எரேமியா 7:18 - Saurashtra Bible (BSI)

¹⁸ மொர் மொன்னுக் து³க்கு அவடஸ்ததானுக் தெனு அந்ய தெய்வுனுக் பான பலின் தீ³பாய்ம் பொடராஸ்; ‘அகாஸு ரணி’ மெனரிய தெய்வுக் க²ணிபு²ரி ஹந்தி, புஜெ கெரஸ்தக் பில்லல்னுக் லகு³டொ வெக்கன் தட்டராஸ்; அய்யான் சுல்லொ லகடராஸ்; அம்மான் பீட் குஸுரராஸ். (எரே 44:17-19)

எரேமியா 7:18 ပူးပေါင်းရင်းမြစ်များ

1 ரஜான் 14:9

தொகொ முல்லொ ராஜ்ஜலெ அஸ்கி ரஜான் ஸொம்மர் தூஸ் வேன் துஷ்ட கார்யம் கெர்ரியொ. மொகொ வேன் ராக்³ அவடஸ்ததானுக் தூ ஸொந்நா விக்ரகமுனுக் உரு கெரி அந்யர்னுகெ தெய்வுனுக் பாய்ம் பொடரெஸ். மொர் வத்தானுக்கின், மொர் ஆக்³ஞானுக் நொக்கொ மெனி தொ³ப்பி தொவ்தியெஸ்.

1 ரஜான் 16:2

“தொகொ மீ கெனம் கெரி தூ இஸ்ரயேலுக் ரஜொகன் ந்யமுன் கெரெஸ். தூகீ எரொபெயாம்ஸோன் துஷ்ட க்ரியானுக் கெரெஸ். மொர் மென்க்யான் இஸ்ரயேல்னு மெளி துஷ்ட க்ரியானுக் கெரஸ்ததானுக் தூ தெங்கொ சல்த கெரெஸ்.

ஸங்கீதுன் 16:4

அந்ய தெய்வுனுக் பாய்ம் பொடஸ்தெங்கொ வேன் ஹிம்ஸொ அவய்; தெனு பலி தேரிய தாமுக் மீ ஜானா; தெங்கொ தெய்வுன்கெ நாவுனுக் மெளி மீ ஸங்குனா.

ஏசாயா 3:8

ஹாய்! எருசலேம் தீ⁴ர்குகன் நிள்சி ரா:னா; யூதா தேஸ் கா²ல் பொள்டியொ. மென்க்யானுகெ வத்தான்கின் க்ரியான் பகவானுக் விரோத்கன் ஸே. மஹிமெ பொரெ பகவானுக் தெனு ராக்³ அவட்யாஸ்.

ஏசாயா 57:6

நி:னாவ் தெய்டானுக் பாய்ம் பொடராஸ்; தெல்லெ தெய்டானுக் துமி ம:ட்டகன் ஹவ்டராஸ்; துமி தெல்லெ தெய்டாக் அபிஷேக் கெரி பான பலின்கின், தான்ய பலின் தீ³ பாய்ம் பொடராஸ். எல்லெஅஸ்கி மொர் மொன்னுக் ஸொந்தோஷ் லகய்கீ?

ஏசாயா 65:11

ஹொயெதி மொகொ பாய்ம் பொட்னாஸ்தெங்கொகின், மொர் பரிஸுத்த தொங்கருக் அவ்னாஸ்தெங்கொ மீ காய் கெரு மெனி களாய்கீ? ‘காத்’ தெய்வுக் ஜெமன் க⁴லி ‘மேனி’ தெய்வுக் திராட்செ ரெஸ்ஸு ஸொடி பான பலி தேஸ்தெனு காய் ஹோன் மெனி களாய்கீ?

ஏசாயா 65:3

தெனு மொகொ ஒப்பானாஸ்த க்ரியானுக் கெரி மொகொ ராக்³ அவட்யாஸ்; தெனு அந்யத்ர தெய்வுன்கெ பலி பீடமும் மூகுனுக் பலி தீ³ பாய்ம் பொட்யாஸ்; வஸ்னா வஸ்துன் தகி புஜெ கெரராஸ்.

