁴ட்டர் பலி தேஸ்தவேளு பகவான் தெங்கொ பாபுனுக் க்ஷமொ கெரன். தான்ய பலினும் உராவ் ஸேஸ்தெ பூரா ப⁴ட்டருக் பாத்யம் ஹோரியஸோன் எமாம் உராவ் ஸேஸ்தெ பூரா ப⁴ட்டருக் பாத்யம் ஹோய்.

லேவியராகமம் 5:16

தீநா:ஸ்தக் தெல்லெ பெண்டுகெ மோல் கித்ககீ தெல்லெ லெ:க்காம் பாஞ்சும் ஒண்டெ வடொ ஹன்னவ் மெளி அபராத்கன் ப⁴ட்டர்ஜோள் தெ³னொ. பல்சொ தெல்லெ மெனிகுகெ சூகுக் ப்ராயஸித்தம்கன் ப⁴ட்டர் தெல்லெ பெண்டுக் பலி தேய். பகவான் தெகொ சூகுக் க்ஷமொ கெரன்.

லேவியராகமம் 5:18

திஸான் சூகுன் க்ஷமொ கெர்னி பொடஸ்தக் ந்யமுன் கெர்னி பொடெ லெ:க்காதானுக் அங்கஹீன் நீ:ஸ்த ஒண்டெ தல்லொ-பெண்டுக் பெல்லி அவி ப⁴ட்டர்ஜோள் தெ³னொ. தெல்லெ மெனிகுகெ சூகுக் ப்ராயஸித்தம்கன் ப⁴ட்டர் தெல்லெ பெண்டுக் பலி தேய். பகவான் தெகொ சூகுக் க்ஷமொ கெரன்.

லேவியராகமம் 5:6

தெனொ கெரெ பாபுக் அபராத்கன் ஸெளி பெண்டுனும்தீ, மெ:டி பெண்டுனும்தீ ஒண்டெ பெய்ல்-பெண்டுக் பகவான்கெ ஸந்நிதிக் கள்ளி அவ்னொ. தெகொ பாபுக் ப்ராயஸித்தம்கன் ப⁴ட்டர் தெல்லெ பெண்டுக் பலி தேய். தெப்பொ பகவான் தெல்லெ மெனிகுகெ பாபுக் க்ஷமொ கெரன்.

லேவியராகமம் 6:7

தெல்லெ மெனிகுகெ சூகுக் ப்ராயஸித்தம்கன் பகவான்கெ ஸந்நிதிம் ப⁴ட்டர் தெல்லெ பெண்டுக் பலி தேய். பகவான் தெகொ சூகுக் க்ஷமொ கெரன். (ஸங்க் 5:5-8)

ஸங்க்²யாகமம் 15:25

அஸ்கி இஸ்ரயேல்னுக் ஸுத்தி⁴ கெரஸ்தக் ப⁴ட்டர் பாபு பரிஹார பலி தேய். தெப்பொ மென்க்யானுகெ பாபுன் க்ஷமொ ஹோய். காமெனெதி எல்லெ அகஸ்‍மாத்கன் கெரெ பாப். த்யெலெந்தால் தெனு பகவான்கெ ஸந்நிதிம் தகன பலிகின், பாபு பரிஹார பலி தியெதி தெங்கொ பாபுன் க்ஷமொ ஹோய்.

ஸங்க்²யாகமம் 15:28

தெல்லெ மெனிகுகெ பாபுனுக் பரிஹார்கன் பகவான்கெ பலி பீடமும் ப⁴ட்டர் பலி தேய். தெப்பொ தெகொ பாபுன் க்ஷமொ ஹோய்.

ரோமர் 5:11

தீ கெத்தி³ நா: அத்தொ அமி அம்ரெ பகவான் ஏசு கிறிஸ்து வாட்கன் ஸொந்தோஷ்கன் ஸே. காமெனெதி தெங்கொ வாட்கன் அமி தேவுக் ஸிங்கதிகன் ஸே. தேவ்ஹாலூஸ் எல்லெ ஸொந்தோஷ் அம்கொ அப்பிரியொ.

கலாத்தியர் 3:13

“ஜாடும் லொம்பினி பொடெஸ்தெனொ ஸாபன பொந்தெஸ்தெனொ’’ மெனி வேதும் லிக்கிரியதானுக் கிறிஸ்து அம்ரெகுர்சி ஸாபன பொந்தி நியாய ப்ரமாண்ஹால் அவரிய ஸாபனாம்ரீ: அம்கொ ரக்ஷண் கெர்யாஸ்.(உபா 21:23)

எபிரேயர் 1:3

எனூஸ் தேவுகெ மஹிமெக் ப்ரதி பலிஞ்சரிய தி³வொ. தேவுகெ ஸுபாவுக் களடஸ்தெனு. அபுல் ஸக்தி பொரெ வத்தொஹால் அஸ்கிதெக உரு கெர்ரியாஸ். எனு மென்க்யானுகெ பாபுனுக் ஜவடரிய க்ரியானுக் கெரி முஸடெ பல்சொ உன்னதமும் மஹத்வம் ஹொயெ தேவுகெ ஜெய்னா ஹாத் பொங்குட் பிஸ்யாஸ். (ஸங் 110:1)

எபிரேயர் 2:17

தேஹாலிம் தெனு தயவு ஸேஸ்தெனுகன், நொம்கெ ஹொயெ மஹா ப்ரதான ப⁴ட்டர்கன் ஜிவி, மென்க்யானுக் ரக்ஷண் கெரஸ்தக் அஸ்கி விதமும் அபுல் பை⁴ பெ⁴ய்னான்ஸோன் ஹொனொ பொடெஸ்.

எபிரேயர் 9:14

கிறிஸ்துகெ ரெகத் அங்குன் கித்ககி ஸக்திகன் ரா:ய்னா. நித்யம்கன் ஸேஸ்தெ பரிஸுத்த ஆவிஹால் தெனு அபுல் ஜீவுக் சூக் நீ:ஸ்த பலிகன் தேவ்ஜோள் ஒப்பிஞ்சி தியாஸ். அமி ஜீவ் ஸேஸ்தெ தேவுக் ஸேவொ கெரஸ்தகுர்சி தெங்கொ ரெகத், ப²லன் நீ:ஸ்த க்ரியானுக் ஹெடி தகி அம்ரெ மொன்னுக் ஸுத்தி⁴ கெரரியொ.

1 யோவான் 1:7

தேவ் ஹுஜாளும் ஜிவரியஸோன் அமி மெளி ஹுஜாளும் ஜிவெதி அமி ஓகோகுன் ஐக்யம்கன் ரா:ன்; தேவுகெ பெடொ ஏசுகெ ரெகத் ஸகல பாபுனுக் ஜவடி அம்கொ ஸுத்தி⁴ கெரரியொ.

1 யோவான் 2:2

அம்ரெ பாபுனுக் ஜவடரிய பரிஹார பலி ஏசு கிறிஸ்துஸ். அம்ரெ பாபுனுக் கெத்தி³ நா: புலோகு மென்க்யானுகெ அஸ்கி பாபுனுக் ஜவடரிய பரிஹார பலி எனூஸ்.

தர்ஸன புஸ்தவ் 1:5

ஏசு கிறிஸ்தூஸ் நிஜ்ஜம் ஸாக்ஷி. மொரனும்ரீ: பெ²ய்லட்கன் ஜீவ் ஸெந்தொ ஹுட்யாஸ்தெனு எனூஸ். புலோகு ரஜானுகெ அதிபதி எனூஸ். (ஏசா 55:4; ஸங் 89:27)