எரேமியா 6:26 - Saurashtra Bible (BSI)

²⁶ தெப்பொ பகவான் அபுல் மென்க்யானுக் ஸீ, “மொர் மென்க்யானு, ரொடுவொ; து³க்கு வஸ்தர் பில்லுவொ; ராக் லவ்லி பிஸுவொ; அபுலுக் ஹொதெ ஒண்டே பெடொ மொஜ்ஜியெதி கோனக் ரொடன்கீ திஸனி மொன்னு முட்டி ரொடுவொ; காமெனெதி நாஸ் கெரஸ்தெனொ ரி:யெவந்நு தும்கொ விரோத்கன் அவய்.

எரேமியா 6:26 ပူးပေါင်းရင်းမြစ်များ

ஆதியாகமம் 21:16

‘ஸோக்ஹால் மொர் பில்லொ மொரஸ்த மொர்ஹால் ஸான் முஸுனா’ மெனி ஸங்கிதி ஒண்டெ பா³ண் விந்த³ரிய துதூரும் பிஸிலி, மொன்னு விசார் லகி கெட்டி ஸெத்து³கன் ரொடிஸ்.

யோபு 15:21

தக்கடரிய ஸெத்து³ தெங்கொ கானும் கொப்பிம் அய்காய்; தெனு ஜுகு பத்ரம்கன் ஸே மெனி ஹவ்டிலேத் ர:தோஸ் சொட்டான் அவி தெங்கொ ஹனன்.

யோபு 2:8

தேஹாலிம் யோபு க²ப்ரிஹால் அபுல் ஆங்குக் கவ்ஜிலி, து³க்குக் அங்கிதம்கன் ராக் வரி தொஸ்கர் திகிலி பிஸெஸ்.

ஏசாயா 22:12

ஸர்வ ஸக்தி ஸேஸ்தெ மொர் மஹா ப்ரபு பகவான், தெல்லெ தின்னும் துமி ஹேமுர் ஹன்லி ரொடஸ்ததானுக்கின், தொஸ்கா கேஸ் சிவ்லி து³க்குகன் கெச்சந்தி பி²ல்லி ர:னொ மெனி ஆக்³ஞொ தகி ஹொத்யாஸ்.

ஏசாயா 22:4

தேஹாலிம் மீ, “அத்தொ மொகொ அலக்க³ ர:வடுவொ; மீ மொன்னு முட்டி ரொடஸ்தக் ஸொடுவொ. மொர் மென்க்யான் பூரா மொஜ்ஜியாஸ். மொகொ கொன்னின் ஆஸ்வாஸ் கெருங்கன்” மெனி மெனெஸ்.

ஏசாயா 3:24

தெப்பொ, தெங்கொஜோள் வஸ்னா வஸ்துன் கொன்னி ரா:னா; தெங்கொ ஆங்கு கா⁴ன் துட்டய்; கேடுர் பந்துலஸ்தக் தெங்கொ கச்சொ ரா:னாஸ்தஹால் தொ³ரினுக் பந்துலன். லம்பு வெனி கும்புல்னான்; காமெனெதி தெங்கொ தொஸ்கா கே²ஸ் ரா:னா. செடாவ் வஸ்தர்னுக் பி²ல்லுனான்; ப²ட்டெ கெச்சந்தினுக் ப²ங்குலன். ஸிங்கார்கன் ஹொதெ தெங்கொ ஆங்கு அத்தொ அவலக்ஷணம்கன் ரா:ய்.

ஏசாயா 30:13

துமி கெரெ அந்யாவுக் தகெ தண்டன தும்கொ அப்பய்; பு²ட்டி கா²ல் பொடஞ்ஜாரிய பீத்ஸோன் துமி ஸே; ரி:யெவந்நு தும்கொ நாஸ் அவய்.

ஏசாயா 32:11

ஸுகபோகம்கன் ஜிவரிய பெய்லானு, தக்கி ஒண்குவொ; விசார் நீ:ஸ்த பெட்கினு, ஒண்கி பெதிரி பொடுவொ; செடாவ் வஸ்தருக் ஹெடி தகிதி து³க்கு வஸ்தர் பி²ல்லுவொ.

