எரேமியா 30:7 - Saurashtra Bible (BSI)

⁷ ஜுகு மோஸ் ஹொயெ தின்னு அவரியொ; தெல்லெ தின்னுஸோன் துஸ்ர கொன்னி தின்னு ரா:னா. மொர் மென்க்யான் தெல்லெ தின்னும் ஜுகு வேன் பாத பொந்தன்; ஹொயெதி தெமாம்ரீ: மீ தெங்கொ கபடு.

எரேமியா 30:7 ပူးပေါင်းရင်းမြစ်များ

ஆதியாகமம் 32:7

தெப்பொ யாக்கோபு ஜுகு தக்கி பெதிரி பொடி அபுல்ஜோள் ஸேஸ்தெ மென்க்யானுக்கின், காய் பெண்டுனுக்கின், முயினுக் தீ³கும்புகன் வடொ கெரெஸ்.

ஸங்கீதுன் 25:22

தேவு, இஸ்ரயேல்னுக் அவரிய ஸகல ப்ரசனாம்ரீ: தெங்கொ ஸொடுவி கெருவொ.

ஸங்கீதுன் 34:19

நீதிமானுக் வேன் ப்ரசன அவய்; பகவான்கீ தெங்கொ அவரிய அஸ்கி ப்ரசனாம்ரீ: கபடன்.

ஏசாயா 20:6

தெல்லெ தின்னும் ஏட் ஜிவரிய ஸெந்துரு தேஸு மென்க்யான், “ஏலா, அமி கொங்க நொம்மி ஹொத்யாஸ்கீ, அம்கொ கபட்னொ மெனி அமி கொங்கஜோள் மெல்லியாஸ்கீ தெல்லெ அசீரியர்னூஸ் அத்தொ நிர்கதிகன் ஹிப்பிரியாஸ்! அத்தொ அமி காய் கெரன் முஸய்” மெனி ரொடன்.

எரேமியா 14:8

இஸ்ரயேல்கெ நொம்கெ துமீஸ்; ஹிம்ஸொ பொந்தரியவேளு கபடஸ்தெனு துமீஸ். திஸொ ர:த, அம்ரெ தேஸும் துமி ககொ அகதிஸோன் ர:னொ? ஸெத்ரமும் நிஞ்ஜஸ்தக் அவரிய பராட் தேஸு மெனிக்ஸோன் துமி ககொ ர:னொ?

எரேமியா 2:27

தெனு ஜாடுக் ஸீ, “தூஸ் மொர் பா³ப்” மெனி மெனராஸ்; தெய்டாக் ஸீ “தூஸ் மொர் மாய்” மெனி மெனராஸ். தெனு பகவான் பொங்குட் தோண் தெக்கட்னாஸ்தக் பாட் தெக்கடராஸ்; தெங்கொ ஹிம்ஸொ அவெவேளுகீ, மொகொ ஸீ ‘அம்கொ கபடுவொ’ மெனி அப்புலராஸ்.

எரேமியா 2:28

தூ துரெகுர்சி உரு கெர்லியெ தெய்வுன் கோட் ஜியெஸ்? அத்தொ தூ ஹிம்ஸொ பொந்தரியவேளு தெல்லெ தெய்வுன் தொகொ கபடந்தக்! காமெனெதி யூதா தேஸும் கித்க பட்ணமுன் ஸேகீ திக்க தெய்வுன் தொகொ ஸேனா!

எரேமியா 30:10

மொர் மென்க்யானு, தக்குங்கன்; இஸ்ரயேல்னு, திகில் நொக்கொ மெனி பகவான் மெனராஸ். துதூர் தேஸும்ரீ: மீ தும்கொ கபடி பெல்லி அவு; ப⁴ந்தைதுன்கன் ஜிவரிய தேஸும்ரீ: மீ தும்கொ பராட் பெல்லி அவு. யாக்கோபுகெ ஸந்ததின் அபுல் ஸொந்த தேஸுக் பிரி அவி ஸமதான்கன் ஜிவன்; அத்தெங்குட் தெங்கொ கொன்னின் தக்கட்னான்.

