1 தெசலோனிக்கேயர் 4:16 - Saurashtra Bible (BSI)

¹⁶ தேவ் உத்தர் தகன்; ப்ரதான தூதுகெ தண்டோரா ஸெத்து³ அய்காய்; தூதுன் ஸங்க³நாதுக் புகன். தெப்பொ பகவான் அகாஸும்ரீ: ஹுத்திரி அவன். கிறிஸ்துக் விஸ்வாஸ் கெரி மொர்யாஸ்தெனு முல்லொகன் ஜீவ் ஸெந்தொ ஹுடன்.

1 தெசலோனிக்கேயர் 4:16 ပူးပေါင်းရင်းမြစ်များ

ஸங்கீதுன் 47:1

அஸ்கி தேஸு மென்க்யானு! ஸொந்தோஷ்கன் ஹாத் தெட்டுவொ; ஸெத்து³கன் கீத் கவி தேவுக் ஸ்துதி கெருவொ.

ஸங்கீதுன் 47:5

தேவ் ஸிங்காஸனமும் பிஸிரியாஸ்; தேட் ஸொந்தோஷுகெ ஸெத்து³கின் ஸங்க³நாதுகெ ஸெத்து³ அய்காரெஸ்.

யாத்ராகமம் 19:16

திஸோஸ் தி²ன்வந்தி பல்திபார் ஸுரித் அவ்னா முல்லோஸ் பிடுகு ஸெத்து³ ஜுகு பயங்கரம்கன் அய்கயெஸ். சபல்னு செதுரெஸ். தொங்கர் பூரா கள மேக்ஹால் ஜ²கயெஸ். ஸங்க³நாதுக் கெட்டி ஸெத்து³கன் பு²வ்யாஸ். அஸ்கி மென்க்யான் ஜுகு தக்கி ஒண்க்யாஸ்.

யாத்ராகமம் 20:18

பகவான் எல்லெ வத்தானுக் ஸங்கிலேத் ர:த, மென்க்யான் பிடுகு ஸெத்து³க்கின், சபல்னுக்கின், ஸங்க³நாது ஸெத்து³க்கின், தொங்கரும்ரீ: அவரிய தூ⁴முக் ஸீதி தக்கி துதூர் ஜேட்யாஸ்.

ஏசாயா 27:13

தெல்லெ தின்னும் இஸ்ரயேல்னுக் பொ³வஸ்தக் ஒண்டெ ம:ட்ட ஸங்க³நாதுக் புகன்; தெப்பொ அசீரியாம்கின் எகிப்தும் ஜிவரிய இஸ்ரயேல்னு பிரி அவன்; தெனு எருசலேமுகெ பரிஸுத்த தொங்கரும் அபுல் பகவானுக் பாய்ம் பொடன்.

யோயேல் 2:11

பகவான் அபுல் யுத்த வீருடுனுக் ஸெத்து³கன் பொவராஸ். தெங்கொ ராணுவ கு³ம்பு ஜுகு ம:ட்டயெ. பகவான் வாக்கு தியெதானுக் கெரஸ்தெனு. பகவான் நியாவ் ஸார்வொ கெரஞ்ஜாரிய தின்னு மஹா பயங்கரம்கன் ரா:ய். கொன்னின் தெல்லெ தின்னுக் அட்டம் கெரன் முஸுனா.

சகரியா 4:7

செருபாபேலு, ம:ட்ட தொங்கர்ஸோன் ஸேஸ்தெ அட்ட³முன் தெக்கானா ஜேடய். தூ பீர் மொர் த⁴வ்ராக் ஸிங்கார்கன் பந்தய். தெல்லெ ஸீ, “ஜுகு ஸிங்கார் ஸே.” “ஜுகு ஸிங்கார் ஸே.” தேவ் தொகொ ஆஸீர்வாத் கெரந்தக் மெனி ஸொந்தோஷ்கன் அஸ்கின் ரெச்ச தகன்” மெனி ஸங்க்யாஸ். (ஏசா 40:4)

சகரியா 9:14

தெப்பொ தேவுகெ மென்க்யான் அபுலுக் கபடரிய பகவான்கெ க்ரியானுக் ஸான். தேவுகெ பா³ண் சபல்ஸோன் பி³ஸ்ஸ ஜாய். அம்ரெ தேவ் பகவான் ஸங்க³நாது புகி அபுல் விரோதினுக் பொவன். தெனு தக்ஷிண் திக்குகெ ஸுளி வராம் தெங்கொ ஜெகிஞ்சன்.