எரேமியா 1:16

காமெனெதி மொர் மென்க்யான் மொகொ விரோத்கன் பாப் கெரெஹால் மீ தெங்கொ தண்டன தொ³வு; தெனு மொகொ நிராகரிஞ்சிதி துஸ்ர தெய்வுனுக் பாய்ம் பொட்யாஸ்; விக்ரகமுனுக் நமஸ் கெர்யாஸ்.

எரேமியா 11:17

ஸர்வ ஸக்தி பகவானூஸ் தொகொ ப்ரேவ்கன் ஹொவ்ட்யாஸ்; அத்தொ தெனூஸ் தொகொ நாஸ் கெரஞ்ஜாராஸ். காமெனெதி இஸ்ரயேல், யூதா தேஸு மென்க்யான் பாகால் தெய்வுக் பாய்ம் பொடி பகவானுக் வேன் ராக்³ அவட்யாஸ்.

எரேமியா 17:2

தெங்கொ ஸந்ததின் கச்செ ஜாடுன் கா²ல் தொவ்ரிய விக்ரகமுனுக்கின், தொங்கர்னும் தொவ்ரிய அசேரா தெய்வுகெ பலி பீடமுனுக்கின், கா²ம்புனுக் பாய்ம் பொடராஸ்.

எரேமியா 19:13

எருசலேம் மென்க்யான்கின், யூதா தேஸுகெ ரஜான் கே⁴ரு உஞ்சொ ஜீ, அகாஸு நக்ஷத்ருனுக் பாய்ம் பொடி தூபம் தெக்கட்யாஸ்; துஸ்ர தெய்வுனுக் பான பலின் தியாஸ்; தேஹாலிம் அத்தொ தெல்லெ கே⁴ர்னு அஸ்கி, மொஸானு தாம் தோபேத்ஸோன் அண்டுகன் ரா:ய்.

எரேமியா 25:7

துமிகீ மொர் வத்தானுக் அய்க்யானி” மெனி பகவான் மெனராஸ். தும்ரெ ஹாத்ஹால் உருகெரெ விக்ரகமுனுக் பாய்ம் பொடி துமி தும்கோஸ் ஹீன் அவல்டியாஸ்.

எரேமியா 32:29

எல்லெ பட்ணமுக் விரோத்கன் யுத்தம் கெரரிய பாபிலோனியர்னு எருசலேமுக் ஹுளொ லகடி ஜெளன்; அஸ்கி கே⁴ர்னுக் ஜெளி நாஸ் கெரன்; காமெனெதி தெல்லெ கே⁴ர்னுகெ மொவுட் ஹொல்லெ ஹிப்பி மென்க்யான் பாகால் தெய்வுக் புஜெ கெர்யாஸ்; துஸ்ர தெய்வுனுக் பாய்ம் பொடி பான பலி தியாஸ்; இஸனி மென்க்யான் மொகொ விரோத்கன் பாப் கெரி மொகொ ராக்³ அவட்யாஸ்.

எரேமியா 44:25

இஸ்ரயேல்கெ ஸர்வ ஸக்தி தேவ் பகவான் ஸங்கராஸ்: துமிகின், தும்ரெ அம்மான், ‘அகாஸு ரணிக் தூபம் தெக்கடி பான பலின் தீ³, தும்ரெ கொரிக்கலுக் பூர்தி கெருஸ்’ மெனி துமி மெனெதானுக் அத்தொ கெரி முஸட்டிகியாஸ். துமி தும்ரெ வத்தான்தானுக் சல்த கெல்லி தும்ரெ கொரிக்கலுக் பூர்தி கெர்யாஸ்தெ நிஜ்ஜமூஸ். தெல்லெ மொகொ சொக்கட் களாய்.

எரேமியா 44:4

திஸொரீ:மெளி மொர் தீர்கதரிஸினுக் மீ பீர் பீர் தெங்கொஜோள் தட்டி, மொகொ வெகுட் லகரிய எல்லெ ஹீன் கார்யமுக் கெருங்கன் மெனி ஸங்கெஸ்.

எரேமியா 7:17

தெனு யூதா தேஸும்கின் எருசலேமும் கெரெ க்ரியானுக் தூ ஸியெனிகீ?

ரொட்னி 5:13

அம்ரெ ஜவ்ணான் ப⁴ந்தைத்கன் காம் கெரராஸ். ந:ன்னான் லகு³டொ துக்கராஸ். தெனு பா⁴ர் துக்கன் முஸுனாஸ்தக் க²ல்லெ பொடராஸ்.

