1 தீமோத்தேயு 3:3 - Saurashtra Bible (BSI)

³ போத பனி பேஸ்தெ, ரகளெ கெரஸ்தெ, ஜெடொ மல்லஸ்த ரா:ஹோனா. ஹன்னவு ஆஸெ ரா:ஹோனா. ராக்³ பொட்னாஸ்தக் ஸாந்தம்கன் ர:னொ.

1 தீமோத்தேயு 3:3 ပူးပေါင်းရင်းမြစ်များ

நீதி வத்தான் 1:19

அநீதிகன் ஆஸ்தினுக் ஸம்பாத்யம் கெர்யாஸ்தெனு மெளி இஸோஸ் மொரன்; தெல்லெ ஆஸ்தி தெங்கொ ஜீவுக் ஹெடய். (நீதி 15:27; 1 தீமோ 6:10)

நீதி வத்தான் 15:27

அந்யாவ்கன் ஹன்னவ் செர்சஸ்தெனொ அபுல் குடும்பமுக் ஹீன் அவட்லரெஸ். லஞ்ஜம் க²ட்னாஸ்தெனொ அபுல் ஜீவுக் கபட்ளரெஸ்.

பிரஸங்கி 7:8

ஹர்ம்பம் கெரஸ்த ம:ட்ட நா: முஸடஸ்தேஸ் முக்யம். ம:ட்டபோன்கன் ரா:ஸ்த ஸொம்மர் நிதான்கன் ரா:ஸ்தேஸ் சொக்கட்.

ஏசாயா 28:1

ஐயோ! சமாரியா தேஸ் நாஸ் ஹொயெஸ்! ரஜாகெ க்ரீடு க²ல்லெ பொடெஸ்; ஸுக்கெ பூ²ல்ஸோன் தெங்கொ ரஜாகெ ஸிங்கார் வடி ஜேட்ரியொ; வஸ்னா தேல் லவ்லி கம்பீருகன் ஹொதெ அதிபதின் அத்தொ போதபனி பீதி கா²ல் பொட்ரியாஸ்.

ஏசாயா 28:7

ப⁴ட்டர்னுகின் தீர்கதரிஸின் போதபனி பீதி துளராஸ்; அம்பட் திராட்செ ரெஸ்ஸு பீதி ஹிண்டராஸ். தெனு லெ:க்க நீ:ஸ்தக் பீதி ஸ்வரண நீ:ஸ்தக் கா²ல் பொட்ரியாஸ். அபுல்நுக் தேவ் தேஞ்ஜாரிய தண்டனானுக் தர்ஸனாம் ஸீதி பெதிரி பொடராஸ். நீதிகன் நியாவ் ஸார்வொ கெரன் முஸுனாஸ்தக் அல்லடராஸ்.

எரேமியா 6:13

காமெனெதி ந:ன்னான் ரீ: ம:ட்டான் லெங்கு அஸ்கினாக் ஹன்னவு ஆஸெ வேன் ஸே; தீர்கதரிஸின்ரீ: ப⁴ட்டர்னு லெங்கு அஸ்கின் சொட்டான்கன் ஸே.

எரேமியா 8:10

தேஹாலிம் தெங்கொ ஆஸ்தினுக் மீ துஸ்ரதெங்காக் தொ³வு; தெங்கொ பெய்லானுக் துஸ்ரதெனு தொவ்லன்; ந:ன்னான்ரீ: ம:ட்டான் லெங்கு அஸ்கினாக் ஹன்னவு ஆஸெ வேன் ஸே; தீர்கதரிஸின்ரீ: ப⁴ட்டர்னு லெங்கு அஸ்கின் சொட்டொ வத்தான் கெரராஸ்.

எசேக்கியேல் 44:21

த⁴வ்ரா பிஸ்தர் பொஷணுக் ஜாஸ்தவேளு ப⁴ட்டர்னு திராட்செ ரெஸ்ஸு பேஹோனா.

லேவியராகமம் 10:9

“தூகின் துரெ பெடான் மொர்னா ர:னொ மெனெதி துமி பரிஸுத்த டேரா பிஸ்தர் ஜாஸ்தவேளு அம்பட் திராட்செ ரெஸ்ஸுக்தீ, போத பனிக்தீ பீதி ஜாஹோனா. துமி தோ²ர் தோ²ர்னுகன் எல்லெ நியதிதானுக் சல்த கெல்லுனொ.

மீகா 2:11

ஹொயெதி திராட்செ ரெஸ்ஸுகின், போத பனி தும்ரெ தேஸும் வேன் அப்பய் மெனி நீ:ஸ்த வத்தானுக்கின், சொட்டொ வத்தானுக் ஸங்கி ஹொங்கடஸ்தெனோஸ் தும்கொ ஒப்பயெ தீர்கதரிஸி.

