எரேமியா 17:27 - Saurashtra Bible (BSI)

²⁷ துமி அஸ்கின் விஷ்ராம் தின்னு விதின்தானுக் பரிஸுத்தம்கன் ஜிவ்னொ; தெந்துஸ்தி எருசலேம் தா³ர் வாட்கன் ஸமான்னுக் கள்ளி ஜாஹோனா; மொர் வத்தான்தானுக் துமி சல்த கெல்லுனா ஜியெதி, எருசலேமுகெ ரவுளுக் ஜெளடு; பட்ணம் பூரா நாஸ் ஹோய்; மீ லகடரிய ஹுளொ கொப்பிம் ம:வ்லானா” மெனி பகவான் ஸங்கராஸ்.

எரேமியா 17:27 ပူးပေါင်းရင်းမြစ်များ

2 ரஜான் 22:17

காமெனெதி தெனு மொகொ பாய்ம் பொடஸ்த ஸொட்டி துஸ்ர தெய்வுனுக் தூபம் தெக்கடி பாய்ம் பொடராஸ். தெனு அபுல் ஹாத்ஹால் கெர்னி பொடெ விக்ரகமுனுக் பாய்ம் பொடி மொகொ வேன் ராக்³ அவட்யாஸ். தேஹாலிம் எல்லெ தேஸு ஹொல்லெ அவ்ரிய மொர் ராக்³ ஹுளொ தெ⁴ரி லகய்; கொன்னின் மொர் ராகுக் அண்சடன் முஸுனா.

2 ரஜான் 25:9

தெனொ பகவான்கெ த⁴வ்ராக்கின், ரஜா ரவுளுக்கின், எருசலேமுகெ அஸ்கி கே⁴ர்னுக் பொடி ஜெளெஸ்.

2 சரித்ரு 36:19

தெனு தேவுகெ த⁴வ்ராக் ஜெளி தக்யாஸ். எருசலேம் ரவுளுக் பொடி தக்யாஸ். தேட் ஹொதெ அஸ்கி ரஜா ரவுளுக் ஜெளி தகி மோல் வேன் ஹொயெ ஆஸ்தினுக் கள்ளி ஜியாஸ்.

ஸங்கீதுன் 122:7

துரெ ராஜ்யமும் ஸமதான்கின், துரெ ரவுளும் ஸுபிக்ஷம் ரா:ந்தக்.

ஏசாயா 1:20

மொர் வத்தானுக் அய்கஸ்தக் தும்கொ மொன்னு ரா:னா ஜியெதி, துமி யுத்தமும் ஸம்டி மொரன்; பகவான்கன் ஸேஸ்தெ மீஸ் எல்லெ வத்தானுக் மெனரியொ.”

ஏசாயா 1:31

பலவானுன் கொ³வத்ஸோன் அக்னிம் நாஸ் ஹோன். தெனு உருகெரெ விக்ரகமுன் மெளி அக்னிம் நாஸ் ஹோய். தெல்லெ அக்னிக் ம:வ்லஸ்தக் கொங்கினாஹால் முஸுனா” மெனி பகவான் ஸங்கராஸ்.

எரேமியா 17:24

தேஹாலிம் பகவான் ஸங்கராஸ்: துமி மொர் வத்தானுக் அய்கி ஜிவ்னொ. விஷ்ராம் தின்னும் எருசலேம் வாட்கன் ஸமான்னுக் கள்ளி ஜாஹோனா; தெந்துஸ்தி காம் கொன்னி கெரஹோனா; விஷ்ராம் தின்னு விதின்தானுக் ஜிவி பரிஸுத்துடுகன் ர:னொ.

எரேமியா 17:4

மீ தும்கொ பாத்யம்கன் தியெ தேஸுக் துமீஸ் ஸொட்டி தமன்; முல்லொ பல்சொ களானாஸ்த தேஸும் துமி ஜீ ப⁴ந்தைதுன்கன் ரா:ன்; துமி மொகொ அவடெ ராக்³ ம:வ்லன் முஸுனா. கொப்பிம் ஜெல்லேத் ரா:ய்.