எசேக்கியேல் 16:26

துரெ ஸெஜ்ஜ ஸேஸ்தெ எகிப்திய தெய்வுன்ஜோள் வேசித்தனம் கெரிஸ்; மொகொ ராக்³ அவடஸ்ததானுக் ஜுகு மோஸ்கன் சல்த கெல்லிஸ்.

எசேக்கியேல் 20:28

மீ தெங்கொ தொ³வுஸ் மெனி வாக்கு தியெ தேஸுக் பெல்லி அவெவேளு தெனு தெல்லெ தேஸு தொங்கருக்கின், ஜா²ட் ஜ²ட்கினுக் ஸீதி தெல்லெ தேஸு தெய்வுனுக் தட்சணான்கின், பான பலின் தியாஸ். தூபம் தெக்கடி மொகொ ஜுகு வேன் ராக்³ அவட்யாஸ்.

எசேக்கியேல் 8:16

தெனு மொகொ பகவான்கெ த⁴வ்ரா பிஸ்தர் பொஷணுக் பெல்லி ஜியாஸ். தேட் பகவான்கெ த⁴வ்ரா தாருக்கின், மண்டபுக்கின், பலி பீடமுக் ம:ஜார் ரமாரமி 25 (பஞ்சவீஸ்) மென்க்யான் பி³ஸி ஹொத்யாஸ். தெங்கொ பாட் பகவான்கெ த⁴வ்ரா பொங்குட்கின், தெங்கொ தோண் க²வ்நஸ் திக்குக் ஸீ ரா:ஸ்ததானுக் ஹிப்பி, ஸுரிதுக் பாய்ம் பொட்யாஸ்.

எசேக்கியேல் 8:17

பகவான் மொகொ ஸீ, “மெனிகு! தூ எல்லெஅஸ்கி ஸியெஸ்னா! எல்லெ யூதா தேஸு மென்க்யான் மொகொ வெகுட் லகரிய எல்லெ க்ரியானுக் கெத்தி³ கெரராஸ்தெ நா: தேஸ் பூரா அங்குன் ஜுகு கொடூர க்ரியானுக் கெர்லேத் ஸே; தெனு மொர் பரிஸுத்த த⁴வ்ரா பிஸ்தர் அவி மொகொ வெகுட் லகரிய க்ரியானுக் தைர்யம்கன் கெரராஸ். தெனு கித்க முஸய்கீ திக்க தூர் மொகொ ஒப்பானாஸ்த க்ரியானுக் கெரி மொகொ ராக்³ அவடராஸ்.

1 கொரிந்தியர் 10:22

அமி பகவானுக் ராக்³ அவடுவாய்கீ? பகவான் ஸொம்மர் அம்கொ வேன் பலம் ஸேகீ?

உபாகமம் 32:16

துஸ்ர தெய்வுனுக் பாய்ம் பொடி பகவானுக் ரொஸம் அவட்யாஸ். ஒப்பானாஸ்த துஷ்ட க்ரியானுக் கெரி பகவானுக் ராக்³ அவட்யாஸ்.

உபாகமம் 32:21

நீ:னாஸ்த தெய்வுனுக் பாய்ம் பொடி துமி மொகொ ராக்³ அவட்யாஸ். விக்ரகமுனுக் நமஸ் கெரி மொகொ ரொஸம் அவட்யாஸ். தேஹாலிம் புத்தி நீ:ஸ்த விதேஸின் வாட்கன் அத்தொ மீ மெளி தும்கொ ஹிம்ஸொ கெரி மொகொ தெ⁴ரெ விவர் களானாஸ்த மென்க்யான் வாட்கன் மீ தும்கொ ராக்³ அவடு. (1 கொரி 10:22; ரோமர் 10:19)

உபாகமம் 4:19

ஸுரித், சாந்து, நக்ஷத்ருனுக்கின், கிரகணமுனுக் பாய்ம் பொடி துமி தும்கொ நாஸ் அவட்ளுங்கன். எல்லெ புலோகுர் ஜிவரிய துஸ்ர தேஸு மென்க்யான் விக்ரகமுனுக் பாய்ம் பொடெத் மெளி துமி பாய்ம் பொடஹோனா.