2 தீமோத்தேயு 1:13 - Saurashtra Bible (BSI)

¹³ தூ ஏசு கிறிஸ்துஜோள் தொவ்ரிய விஸ்வாஸும்கின், ப்ரேவும் கொப்பிம் நிள்சி ரா: திஸோஸ் மொர்ஜோள் அய்கெ சொக்கட் போதனானுக் மெளி துரெ ஜிவ்னமுக் முக்ய விதிகன் தொவ்லெ.

2 தீமோத்தேயு 1:13 ပူးပေါင်းရင်းမြစ်များ

நீதி வத்தான் 23:23

ஸத்யம், ஞான், புத்தி, விவேக் எல்லேஸ் துரெ ஆஸ்தின். தெல்லெ கொப்பிம் துரெஜோள் ர:னொ. நீதி போதனானுக் தூ அலக்ஷ்யம் கெரஹோனா.

நீதி வத்தான் 3:18

ஞானின்கெ ஜிவ்னம் பொள்ளா ஜாட் ஸோன் ஸுபிக்ஷம்கன் ரா:ய்; ஞானுக் ஸொட்டுனாஸ்தக் தெர்லஸ்தெனு பாக்யவானுன்.

நீதி வத்தான் 3:21

மொர் பெடா! ஞானுக்கின் சொக்கட் போதனானுக் கெட்டி தெ⁴ர்லெ; தெல்லெ கொப்பிம் துரெ தொளா வெதுர் ரா:ந்தக்.

நீதி வத்தான் 4:13

தூ ஸிக்கிலியெ புத்திமதினும் தீ⁴ர்குகன் நிள்சி ரா: தெல்லெகொ ஹாத் ஸொட்டுங்கொ; த்யெதானுக் ஜிவஸ்தக் ப்ரயாஸ் போட்; தெல்லேஸ் துரெ ஜீவ்.

நீதி வத்தான் 8:14

ஆலோசன தேஸ்தெனொ மீஸ்; நிஜ்ஜம் ஞான் மீஸ்; புத்திகின் பலம் மீஸ்.

ரோமர் 2:20

ஞான் நீ:ஸ்தெங்கொ போதன கெரராஸ். ஜவ்ணானுக் வத்தியார்கன் ஸே.

ரோமர் 6:17

ஒண்டெ காலும் துமி பாபுக் ப⁴ந்தைத்கன் ர:த, தும்ரெஜோள் ஒப்பிஞ்சி தியெ போதனானுக் களைளி த்யெதானுக் சலஸ்தக் ப்ரேவ் பொட்யாஸ். தெகொகுர்சி மீ தேவுக் தந்யவாத் கெரரியொ.

பிலிப்பியர் 1:27

துமி கிறிஸ்துகெ சொக்கட் ஸமசாருக் தகெதானுக் சொக்கட் குண்ணு மொன்னுகன் ஜிவ்னொ ஸேஸ்தேஸ் முக்யம். மீ தும்கொ அவி ஸியெத் மெளி, மீ அவன் முஸுனாஸ்தக் தும்ரெகுர்சி அய்கினி பொடெத் மெளி, துமி மொன்னு தில்ல ஸுட்டுனாஸ்தக் விஸ்வாஸும் தீ⁴ர்குகன் நிள்சி ர:வொ. ஒண்டே மொன்னுகன் தைர்யம்கன் ஏசுகெ சொக்கட் ஸமசார் அஸ்கினாக் ஸங்குவொ.

பிலிப்பியர் 4:9

துமி மொர்ஜோள் ஸிக்கிலி, களைளி, அய்கினி பொடி, ஸியாஸ்தெ காய்கீ த்யெதானுக் சல்த கெல்லுவொ. தெப்பொ, ஸமதான் தேரிய தேவ் தும்ரெ ஸெங்கொ ரா:ன்.

