Yuda 1:20 - Samburu

²⁰ Kake kore ntae lacham lainien, entechetu ate te inia kurukoto inchi sinyati naisul pooki, iomonmon to utaroto e Ltau Sinyati.

Yuda 1:20 ပူးပေါင်းရင်းမြစ်များ

Asat 15:9

Naa kore tekue Nkai, meatae ntoki nagel iyioo o ninche amu keitisinya ltauja lenche to nkurukoto.

Asat 26:18

tobolo nkonyek enche nichuku taatua naimin apik atua wong'an. Impung'unyie taatua nkitoria e Chitani achukoki Nkai, netum mpalikinoto ee ng'ok o mpaach enche taatua lolo ooitisinyaki tankaraki naairuko nanu.>

Asat 6:7

Nebulaa rerei le Nkai oleng, nesioki lturrur loo looiteng'eni aaponunye te Yerusalem, neibung ꞉laitainok kumo la lasar inia kurukoto.

Asat 9:31

Kore apa inia kata, keata nkanisa seriani ta mbata e Yudea o ne Galilaya o ne Samaria pooki. Nelo kue ebulu to uriata e Laitoriani eitogol neitarriyian ꞉Ltau Sinyati, neaku ltung'ana kumo.

Rroman 15:2

Meatae lobo lang lemeyiere neiting'id likae eitaas supat payie erreten ninye.

Rroman 8:15

Neitu itumtum Ltau le rrindikicho eji paa intokiki aawueni to ngureticho, kake itumo Ltau oicho ntae sipat niakunyienyie nkera e Nkai. Kore te ninye nikibuak aajo, <>

1 Lkorinto 1:8

Keitogol sii ninye ntae entachoto katukul to nkurukoto metabaki nkiting'oto, payie iakuku ltung'ana lemeata nakurrieki ta Mparri e Laitoriani lang Yeso Kristo.

1 Lkorinto 10:23

Keidim lobo lang nejo, <> Ee nejia etiu, kake mara ntoki pooki naas naaret. Neidim sii aitoki nejo, <> Ee, kake mara pooki naitogol lkulie.

1 Lkorinto 14:15

Naaku kaa sa aas? Kaicho Ltau Sinyati maatirikoi to nkomono, naomon sii taa mparrunot ainien. Naicho maatirikoi ta ranyare, narany sii taa mparrunot ainien.

1 Lkorinto 14:26

Nyo dei ajoito, lalachera o nkanachera ainien? Kore tinitumomo aasai Nkai, enchoo metaa keata lobo linchi sinkolio neata likae nkiteng'ena neata likae mbaa naaibalakinyie ꞉Nkai. Ninchocho meiroro likae nkutuk naidimie ꞉Ltau Sinyati, nelimu likae nejo inia kutuk naidimie ꞉Ltau Sinyati. Entaas inia pooki payie eitogoli nkanisa.

Lgalatia 4:6

Naa kore amu ikira nkera e Nkai, eterewua ꞉Nkai Ltau le Nkerai enye atua ltauja lang, eichir ajo, <>

Epeso 4:12

payie erreteni sinyat meisiayia Nkai, neitubulu sesen le Kristo,

Epeso 4:16

Laa te ninye ebulu sesen pooki te nchaman, nerubi neibung'a tenebo netum rubat pooki inia nayieu aimu mpit naaibung'uta. Nemeata rubata nemeas siaai enye ana naichooki metaasa.

Epeso 4:29

Emiimunyie rereii lemeichiaakino nkutukie inchi, kake eroro nenia baa supati naareticho, neichiaakino te inia kata, payie eret lolo ooning.

Epeso 6:18

Entoomon nkata pooki to nkomono inchi pooki, eutaa ntae Ltau Sinyati. Nirripichocho ing'iriri katukul payie itumtum aatoomonoki sinyat nkatitin pooki,

Lkolosae 2:7

ninchocho metaa ninye nkitamanyunoto naunie neitubulunyie ntae Nkai. Entacho taatua nkurukoto ang, ana naiteng'enaki ntae nimipalpal inchocho Nkai nache.

1 Ltesalonike 5:11

Naaku entaarriyianata, nintogololo ltauja ana ninkunitata.

1 Timoti 1:4

anaa ejing atua natinin o mbaa naaipirita lmakui nemeata nkiting'oto. Kore nenia atinin o nenia baa, naa keyau nkipara nemeata tipat, alang teneyau nkiteng'ena e Nkai nayielouni to nkurukoto.

2 Timoti 1:5

Kaparru inia kurukoto ino nadede nikitii atua, natii apa atua nkoko lino Lois o ng'utunyi Yunis, naata taata sipata nchere ikitamanya atua iyie.

Tito 1:1

Kore ana palai naa keing'uaa Paulo laisiaayiani le Nkai nera sii lkipaaret le Yeso Kristo. Kaaterewuaki payie aretu loogeluno le Nkai metubulu to nkurukoto neyielou ndedei, amu keiteng'en inia dedei meturia Nkai.

Yakobo 2:22

Keibala ajo kore apa nkurukoto e Abraam o asat enyena naa kepuo tenebo, naa kore asat enyena neicho nkurukoto enye meisula.

2 Petero 1:1

Kore ana palai naa keing'uaa Simon Petero, oara laisiaayiani o Lkipaaret le Yeso Kristo. Kairoroki ntae lolo oichoo ꞉Nkai meiruko ana mbae e tipat aajo, kore Nkai ang nara Laitejeunoni Yeso Kristo naa loosipat, ana ake taata nikiruk.

1 Yoana 5:4

Kore ntoki pooki naino ta Nkai naa kemir mbaa e nkop. Naa kore ntoki namir nkop, naa nkurukoto ang.

Yuda 1:3

Lacham lainien, kore abaki aata yieunoto oleng naigerokinyie ntae naipirita ana jeunoto niking'ar, kadol ajo keirikino naigeroki ntae, alej payie inyoknyok aanya larrabal le inia kurukoto nemeibelekenya aikata, naitarasakaki apa sinyat le Nkai.

Mbolunoto 13:10

Kore tanaa keatae looibung'i aaya jila, nchoo ake eibung'i aaya jila. Naa tanaa keatae lori metua ta lalem, neri ake metua ta lalem. Naaku keyiere payie eng'iri ltung'ana le Nkai neaku looisiligai.