Yoana 7:7 - Samburu

⁷ Meidim nkop aibai ntae, kake kaaiba nanu amu kalimu sipata naipirita ninye ajo, kore mbaa naas naa keitorrok.

Yoana 7:7 ပူးပေါင်းရင်းမြစ်များ

Luka 6:26

Oi ntae tenerrep ntae ltung'ana pooki, amu nejia apa eikuna ꞉loominyi loibonok le sapare.

Yoana 17:14

Kaichoo ninche rerei lino, neibayie ꞉nkop ninche tankaraki namara lena nkop, ana namara nanu lena nkop.

Yoana 3:19

Naa tankaraki ana payie etudung'oka ꞉Nkai ltung'ana nkiguana torno: nchere eyewuo wong'an nkop, kake ketachama ltung'ana naimin neibai wong'an, tankaraki nara asat enche torrok.

Rroman 8:7

Amu kore ltung'ani oitore ꞉mpukunoto torno, naa lmang'antita le Nkai, nemeyieu ninye payie eitore ꞉nkitanapat e Nkai, nemeidim abaki neicho meitoria.

Lgalatia 4:16

Amaa, kataa naa lmang'antita linchi, tanaliki ntae ndedei?

Yakobo 4:4

Lotung'ana kulo lemeisiligai! Amaa, miyielolo aajo kore tinichamumu ntokitin e ana kop niakuku lmang'ati le Nkai? Naaku kore pooki ng'ae oacham ntokitin e ana kop, neitaa koon lmang'antita le Nkai.

1 Yoana 4:5

Kera ninche ne nkop naa inia pee eiro ana neiko nkop teneiro, nening ꞉nkop ninche.