கொலோசெயர் 1:4

துமி கிறிஸ்து ஏசுஜோள் தொவ்ரிய விஸ்வாஸ்கின், தேவுகெ மென்க்யான்ஜோள் துமி தெக்கடரிய ப்ரேவ் கிஸான்யெ மெனி அமி அய்கினி பொட்யாஸ். பரலோகும் தேவ் தும்கொ தேஞ்ஜாரிய ப³ஹுமானுக் எதுர் ஸீ துமி ஜுகு சொக்கட்யெ கெரராஸ்.

1 தெசலோனிக்கேயர் 5:21

அஸ்கி ஸெர்ககீ மெனி ஸோதன கெரி ஸீ, சொக்கட்யெ கெத்தி³ கள்ளுவொ.

1 தீமோத்தேயு 1:10

துஷ்டுடுன், ஸுபாவுக் விரோத்கன் பாப் கெரஸ்தெனு, மென்க்யானுக் சொரி விக்கஸ்தெனு, சொட்டொ வத்தொ கெரஸ்தெனு, சொட்டொ ஸாக்ஷி ஸங்கஸ்தெனு, நிஜ்ஜம் போதனானுக் விரோத்கன் சலஸ்தெனு, இஸான் தெங்கோஸ் நியாய ப்ரமாண் தெனி பொட்ரியொ.

1 தீமோத்தேயு 1:14

அம்ரெ பகவான் ஏசு கிறிஸ்து மொர்ஜோள் வேன் ப்ரேவ்கன் ஹொதெஹால் மீ விஸ்வாஸும்கின், தேவுகெ ப்ரேவும் ஹொடஸ்தக் தேவ் மொகொ கிருபொ கெர்யாஸ்.

1 தீமோத்தேயு 6:3

கோன்தி அம்ரெ பகவான் ஏசு கிறிஸ்துகெ ஸத்ய வத்தானுக்கின், தேவுகெ போதனானுக் உபதேஸ் கெர்னாஸ்தக் சொட்டொ போதனானுக் கெரெதி,

2 தீமோத்தேயு 1:1

தேவுகெ சித்தம்தானுக் ஏசு கிறிஸ்து தேரிய நித்ய ஜிவ்னமுக் தெ⁴ரெ வாக்குக் அஸ்கினாக் களடஸ்தக் அப்போஸ்தலன்கன் பொவ்னி பொடெ பவுல் ஹொயெ மீ மொர் ப்ரேவ் பெடொ தீமோத்தேயுக் லிக்கரிய லேகு.

2 தீமோத்தேயு 1:14

துரெஜோள் ஒப்பிஞ்சி தீரிய தெல்லெ சொக்கட் போதனானுக் அம்கொ சல்த கெரரிய பரிஸுத்த ஆவிஹால் கபட்ளெ.

2 தீமோத்தேயு 2:2

ஜுகுதெங்காக் மீ கெரெ போதனானுக் தூ அய்கிரெஸ். தூ தெல்லெ போதனானுக் நொம்கெ ஹொயெஸ்தெங்கொஜோள்கின், ஸெர்ககன் போதன கெரன் களையெஸ்தெங்கொஜோள் ஒப்பிஞ்சி தே.

2 தீமோத்தேயு 3:14

தூ ஸிக்கிலியெ ஸத்ய வத்தானும் தீர்குகன் நிள்சி ரா: எல்லெ அஸ்கி தொகொ ஸிக்கடி தியாஸ்தெனு கோன் மெனி தொகொ களாய். (2 தீமோ 1:5)

2 தீமோத்தேயு 4:3

காமெனெதி, ஒண்டெ தின்னு அவய். தெப்பொ மென்க்யான் சொக்கட் போதனானுக் அய்கஸ்தக் ப்ரேவ் பொட்னான். தெங்கொ கானுக் சொக்கட் லகரிய போதனானுக் வெக்கி, தெங்கொ மொன்னு ஒப்பயெதானுக் போதன கெரரிய போதகர்னுக் செர்சுலன்.

