Yoana 7:17 - Samburu

¹⁷ Kore pooki ng'ae oyieu neas yieunoto e Nkai naa keyielou tanaa Nkai eing'uaa nkiteng'ena ai, tanaa lomon lainien alimuta.

Yoana 7:17 ပူးပေါင်းရင်းမြစ်များ

Matayo 6:22

<

Luka 8:15

Kore lantarara ootodokita nkuluponi supat, naa lolo ooning rerei neibung taa ltauja supati oodede, neiu lng'anayio te ng'iriata.

Yoana 3:21

Kake kore ilo laa kore asat enyena naa ne ndedei, nelotu netii wong'an, payie eibalunyie ꞉wong'an nchere kore nenia naataasa ꞉ninye naa taatua Nkai etaasa.

Yoana 8:43

Aanyo payie mining'ung'u inia najoito? Tankaraki nimindimdim aaibung'a rerei lai.

Yoana 8:44

Kore ntae naa irara nkera e papa linchi Chitani, niyieuu niasias mbaa naang'uar ninye ataasa. Kore ninye naa larani apake ta ng'asunoto oar ltung'ana metuata, nemeitache ta mbata e ndedei, amu metii ndedei atua ninye. Kore payie esapicho ninye naaku mbaa naatiu te ninye eiro, amu lasapani ninye nera aitoki menye saparia.

Yoana 8:47

Kore pooki ng'ae oara le Nkai naa kening rerei le Nkai. Kore payie mining'ning ntae rerei le Nkai, naa tankaraki nimirara lenyena.>>

Asat 17:11

Naa kore apa Lyiaudi le Berea naa ltung'ana ooning'u mbaa aalang le Tesalonike, netang'amaitie rerei le Nkai te yieunoto kitok, eing'uraa Lkigerot Sinyat mparri pooki, payie eyielou tanaa kedede inia najoito Paulo.