எரேமியா 18:1

பல்சொ பகவான் எரேமியாக் ஸீ ஸங்கெ வத்தான்:

எரேமியா 21:12

தாவீதுகெ தோ²ர்னு, பகவான் ஸங்கராஸ்: நிச்சு துமி நீதிகன் சல்த கெல்லுவொ; ரூடுவான்னுஜோள் அபுல் ஆஸ்தினுக் கம்டட்டிகி அவ்ரிய மென்க்யானுக் ஹேது கெருவொ; ஹிம்ஸொ கெரரிய துஷ்டுடுன்ஜோள்ரீ: தெங்கொ கபடுவொ; அத²வா தும்ரெ பாபுன் லெந்தால் மொர் ராக்³ அக்னிகன் ஹுளொ தெரி லகய்; தெல்லெ அக்னிக் கொன்னின் ம:வ்லன் முஸுனா.

எரேமியா 21:14

தும்ரெ க்ரியானுக் தகெதானுக் மீ தும்கொ தண்டன தொ³வு; எருசலேமுக் மீ ஜெளு; தெல்லெ ஹுளொ சுட்டுர் ஸேஸ்தெ அஸ்கி தாமுனுக் நாஸ் கெரய் மெனி பகவான் ஸங்கராஸ்.

எரேமியா 22:5

துமி மொர் ஆக்³ஞான்தானுக் ஜிவ்னா ஜியெதி எல்லெ ரஜா ரவுள் நாஸ் ஹோய் மெனி மொர் நாவ் ஹொல்லெ ஸெத்து கெரி ஸங்கரியொ” மெனி பகவான் ஸங்கராஸ். (மத் 23:28; லூக் 13:35)

எரேமியா 32:29

எல்லெ பட்ணமுக் விரோத்கன் யுத்தம் கெரரிய பாபிலோனியர்னு எருசலேமுக் ஹுளொ லகடி ஜெளன்; அஸ்கி கே⁴ர்னுக் ஜெளி நாஸ் கெரன்; காமெனெதி தெல்லெ கே⁴ர்னுகெ மொவுட் ஹொல்லெ ஹிப்பி மென்க்யான் பாகால் தெய்வுக் புஜெ கெர்யாஸ்; துஸ்ர தெய்வுனுக் பாய்ம் பொடி பான பலி தியாஸ்; இஸனி மென்க்யான் மொகொ விரோத்கன் பாப் கெரி மொகொ ராக்³ அவட்யாஸ்.

எரேமியா 39:8

ஏட் எருசலேமும் ரஜாகெ மஹாலுக்கின், மென்க்யானுகெ கே⁴ர்னுக் பாபிலோனியர்னு பொடி ஜெளி தக்யாஸ்; எருசலேமுகெ ரவுளுக் பொடி தக்யாஸ்.

எரேமியா 44:16

“துமி பகவான்கெ நாவ்ஹால் அம்கொ ஸங்கெ போதனான்தானுக் அமி ஜிவ்னான்.

எரேமியா 49:27

தமஸ்கு பட்ணமுக் ஹுளொ லகடு; பெனாதாத் பட்ணமு ரவுள் மெளி ஹுளாம் ஜெளி நாஸ் ஹோய் மெனி பகவான் ஸங்கராஸ். (ஏசா 17:1-3; ஆமோ 1:3-5; சக 9:1)

எரேமியா 52:13

தெனொ பகவான்கெ த⁴வ்ராக்கின் ரஜா ரவுளுக்கின், எருசலேமும் ஹொதெ அஸ்கி கே⁴ர்னுக் ஜெளி நாஸ் கெரெஸ். ம:ட்ட ம:ட்ட கே⁴ர்னுக் மெளி ஜெளி ராக் கெரெஸ்.