எரேமியா 12:12

நாஸ் கெரரிய யுத்த வீருடுன் அத்தொ வளுராண்கெ மிட்டா தாமுனுக் அவ்ரியாஸ்; காமெனெதி பூரா தேஸுக் நாஸ் கெரஸ்தக் பகவான்கெ பட்டயம் அஸ்கி பொங்குட் சுட்டு பிர்லேத் ஸே; தேஹாலிம் கொங்கினா மொன்னும் ஸமதான் நீ.

எரேமியா 13:17

துமி பகவான்கெ வத்தானுக் அய்குனாஸ்தக் ஹடவாதின்கன் சல்த கெல்லராஸ்தெ ஸீதி மொர் மொன்னு பாத பொடய்; மீ கொங்கினாக் களானாஸ்தக் ரொடு. ரொடி ரொடி தொளாம் பனி லுச்சாய்; காமெனெதி பகவான்கெ ஜெனுல்னுக் பராட் தேஸுக் ப⁴ந்தைதுன்கன் பெல்லி ஜேடன்.

எரேமியா 14:17

தெப்பொ பகவான் மொகொ ஸீ, “எரேமியா, தூ எல்லெ மென்க்யான்ஜோள் கித்க பாத பொடரெஸ் மெனஸ்த ஸங்கி” மெனி மென்யாஸ். த்யெதானுக் மீ மொர் மென்க்யான்ஜோள், “ராத் தீ³ஸ் மீ ரொட்லேத் ஸே; தொளாம் பனி க²ட்லேத் ஸே. காமெனெதி மொர் மென்க்யான் வேன் ஹிம்ஸொ பொந்தராஸ்; தெங்கொ காயமுன் ஜுகு கொடூருகன் ஸே. (எரே 10:19; 30:12)

எரேமியா 15:8

ஸெந்துரு வளுண் ஸொம்மர் தெங்கொ தேஸும் விதவென் வேன் ரா:ஸ்ததானுக் கெரெஸ்; ரி:யெவந்நு தீ³ஸுமூஸ் விரோதின் அவி தும்ரெ ஜவ்ணானுக் மொரடஸ்ததானுக் கெரடெஸ்; த்யெலெந்தால் பட்ணமும் பயங்கர ரகளெகின் துவம்ஸம் வேன் ஹொயெஸ்.

எரேமியா 18:22

ரி:யெவந்நு சொட்டான் அவி தெங்கொ ஆஸ்தினுக் கள்ளி ஜாந்தக்; தெனு தக்கி கொப்பிம் ரொட்லேத் ரா:ந்தக்; காமெனெதி மீ கா²ல் பொடஸ்தக் தெனு லோத் க²ணி கொவ்ர்யாஸ்; மீ ஸம்டஸ்தக் தெனு ஜாலு தொவ்யாஸ்.

எரேமியா 30:5

பகவான் ஸங்கராஸ்: பெதிரி பொடடரிய ஸெத்து³க் மீ அய்கெஸ்; தாக் திகில்கன் ஸே. மொன்னும் ஸமதான் நீ:

எரேமியா 4:11

பெ⁴ளி மோஸ்கன் நாஸ் அவரிய தெல்லெ தின்னுநும் பகவான் எருசலேம் மென்க்யான்ஜோள் இஸனி ஸங்கன்: “வளுராணும்ரீ: ஹுன்னொ வரொ ஹனய்; தெல்லெ வரொ தான்யமுனுக் ப²ங்கடி ஸுத்தி⁴ கெரரியஸோன் நிதான்கன் அவ்னா.

எரேமியா 4:20

ஹொல்லெ ஹொல்லெ லாடுன்ஸோன் நாஸ் அவ்லேத் ஸே; பூரா தேஸ் நாஸ் ஹொஜ்ஜிரியொ; ரி:யெவந்நு அம்ரெ த⁴வ்ராக் விரோதின் பொடி நாஸ் கெர்திகியாஸ்; அம்ரெ கே⁴ர்னு ருவ்வெ கெ⁴டிம் ரிக்த பொள்டியொ.

எரேமியா 4:8

தேஹாலிம், இஸ்ரயேல்னு, “து³க்கு வஸ்தர் பில்லுவொ; ஹேமுர் ஹன்லி ரொடுவொ; காமெனெதி பகவான்கெ பயங்கர ராக்³ அங்குன் அம்கொ விரோத்கன் ஸே” மெனி மெனெஸ்.