தீத்து 1:9

சொக்கட் போதனானுக் ஸிக்கட்டுனொ; தர்க்கம் கெரஸ்தெங்கொ ஜவாப் தேன் களை ர:னொ. தெனு ஸிக்கிலியெ வேது வத்தான்தானுக் கொப்பிம் சல்த கெல்லுனொ. (1 தீமோ 3:2-7)

தீத்து 2:1

தூகீ சொக்கட் போதனானுக் ஸிக்கடி தே. (1 தீமோ 6:11; 2 தீமோ 3:14)

தீத்து 2:8

வேது வத்தான்தானுக் கண்ணியம்கன் தூ போதன கேர். துரெ வத்தானுக் கொன்னின் சூக் ஸங்கன் முஸுனாஸ்ததானுக் ர:னொ. தெப்பொ விரோதின் அம்கொ சூக் ஸங்கன் முஸுனாஸ்ததானுக் லாஜ் பொடன்.

எபிரேயர் 10:23

அம்கொ வாக்கு தியாஸ்தெனு நொம்கெ ஹொயாஸ்தெனு. தேஹாலிம் அவ்த காலுகுர்சி அமி அஸ்கினாஜோள் ஸங்கரிய அம்ரெ நொம்கெம் அமி தீ⁴ர்குகன் நிள்சி ர:னொ.

எபிரேயர் 3:6

ஹொயெதி, கிறிஸ்து தேவுகெ பெடொ மெனரிய ரீதிம் தெங்கொ அஸ்கி அதிகார் ஸே. அவ்த காலும் அம்கொ அப்பரிய ஸொந்தோஷுக் ஹவ்டி அமி தைர்யம்கன் விஸ்வாஸும் நிள்சி ரி:யெதி அமி தேவுகெ மென்க்யான்கன் ரா:ன்.

எபிரேயர் 4:14

அகாஸுனுக் தடி பரலோகுக் ஜியெ தேவுகெ பெடொ ஏசு அம்கொ மஹா ப்ரதான ப⁴ட்டர்கன் ஸே. தேஹாலிம் அமி தக்குனாஸ்தக் விஸ்வாஸும் நிள்சி ர:னொ.

யூதா 1:3

ப்ரேவ் பொரெஸ்தென்வோ, அம்கொ அஸ்கினாக் தேவ் கோனக் ரக்ஷண் கெர்யாஸ் மெனி லிக்கஸ்தக் மீ ஜுகு ஆஸெகன் ஹொதெஸ். ஹொயெதி தேவுகெ மென்க்யான்ஜோள் அஸ்கினாகுர்சி ஒண்டே காலும் ஒப்பிஞ்சி தியெ விஸ்வாஸும் துமி தைர்யம்கன் கொப்பிம் நிள்சி ர:னொ மெனி தும்கொ உற்சாவ் கெரஸ்தக் எல்லெ லேக் லிக்கிரியொ.

தர்ஸன புஸ்தவ் 2:25

எல்லெ ஜத, துஸ்ர பா⁴ர் தும்ரெ ஹொல்லெ மீ தொவ்னா.

தர்ஸன புஸ்தவ் 3:11

ஏலா, மீ ஸெணம் அவரியொ. துரெ க்ரீடுக் துஸ்ரதெனு கள்ளுனாஸ்ததானுக் தூ ஜாக்ரதகன் ரா: (தர்ஸன 1:3; 2:2,5,10)

தர்ஸன புஸ்தவ் 3:3

தூ கெரெ பாபுனுக் ஹவ்டி விசார் பொட்னொ. தூ தேவுகெ வத்தானுக் அய்கி ஸிக்கிலியெதானுக் ஜிவ்னொ; திஸனி தூ ஜிவ்னா ஜியெதி, மீ சொட்டொஸோன் ரி:யெவந்நு அவு. மீ கொ²ப்பொ³ அவு மெனஸ்த தொகொ களானா.