எரேமியா 6:17

தெப்பொ பகவான் தெவ்ட தீர்கதரிஸினுக் ந்யமுன் கெர்யாஸ்; அவரிய ஆபத்துக் தெனு ஸங்க்யாஸ்; மென்க்யான்கீ மொர் தீர்கதரிஸின்கெ வத்தானுக் அய்க்யானி.

எரேமியா 7:20

தேஹாலிம் மொர் மஹா ப்ரபு பகவான் ஸங்கராஸ்: “ஏலா, மொர் உக்கு³ர்கின், ராக்³ ஏட் ஸேஸ்தெ மென்க்யானுக், மூகுனுக், ஜாட் ஜட்கினுக், தான்யமுனுக் நாஸ் கெரய்; அக்னிகன் அவரிய மொர் ராக்³ ஹுளொ தெரி லகய். கொன்னின் ம:வ்லன் முஸுனா.

ரொட்னி 2:6

பாநு கே⁴ருக் ஜெளரியஸோன் பகவான் அபுல் த⁴வ்ராக் ஜெளி நாஸ் கெர்யாஸ். பரிஸுத்துடுன்கெ ஸபாக் துவம்ஸம் கெர்யாஸ். பகவான் சீயோனும் ஸெந்நுன்கின், விஷ்ராம் தின்னுகெ விதின் நாஸ் ஹோஸ்ததானுக் கெர்யாஸ். அபுலுக் அவெ ராக்³ஹால் ரஜானுக்கின், பட்ணமுக் த்³வேஷ் கெரி தொப்யாஸ்.

ரொட்னி 4:11

பகவான்கெ ராக்³ திரெஸ். தெனு உக்கு³ர் உன்னொ கெல்லஸ்தக் சீயோன் ஹொல்லெ விஸ்தவ் லுட்சட்யாஸ். தெல்லெ விஸ்தவ் பட்ணமுக் நாஸ் கெரெஸ்.

எசேக்கியேல் 16:41

துரெ கே⁴ர்னுக் அக்னிம் ஜெளன்; ஜுகு பெய்லான் வெதுர் மீ தொகொ நியாவ் ஸார்வொ கெரி தண்டன தொ³வு; தூ அத்தெங்குட் வேசிகன் ஜிவ்னா. துரெ இஷ்டுடுனுக் ஹன்னவ் தீ³ பொ³வ்னா.

எசேக்கியேல் 21:15

அஸ்கினாக் பெதிரி பொடடய்; தெல்லெ பட்டயம் பட்ணமும் ஸேஸ்தெ அஸ்கி மென்க்யானுக் செக்கி மொரடய். செக்கஸ்தக் மெனி கூர் கெர்னி பொட்ரியொ.

எசேக்கியேல் 21:3

பகவான் ஸங்கராஸ்: ஏலா, மீஸ் தும்கொ விரோத்கன் ஸே; மீ மொர் பட்டயம்ஹால் தும்ரெ தேஸு மென்க்யானுக் நாஸ் கெரு; தெனு துஷ்டுடுன்கீ, நீதிமானுன்கீ, மீ தெங்கொ செக்கி மொரடு.

எசேக்கியேல் 22:8

துமி மொர் பரிஸுத்த ஸ்தலமுக் அவி மொகொ பாய்ம் பொட்யானி; விஷ்ராம் தின்னு விதின்தானுக் சல்த கெல்லியானி.

எசேக்கியேல் 23:38

அங்குன் ஜுகு மோஸ்கன் சல்த கெல்லியாஸ்; தெனு மொர் பரிஸுத்த ஸ்தலமுக் அண்டு கெரி மொர் விஷ்ராம் தின்னுக் அவ்மான் கெர்யாஸ்.