எரேமியா 6:14

மென்க்யானுகெ மொன்னும் ஸமதான் நீ: திஸொ ரீ:மெளி, ‘துமி கொன்னின் தக்கஸ்தக் வேஸ் நீ:’ மெனி ஸங்கிதி, தெங்கொ க²ஜ்ஜுக் ஹொல்லா ஹொல்லெ ஹொகத் லவி பரொ கெரன் ஸாராஸ்.

எரேமியா 8:19

ஏலா, சீயோனும் பகவான் நீ:கீ? தெல்லெ பட்ணமுகெ ரஜொ தேட் நீ:கீ? மெனி புஸி மொர் மென்க்யான் துதூர் தேஸும் ரொடரிய ஸெத்து³ அய்காரெஸ்னா! தெப்பொ பகவான் ஜவாப்கன், “தெனு ககொ ஜீவ் நீ:ஸ்த விக்ரகமுனுக்கின், உபயோக் நீ:ஸ்த அந்ய தெய்வுனுக் பாய்ம் பொடி மொகொ ராக்³ அவட்யாஸ்தெ?” மெனி மெனன்.

எரேமியா 8:21

மொர் மென்க்யானுகெ கஷ்டமுனுக் ஸீ மொர் மொன்னு துக்காரியொ; மீ து³க்குகன் ரொட்லேத் ஸே; மீ பெதிரி பொடி பிஸிரியொ; திகில் மொகொ தெஜ்ஜிரியொ.

எரேமியா 9:1

ஏலா, மொர் தொஸ்கொ பனிஹால்கின், மொர் தொளான் பனிகஸு ஹால்‍ பொ⁴ரி ரா:ஹோனாகீ? திஸனி ரி:யெதி, ஹத்யொ கெர்னி பொடெ மொர் மென்க்யானுக் ஹவ்டி ராத் தீ³ஸ் மீ ரொட்லேத் ஹொதி ர:வுனா?

எரேமியா 9:10

“அம்ரெ தொங்கரு தேஸுக் ஹவ்டி ரொடியேன்; அம்ரெ கச்சலு தாமுனுக் ஹவ்டி ஹேமுர் ஹன்லியேன்; காமெனெதி அத்தொ தெல்லெ தாமுன் அக்னிம் ஜெளி நாஸ் ஹொஜ்ஜிரியொ; தெல்லெ வாட்கன் கொன்னின் அவரானி; காய் பெண்டுன் தேட் ஜிவரெனி; மூகுனுகெ ஜவ்னி அவ்னிமெளி தேட் நீ: அகாஸு பக்ஷின் மெளி தெங்குட் ஹுடி ஜாரெனி.

ரொட்னி 1:16

இஸனி மீ ஹிம்ஸொ பொந்தி ரொட்லேத் ஸே. மீ தொளாம் பனி க²ட்லேத் ஸே. மொகொ ஆஸ்வாஸ் கெரஸ்தெனு கொன்னின் நீ: அஸ்கின் மொகொ ஸொட்டி துதூர் ஸே. விரோதின் மொகொ ஜெகிஞ்செஹால் மொர் பில்லல்னு அநாதெகன் ஸே.

ரொட்னி 1:2

ராத் பூரா தெனொ ரொட்லேத் ஸே. தொளாம் பனி க²ட்லேத் ஸே. தெகொ இஷ்டுடுன்கின், ஸிங்கதின் தெகொ ஆஸ்வாஸ் கெரரானி. அஸ்கின் தெகொ நொம்கெ துரோக் கெர்திகியாஸ். அத்தொ அஸ்கின் தெகொ விரோத்கன் ஸே.

ரொட்னி 2:11

மொர் பெ³டி சீயோன்கின், மொர் மென்க்யான் ஜுகு ஹிம்ஸொ பொந்தெஹால் மொகொ ரோட் அவரெஸ். மொர் தொளான் மக்குன் ஹொயெஸ். மொர் மொன்னு முட்டெஸ். மொர் போட் குஸுரயெஸ். நு:ருன்கின், ந:ன்ன பில்லல்னு வீதும் மூஸெல் லகி பொட்ரியாஸ்.

ரொட்னி 3:16

குண்டொஹால் ஹனி மொர் தா³துனுக் பொட்டிகியாஸ். மொகொ மத்திம் தகி லொவ்ளி ஹெட்டிகியாஸ்.