சகரியா 9:9

பெ³டி சீயோனு! ஸொந்தோஷ்கன் ரா: எருசலேமு! ஸொந்தோஷும் ஸெத்து³ மாட். ஏலா, துரெ ரஜொ தொகொ வெக்கிலி அவராஸ். தெனு நீதி ஸேஸ்தெனு. கபடஸ்தெனு. ம:ட்டபோன் நீ:ஸ்தெனு; கெ⁴தட் ஹொல்லெகின், கெ⁴தடு பில்லொ ஹொல்லெ பிஸிலி அவஸ்தெனு. (மத் 21:5; யோவா 12:14-15)

ஸங்க்²யாகமம் 23:21

தேவ் பகவான் இஸ்ரயேல்னு ஸெந்தொ ஸே. தெனூஸ் தெங்கொ ரஜொகன் ஸே. தேஹாலிம் தெல்லெ மென்க்யான் ரஜான்ஸோன் கம்பீருகன் ரா:ன். யாக்கோபுக் கொன்னி ஹீன் அவ்னா. இஸ்ரயேல் கொப்பிம் து³க்கு பொட்னா.

மத்தேயு 16:27

மெனிகு பெடொ அபுல் பா³புகெ மஹிமெ ஸெந்தொகின், அபுல் தேவு தூதுன் ஸெந்தொ நியாவ் ஸார்வொ கெரஸ்தக் அவன். தெப்பொ தென்தெனு கெரெ க்ரியானுக் தகெதானுக் ப²லன் அப்பய். (ஸங் 62:12)

மத்தேயு 16:28

மெனிகு பெடொ ரஜொகன் அவஸ்த தெக்குனா முல்லொ ஏட் ஸேஸ்தெ தெவ்டதெனு மொர்னான்" மெனி தீ⁴ர்குகன் மீ தும்கொ ஸங்கரியொ. (யோவா 8:52; எபி 2:9)

மத்தேயு 25:31

“மெனிகு பெடொ பீர் அவன். தெனு மஹிமெகன் தேவு தூதுன் ஸெந்தொ அவன். தெனு மஹிமெ பொரெ ஸிங்காஸனமும் ரஜொகன் பி³ஸி ரா:ன்.

மத்தேயு 26:64

தெல்லெகொ ஏசு, “ஹாய், துமி ஸங்கராஸ்தெ ஸெர்கோஸ். ஸர்வ ஸக்தி ஸேஸ்தெ தேவுகெ ஜெய்னா ஹாத் பொங்குட் மெனிகு பெடொ பிஸிரியாஸ்தெ துமி தெக்கன். தெனு மேகும் அவராஸ்தெ மெளி துமி ஸெணம் தெக்கன்" மெனி ஸங்க்யாஸ். (தானி 7:13; ஸங் 110:1)

அப்போஸ்தலர் 1:11

‘கலிலேயர்னு, துமி ககொ அகாஸுக் ஸிலேத் ஸேஸ்தெ? தும்ரெஜோள்ரீ: பரலோகுக் கள்ளினி பொடெ எல்லெ ஏசு கோனக் தும்ரெ தொளான் வெதுர் கள்ளினி பொட்யாஸ்கி, திஸோஸ் தெனு பீர் அவன்’’ மெனி ஸங்க்யாஸ்.

1 கொரிந்தியர் 15:18

கிறிஸ்துக் விஸ்வாஸ் கெரி மொர்யாஸ்தெனு மெளி நாஸ் ஹொயி ஜேட்ரா:ன்.

1 கொரிந்தியர் 15:20

ஹொயெதி, கிறிஸ்து மொரனும்ரீ: ஜீவ் ஸெந்தொ ஹுடட்னி பொட்யாஸ். தெனு முல்லொ ஜீவ் ஸெந்தொ ஹுடட்னி பொடெஹால் மொர்யாஸ்தெனு அஸ்கின் ஜீவ் ஸெந்தொ ஹுடட்னி பொடன் மெனி தீ⁴ர்குகன் களாரெஸ்.

1 கொரிந்தியர் 15:23

ந்யமுன் கெரெ ரீதிதானுக் அஸ்கின் ஜீவ் ஸெந்தொ ஹுடன். கிறிஸ்து முல்லொகன் ஜீவ் ஸெந்தொ ஹுடட்னி பொட்யாஸ். திஸோஸ் கிறிஸ்து பீர் அவஸ்தவேளு தெங்கொ நொம்யாஸ்தெனு அஸ்கின் ஜீவ் ஸெந்தொ ஹுடன்.

1 தெசலோனிக்கேயர் 1:10

பரலோகும்ரீ: தேவுகெ பெடொ ஏசு கொப்பொ பீர் அவன் மெனி துமி எதுர் ஸீ ர:கிலேத் ஸே. ஸிலுவாம் மொரெ ஏசுக் தேவ் ஜீவ் ஸெந்தொ ஹுடட்யாஸ். தேவ் அம்கொ நியாவ் ஸார்வொ கெரஞ்ஜாரிய தின்னும் ஏசுஸ் அம்கொ கபடஸ்தக் ஸக்தி ஸேஸ்தெனு மெனி துமி ஸங்கெ ஸமசாருக் தெனு மெளி ஸங்க்யாஸ்.