ஓசியா 8:14

இஸ்ரயேல்னு அபுல்நுக் உருகெரெ தேவுக் ஹவ்டஸ்தக் கெ⁴டி நீ: அபுல்நுக் மெனி ம:ட்ட மஹால்னுக் பந்தஸ்தெமாம் நிகொகன் ஸே. யூதா தேஸு மென்க்யான் அபுல் பட்ணமு சுட்டுர் ரவுள் பந்தி ப³ந்தோபஸ்து கெல்லஸ்தக் தெ³ஞ்சுகன் ஸே. தெனு கோனக் பந்தெத் மெளி மீ தெங்கொ பட்ணமுனுக் ஜெள்டுகு. தெனு பந்தெ மஹால்னுகின், ரவுளுக் மீ நாஸ் கெரு.

ஆமோஸ் 1:10

தேஹாலிம் தீரு பட்ணமுகெ ரவுளுக் ஹுளொ லவு. தெல்லெ ஹுளொ து³ருகு பட்ணமுனுக் மெளி நாஸ் கெரய்.”

ஆமோஸ் 1:12

தேஹாலிம் தேமான் பட்ணமுக் ஹுளொ லவு. தெல்லெ ஹுளொ போஸ்ரா ரஜாகெ து³ருகு பட்ணமுக் மெளி நாஸ் கெரய்.”

ஆமோஸ் 1:14

தேஹாலிம் மீ ரப்பா பட்ணமு ரஜா ரவுளுக் ஹுளொ லவு. தெல்லெ ஹுளொ து³ருகு பட்ணமுனுக் மெளி நாஸ் கெரய். தெப்பொ தெல்லெ தின்னுநும் யுத்தமுகெ மஹா ம:ட்ட ஸெத்து³கின், ஸுளி வரொஸோன் விரோதினுக் ஹனி லொவ்லரிய ஸெத்து³ அய்காய்.

ஆமோஸ் 1:4

தேஹாலிம் ஆசகேல்கெ ரவுளுக் மீ ஹுளொ லவு. தெல்லெ ஹுளொ பெனாதாத்கெ து³ருகு பட்ணமுக் மெளி நாஸ் கெரய். (2 ரஜா 6:24; 2 ரஜா 8:7-15)

ஆமோஸ் 1:7

தேஹாலிம் காசா ரஜாகெ ரவுளுக் மீ ஹுளொ லவு. தெல்லெ ஹுளொ து³ருகு பட்ணமுனுக் மெளி நாஸ் கெரய்.

ஆமோஸ் 2:2

தேஹாலிம் மோவாபு தேஸுக் ஹுளொ லவு. தெல்லெ ஹுளொ கீரியோத்கெ து³ருகு பட்ணமுக் மெளி நாஸ் கெரய். ஸங்க³நாது புகரிய ஸெத்து³ அய்காய். யுத்தம் ஜுகு ஆக்ரோஷம்கன் சலய். மோவாபியர்னு தெமாம் ஸம்டி மொரன்.

உபாகமம் 32:22

மொர் மென்க்யானு, மொர் ராக்³ அக்னிகன் அவய். பு⁴ஞி பூரா ஜெளி நாஸ் ஹோய். புலோகுகெ பூ³ட் லெங்கு ஹுளொ தெ⁴ரி லகய். அஸ்கி தான்யமுனுக் நாஸ் கெரய். தொங்கர்னுகெ அஸ்திபார் மெளி அக்னிம் ஸிஜ்ஜய்.

எபிரேயர் 12:25

தேஹாலிம் ஜாக்ரதகன் ர:வொ. தேவ் வத்தொ கெரஸ்தவேளு, துமி நிகொகன் அய்குவொ. எல்லெ புலோகுர் சீனாய் தொங்கரும் தேவுகெ வத்தாக் அய்குனாஸ்தெங்கொ தண்டன அப்பெஸ். திஸொ ர:த, அத்தொ பரலோகும்ரீ: வத்தொ கெரரிய தேவுகெ வத்தாக் அமி நிராகரிஞ்செதி அமி கோனக் தண்டனாம்ரீ: சுங்கன் முஸய்.