ரொட்னி 3:48

மொர் மென்க்யான் நாஸ் ஹொயெஹால் மொகொ தொளாம்ரீ: நெத்திஸோன் பனி தமி அவெஸ்.

ரொட்னி 4:10

பெய்லான் மெளி அபுல் பில்லல்னுக் ஸிஜ்ஜடி கயாஸ். மொர் மென்க்யான் நாஸ் ஹொயி பாத பொந்தெவேளு தெங்கொ எல்லெ கொடூரம் சலெஸ். (உபா 28:57; எசே 5:10)

ரொட்னி 4:3

ராணு கொ²லான் அபுல் பில்லல்னுக் தூத் தீ³ கபடரெஸ். ஹொயெதி வளுராணுகெ விஸ்தவு குடிஸோன் மொர் மென்க்யான் அபுல் பில்லல்னுக் ஹாத் ஸொட்டியாஸ். (யோபு 39:14-16)

ரொட்னி 4:6

சோதோமுக் அப்பெ தண்டன ஸொம்மர் மொர் மென்க்யானுக் வேன் தண்டன அப்பெஸ். கொன்னின் கை கெர்னாஸ்தகூஸ் ஒண்டெ நிமிஷும் சோதோம் பட்ணம்ஸோன் நாஸ் ஹொயாஸ். (ஆதி 19:24)

ஆமோஸ் 8:10

தும்ரெ ஸெந்நு தின்னுநுக் ரொடரிய தின்னுன்கன் மர்சடு; தும்ரெ ஸொந்தோஷு கீதுனுக் து³க்கு கீதுன்கன் மர்சடு. அஸ்கின் கேடுர் து³க்கு வஸ்தர் பி²ல்லி தொஸ்கா கேஸுக் சிவ்லன். அபுல் ஒண்டே பில்லொ மொஜ்ஜியெஹால் ரொடரிய மாய்ஸோன் துமி ரொட்லேத் ரா:ன். தெல்லெ தின்னு ஜுகு பயங்கர கொடு பொரெ தின்னுகன் ரா:ய்.

யோனா 3:6

எல்லெ ஸமசார் நினிவே பட்ணமு ரஜாக் களையெஸ். தெனொ மெளி அபுல் ஸிங்காஸனமும்ரீ: ஹுத்திரி ரஜா வஸ்தருக் ஹெடி தகிதி, து³க்கு வஸ்தர் பி²ல்லி ராக் ஹொல்லெ பிஸெஸ்.

சகரியா 12:10

தாவீதுகெ ஸந்ததினுக்கின், எருசலேம் மென்க்யானுக் மீ தயாளு குண்ணுகின், ஹோர் கள்ளரிய மொன்னு தொ³வு. தெப்பொ தெனு அபுல் ஒண்டே பில்லொ மொஜ்ஜியெஹால் ஹேமுர் ஹன்லி ரொடரிய மெனிக்ஸோன்கின், மொஜ்ஜிய அபுல் பெ²ய்லட் பெடாக் ஹவ்டி ஜுகு து³க்குகன் அப்புலரிய மெனிக்ஸோன் தெனு கொங்கக் குஸ்கி மொரட்யாஸ்கீ தெங்கொ ஸீ ரொடன். (யோவா 19:37; தர்ஸன 1:7)

லூக்கா 7:12

தெனு கா³மு துர்னிக் அவெவேளு மொஜ்ஜியெ ஒண்டெ ஜவ்ணாக் துக்கிலி தெல்லெ கா³மு மென்க்யான் அவ்லேத் ஹொத்யாஸ். தெனொ தெகொ மாயுக் ஒண்டே பெடொ. தெகொ மாய்கீ விதவொ.

யாக்கோபு 4:9

துமி பாத பொடி து³க்குகன் ரொடுவொ. தும்ரெ அஸொ ரொட்னிகன் மர்சாந்தக். தும்ரெ ஸொந்தோஷ் து³க்குகன் மர்சாந்தக்.

யாக்கோபு 5:1

ஐஸ்வர்யவானுனு, அய்குவொ. தேவ் தும்கொ நியாவ் ஸார்வொ கெரஞ் ஜாராஸ்த ஹவ்டி ஹேமுர் ஹன்லி ரொடுவொ.