ரொட்னி 1:12

எல்லெ வாட்கன் ஜாஸ்தென்‍வோ! மொகொ ஸீ தும்கொ விசார் லகரெனிகீ; அஸ்கின் மொகொ ஸவொ. பகவானுக் ராக்³ அவெஹால் தெனு மொகொ தண்டன தீடியாஸ். மொகொஸோன் துஸ்ர கொன்னின் பாத பொந்தரானி; தும்கொ கொங்கினாக் இஸனி சல்ரா:னா.

ரொட்னி 2:13

பெ³டி எருசலேமு, தொகொ தெ⁴ரி மீ காய் வத்தொ கெரு? மீ தொகொ நிகர்கன் கொங்கக் ஸங்கு? பெ³டி சீயோனு, கென்ன பெட்கி, துரெ து³க்குக் நிகர்கன் மீ கொங்கக் ஸங்கி ஆஸ்வாஸ் கெரு? தொகொ லகெ கா⁴ம் ஸெந்துர்ஸோன் லோத்கன் ஸேனா! கோன் தொகொ பரொ கெரன் முஸய்?

ரொட்னி 4:6

சோதோமுக் அப்பெ தண்டன ஸொம்மர் மொர் மென்க்யானுக் வேன் தண்டன அப்பெஸ். கொன்னின் கை கெர்னாஸ்தகூஸ் ஒண்டெ நிமிஷும் சோதோம் பட்ணம்ஸோன் நாஸ் ஹொயாஸ். (ஆதி 19:24)

தானியேல் 12:1

தானியேலு, தெல்லெ தின்னுநும் துரெ மென்க்யானுக் கபடரிய ப்ரதான தூது மிகாயேல் அவய். மென்க்யான் எல்லெ புலோகுர் அவெவேள்ரீ: தெல்லெ தின்னுன் லெந்து கொன்னின் எதுர் ஸானாஸ்த மஹா ஹிம்ஸொ அவய். தெப்பொ யூதர்னு ஸொடுவி பொந்தன். புஸ்தவு கொ³ளாம் கொங்க நாவ் ஸேகீ தெனு அஸ்கின் ஸொடுவி பொந்தன். (மத் 24:21; மாற்கு 13:19; தர்ஸன 7:14; 12:7)

தானியேல் 9:12

அம்கொகின் அம்ரெ ரஜானுக் விரோத்கன் துமி ஸங்க்யாஸ்தெ அத்தொ பூர்தி ஹொய்ரியொ. த்யெதானுக் அமி வேன் ஹிம்ஸொ பொந்த்யாஸ். நிஜ்ஜம்கன் எருசலேமுக் அப்பெ தண்டனஸோன் புலோகுர் துஸ்ர கொங்கினாக் அப்பிரா:னா.

ஓசியா 1:11

யூதா, இஸ்ரயேல் தேஸு மென்க்யானுக் தேவ் ஒண்டேஸ்கன் மிளடன். தெனு ஒண்டெ அதிபதிக் ந்யமுன் கெல்லி ப⁴ந்தைது தேஸும்ரீ: பிரி அவி அபுல் தேஸுக் பாத்யம் கெல்லன். தெல்லெ தின்னூஸ் யெஸ்ரயேல்கெ மஹா விஸேஷ் தின்னு.

யோயேல் 1:15

பகவான் நியாவ் ஸார்வொ கெரஞ்ஜாரிய தின்னு லெகுத்த அவ்டிரியொ. தெல்லெ தின்னு ஜுகு பயங்கரம்கன் ரா:ய். ஸர்வ ஸக்தி பகவான் மென்க்யானுக் நாஸ் கெரஸ்தக் அவ்லேத் ஸே.

யோயேல் 1:2

ம:ட்டான்னு, மொர் வத்தானுக் அய்குவொ. யூதா மென்க்யானு, துமி அஸ்கின் கான் தீ³ அய்குவொ. துமி ஜிவெ தின்னுநும்தீ, தும்ரெ ஒள்ட்யான் ஜிவெ தின்னுநும்தீ மீ ஸங்கஞ்ஜாரிய எல்லெ ஸம்பவம் சல்ரெஸ்கீ?