1 தெசலோனிக்கேயர் 3:11

அமி தும்கொ அவி ஸாஸ்தக் அம்ரெ பா³ப் தேவ்கின், அம்ரெ பகவான் ஏசு ஹேது கெரந்தக்.

2 தெசலோனிக்கேயர் 1:7

அம்ரெ பகவான் ஏசு பீர் அவஞ்ஜாரிய தின்னும் இஸனி சலய்.

2 தெசலோனிக்கேயர் 2:1

மொர் பை⁴ பெ⁴ய்னானு, அம்ரெ பகவான் ஏசு கிறிஸ்து பீர் அவஞ்ஜாரிய தின்னுகுர்சி மீ தும்ரெஜோள் தெவ்ட கார்யம் ஸங்குனொ மெனி ஹவ்டரியொ. அமி தெங்கொ கோனக் தெக்கன் மெனி மெளி தும்ரெஜோள் ஸங்குனொ.

2 பேதுரு 3:10

பகவான் அவஞ்ஜாரிய தின்னும் அவீஸ் திரன். பகவான்கெ தின்னு சொட்டொ அவரியஸோன் ரி:யெவந்நு அவய். தெப்பொ அகாஸும் பயங்கர ஸெத்து³ அய்காய். அகாஸுன் தெக்கானா ஜேடய். பஞ்ச பூதமுன் அக்னிம் ஸிஜ்ஜி நாஸ் ஹோய். பு⁴ஞிகின், பு⁴ஞிர் மென்க்யானுகெ க்ரியான் பூரா அஸ்கினாக் களாய்.

யூதா 1:9

ப்ரதான தேவு தூது மிகாயேல் மெளி இஸனி சல்த கெல்லியெனி. தெனொ மோசேகெ ஸரீருகுர்சி பிஸாஸுஜோள் தர்க்கம் கெரெவேளு, தெனொ தெகொ தூஷன கெர்னாஸ்தக், ‘தேவ் தொகொ தண்டன தேன்’ மெனி ஸங்கெஸ். (உபா 34:6; தானி 10:13,21; 12:1; சக 3:2)

தர்ஸன புஸ்தவ் 1:10

ஒண்டெதி அய்தவார் தேவுகெ ஆவி மொர் ஹொல்லெ அவெஸ். தெப்பொ மொர் பஸ்கட் ஒண்டெ ம:ட்ட ஸங்க³நாது ஸெத்து³ அய்கயெஸ்.

தர்ஸன புஸ்தவ் 1:7

ஏலா, தெனு மேகுன் ஹொல்லெ அவராஸ். அஸ்கின் தெங்கொ தெக்கன். தெங்கொ குஸ்க்யாஸ்தெனு மெளி தெங்கொ தெக்கன். பு⁴ஞிர் ஜிவரிய அஸ்கி கோத்ருன் தெங்கொ தெக்கி ஒப்பாரி தொவி ரொடன். ஹாய்! எல்லெ நிஜ்ஜம்கன் சலய். ஆமென். (தானி 7:13; சக 12:10-14)

தர்ஸன புஸ்தவ் 14:13

பல்சொ, பரலோகும்ரீ: அவெ ஒண்டெ ஸெத்து³க் அய்கெஸ். தெல்லெ ஸெத்து³, “பகவானுக் ஸேவொ கெரி மொர்யாஸ்தெனு அத்தெங்குட் பாக்யவானுன் மெனி லிக்கி’’ மெனி ஸங்கெஸ். தெல்லெகொ பரிஸுத்த ஆவி, “ஹாய், தெனு பொந்தெ ஹிம்ஸானும்ரீ: ஸொடுவி பொந்தி விஷ்ராம்கன் ரா:ன். தெனு கெரெ சொக்கட் க்ரியான் தெங்கொ ஸெந்தொ அவய்’’ மெனி ஸங்க்யாஸ்.

தர்ஸன புஸ்தவ் 8:13

பல்சொ மீ தெக்கெ தர்ஸனாம், உஞ்சொ ஹபாளும் ஹுடிலேத் ஹொதெ ஒண்டெ திஸ்ளொ கெட்டி ஸெத்து³கன், “அங்குன் தீ²ன் தேவு தூதுன் ஸங்க³நாது புகஞ்ஜாராஸ். தேஹாலிம் பு⁴ஞிர் ஜிவஸ்தெங்கொ ஐயோ! ஐயோ! ஐயோ! ஆபத்து மெனி ரெச்ச தகெஸ்தெ அய்கெஸ்.

தர்ஸன புஸ்தவ் 8:2

பல்சொ, தேவுகெ ஸந்நிதிம் ஹிப்பிரிய ஸாத் தேவு தூதுனுக் தெக்கெஸ். தெங்கொ ஹாதும் ஸாத் ஸங்க³நாது தெனி பொடெஸ்.