மீகா 3:11

தெல்லெ பட்ணமு அதிபதின் லஞ்ஜம் க²டராஸ். தீர்கதரிஸின் ஹன்னவ் கள்ளி தேவுகெ வத்தானுக் ஸங்கராஸ். ஹொயெதி தெனு, “அமி பகவானுக், நொம்மி ஜிவராஸ்; பகவான் அம்ரெ ம:ஜார் ஸே; தேஹாலிம் அம்கொ கொன்னி ஹீன் அவ்னா” மெனி ம:ட்டபோன்கன் மெல்லராஸ்.

மீகா 3:5

மென்க்யானுக் ஹொங்கடரிய தீர்கதரிஸினுக் ஸீ பகவான் ஸங்கராஸ். துமி மொர் மென்க்யானுக் அத்தி³குனொ வாடும் சல்த கெரராஸ். தும்கொ த்ருப்திகன் காஸ்தக் தியெ தனவான்னுக் ஸீ, “தும்கொ ஸமதான்” மெனி ஸெத்து³கன் ஸங்கராஸ். கொன்னி நீ:ஸ்த துர்பள்னுக் ஸீ, “துமி யுத்தமும் ஸம்டி மொரன்” மெனி ஸாபன தேராஸ்.

மல்கியா 1:10

மொர் பலி பீடமும் கொன்னின் பலி தேனாஸ்ததானுக் மொர் த⁴வ்ராகெ கவாடுக் கோன்தி ஜ²கி தொவெதி கித்ககி சொக்கட்கன் ரா:ய்; தும்கொ ஹவ்டி மொர் மொன்னு ருவ்வொ மெளி ஸொந்தோஷ் பொடரெனி. துமி தேரிய தட்சணானுக் மீ கள்ளுனா மெனி ஸர்வ ஸக்தி பகவான் ஸங்கராஸ்.

மத்தேயு 21:13

ஏசு தெங்கொஜோள், “மொர் கே⁴ர் அஸ்கி மென்க்யான் ப்ரார்தன கெரரிய த⁴வ்ரொகன் ரா:ய்" மெனி வேதும் லிக்கி ஸே. துமிகீ தெல்லெ கே⁴ருக் சொட்டான் காப் ஸேஸ்தெ தாம்கன் மர்சிதியாஸ்" மெனி ஸங்க்யாஸ். (ஏசா 56:7)

அப்போஸ்தலர் 20:33

கொங்கினாகெ ஸொந்நாக்தீ, ருப்பாக்தீ, வஸ்தருக்தீ மீ கள்ளுனொ மெனி ஹவ்டெனி.

ரோமர் 16:18

காமெனெதி தெனு அம்ரெ பகவான் ஏசு கிறிஸ்துக் மெனி காம் கெர்னாஸ்தக் அபுல் போடுகுர்சீஸ் காம் கெரராஸ். தெனு குள்ளெ வத்தொகின், ஸிங்கார் வத்தொ கெரி கபட் நீ:ஸ்த மென்க்யானுக் ஹொங்கடராஸ்.

எபேசியர் 5:18

போத பனி பீதி தும்ரெ ஜித்ரபுக் நாஸ் கெல்லுங்கன். பரிஸுத்த ஆவிகெ ஸக்தி தும்கொ சல்த கெரந்தக்.

1 தெசலோனிக்கேயர் 5:14

அங்குன், மொர் பை⁴ பெ⁴ய்னானு, அமி தும்கொ போதன கெரராஸ்தெ எல்லேஸ்: கெண்டல்பொந்தினுக் புத்தி ஸங்குவொ. மொன்னு தில்ல ஸுட்டெஸ்தெங்கொ தைர்யம் ஸங்குவொ. பலஹீனனுக் ஹேது கெருவொ. அஸ்கினாக் ஒர்சிலி ர:வொ.

1 தீமோத்தேயு 3:8

திஸோஸ் உபபோதகர் மெளி கண்ணியம்கன் சல்த கெல்லி, சொட்டொ வத்தொ கெர்னாஸ்தக், போத பனி பேனாஸ்தக், ஹன்னவு ஆஸெ நீஸ்தக் ர:னொ.

2 தீமோத்தேயு 3:2

மென்க்யான் லோபின்கன், லுப்டா³ன்கன், ஹகம் பொடஸ்தெனுகன், ம:ட்டபோன் ஸேஸ்தெனுகன், தூஷனவாதின்கன், மாய் பா³புக் அண்குனாஸ்தெனுகன், விஸ்வாஸ் நீ:ஸ்தெனுகன், பரிஸுத்தம் நீ:ஸ்தெனுகன்,

தீத்து 1:11

தெங்கொ தோணுக் அண்சுனொ. நியாவ் நீ:ஸ்த காமும் அப்பரிய உச்லாவ்குர்சி ஹோனாஸ்தயெ போதன கெரி குடும்பமுக் ஹுடொ க⁴லராஸ்.