யோயேல் 2:11

பகவான் அபுல் யுத்த வீருடுனுக் ஸெத்து³கன் பொவராஸ். தெங்கொ ராணுவ கு³ம்பு ஜுகு ம:ட்டயெ. பகவான் வாக்கு தியெதானுக் கெரஸ்தெனு. பகவான் நியாவ் ஸார்வொ கெரஞ்ஜாரிய தின்னு மஹா பயங்கரம்கன் ரா:ய். கொன்னின் தெல்லெ தின்னுக் அட்டம் கெரன் முஸுனா.

யோயேல் 2:31

மஹா பயங்கரம் ஹொயெ பகவான்கெ தின்னு அவஸ்தக் முல்லொ ஸுரித் ஹந்தார் பொடய். சாந்து ரெகத்ஸோன் லொ:வ்வொ பொடய்.

மீகா 4:9

தேஹாலிம் தூ அத்தொ ககொ இஸனி கெட்டி ரெச்ச தகுனொ? ஜத்கெமு துனொ பொந்தரிய பெட்கிஸோன் ககொ தூ பாத பொந்துனொ? தொகொ ராஜ்ஜலரிய ரஜொ நீ:ஸ்தஹாலூஸ்னா! தொகொ ஆலோசன தேரிய ரஜொ நாஸ் ஹொயி ஜேட்யொகீ?

ஆபகூக் 3:16

எல்லெ மீ அய்கரியவேளு மொர் ஸரீர் ஒண்கரியொ. தெல்லெ மஹா ம:ட்ட ஸெத்து³க் அய்கரியஹால் தா⁴கும் மொர் ஹோடுன் ஒண்கரியொ. மொர் ஹட்கான் தில்ல ஸுட்டியரியொ. மொர் பாய்ஞ்ன் ஹிப்பன் முஸுனாஸ்தக் ஹள்ளரியொ. அம்ரெ விரோதினுக் ஆபத் அவரிய தின்னு லெங்கு மீ நிதான்கன் ர:கிலேத் ர:வு.

சகரியா 14:7

ஹந்தார் மெளி ரா:னா. தெல்லெ தின்னு கொப்பொ அவய் மெனி பகவானுக் கெத்தி³ களாய். து⁴பார் ஜியெ பல்சொ ராத் அவ்னா. வீள்டொ மெளி ஹுஜாள்கன் ரா:ய். (மத் 24:29)

மல்கியா 4:1

ஏலா, ஹுளொ லகரிய உஷ்ளொஸோன் பகவான் நியாவ் ஸார்வொ கெரஞ்ஜாரிய தின்னு அவரெஸ்; ஹகம் பொடஸ்தெனுகின், துஷ்டுடுன் ஸுக்கெ பான்ஸோன் தெல்லெ அக்னிம் ஜெளி நாஸ் ஹோன்; தெங்காம் ஒண்டெதெனு மெளி ஜீவ் ஸெந்தொ ரா:னான் மெனி ஸர்வ ஸக்தி பகவான் ஸங்கராஸ். (ஏசா 5:21-25; மத் 3:12)

மாற்கு 13:19

காமெனெதி தெல்லெ தின்னுநும் மென்க்யான் வேன் பாத பொந்தன். தேவ் புலோகுக் உருகெரெ தின்னுரீ: ஹிந்தா தின்னு லெங்கு மென்க்யானுக் இஸான் பா³தான் அவி ரா:னா. அத்தெங்குட் மெளி இஸனி அவ்னா. (யோயேல் 2:2; தானி 12:1)

அப்போஸ்தலர் 2:20

பகவான்கெ ப்ரகாஸ் ஹொயெ விஸேஷ தின்னு அவஸ்தக் முல்லொ ஸுரித் ஹந்தார் பொடய். சாந்து ரெகத்ஸோன் மர்சாய். (யோயேல் 2:28-32)

ரோமர் 11:26

தெக பல்சொ இஸ்ரயேல்னு அஸ்கின் ரக்ஷண் பொந்தன். “ரக்ஷகர் சீயோனும்ரீ: அவன். தெனு யாக்கோபுகெ ஸந்ததிகெ ஹீன் கார்யமுக் ஜவடன்.

தர்ஸன புஸ்தவ் 6:17

தெனு தண்டன தேஞ்ஜாரிய மஹா பயங்கர தின்னு அவ்டியொ. தெல்லெ தின்னுக் விரோத்கன் கோன் காய் கெரன் முஸய்?’’ மெனி ஸங்க்யாஸ்.