தீத்து 1:7

ஸபா போதகர்னு தேவுக் ஸேவொ கெரரியஹால் அஸ்கினாஜோள் தெங்கொ சொக்கட் நாவ் ர:னொ. தெனு ம:ட்டபோன் நீ:ஸ்தக், ராக்³ பொட்னாஸ்தக், போத பனி பேனாஸ்தக், ஜெடொ மல்லுனாஸ்தக், ஹன்னவு ஆஸெ நீ:ஸ்தக் ர:னொ.

தீத்து 2:3

திஸோஸ் ஒர்ஸு ஹொயெ அம்மான் மெளி பரிஸுத்தம்கன் ஜிவ்னொ; துஸ்ர மென்க்யானுகுர்சி பஸ்கட் வத்தொ கெர்னாஸ்தக், போத பனி பேனாஸ்தக் ர:னொ மெனி தூ தெங்கொ புத்தி ஸங்கி.

தீத்து 3:2

தெனு கொங்கினாக் தூஷன கெரஹோனா. ஜெடொ மல்லுனாஸ்தக் அஸ்கிதெக ஒர்சிலி அபுல் ஸாந்த குண்ணுக் அஸ்கினாக் களட்னொ.

எபிரேயர் 13:5

ஹன்னவு ஆஸெ நீ:ஸ்தக் ஜிவொ. தும்கொ ஸேஸ்தெ புஜ்ஜய் மெனி ஹவ்டுவொ. காமெனெதி “மீ கொப்பிம் தொகொ ஹாத் ஸொட்னா. தொகொ ஸொட்டி ஜானா’’ மெனி தேவூஸ் ஸங்கிரியாஸ். (உபா 31:6; யோசு 1:5)

யாக்கோபு 4:1

தும்ராம் ஜெடொகின், தர்க்கம் அவஸ்தக் காரண காயொ? தும்ரெ ஸரீரும் ஜெடொ தகரிய அல்ப ஆஸெஹாலுஸ்னா?

1 பேதுரு 5:2

தும்ரெ ஸபா மென்க்யானுக் சொக்கட் கம்சி ஸீலுவொ. தேவுக் ஒப்பயெதானுக் சல்த கெல்லுவொ. ஆதாயமுகுர்சி தேவுக் ஸேவொ கெர்னாஸ்தக் மொன்னுஜந்த உற்சாவ்கன் ஸேவொ கெருவொ.

2 பேதுரு 2:3

தெனு வேன் ஹன்னவு ஆஸெ ஸேஸ்தெனு. தந்துர்கன் வத்தொ கெரி தும்ரெஜோள்ரீ: ஹன்னவ் உத்கன். தேவ் தெங்கொ தண்டன தேஸ்தக் ஜுகு ஒர்ஸு முல்லோஸ் தீர்மான் கெர்திகியாஸ். தேவ் தெங்கொ தண்டன தீ³ஸ் திரன்.

யூதா 1:11

ஐயோ! எனு நாஸ் ஹோன். காயீன் ஜியெ வாடும் எனு மெளி ஜாராஸ். ஆதாயம் அப்பய் மெனி எனு பிலேயாம்ஸோன் தைர்யம்கன் பாப் கெரராஸ். மோசேக் விரோத்கன் கோரா ரகளெ கெரெஸோன் எனு மெளி ரகளெ கெரி நாஸ் ஹொயாஸ். (ஆதி 4:3-8; ஸங்க் 22:1-35; 16:1-35; 31:16)

தர்ஸன புஸ்தவ் 1:9

தும்ரெ பை⁴ யோவான்கின், ஏசு கிறிஸ்துகெ ஐக்யமும் ஜிவரிய மீ, மொகொ அவரிய ஹிம்ஸானுக் ஸகிஞ்சுலரியஸோன் துமி மெளி தும்கொ அவரிய ஹிம்ஸானுக் ஸகிஞ்சுலராஸ். அமி அஸ்கின் தேவுகெ ராஜ்யமுக் பாத்யம். தேவுகெ ஸமசாருக்கின், ஏசு கிறிஸ்துகெ ஸத்ய வத்தானுக் ஸங்கெஹால் மீ பத்மு தீவுகெ ராணும் ர:னொ பொடெஸ்.

1 சாமுயேல் 8:3

சாமுயேல்ஸோன் தெனு நீதிகன் சல்த கெல்லியானி. தெனு லஞ்ஜம் க²ட்யாஸ். ஹன்னவுக் ஆஸெ பொடி நீதிகன் நியாவ் ஸார்வொ கெர்யானி.