Yoana 3:33 - Samburu

³³ Naa kore pooki ong'amaa inia limunoto, neiken ajo kesipa Nkai.

Yoana 3:33 ပူးပေါင်းရင်းမြစ်များ

Yoana 6:27

Eminyok aas siaai payie itumtum ndaa narroyo, kake entaas siaai payie itumtum ndaa nemerroyo nayau nkichui ee ntarasi. Kore inia daa naa Nkerai e Ltung'ani naicho ntae, amu ninye etipika ꞉Nkai Papa lminchire lenye le nkitoo.>>

Yoana 8:26

Kaata mbaa kumo nayieu najo naaipirita ntae o mbaa kumo nadung'okinyie ntae nkiguana, kake kore ilo laairriwua naa loosipat, naa nenia ake natining'o te ninye aliki nkop.>>

Rroman 15:28

Kore naa tanaidip aitabaki ninche ntokitin pooki naatobosuaki, naimu ntae aloito kue abaki nkop e Sipein,

Rroman 4:11

Kore muratare, neng'amaa ana nkitodolunoto naitodolu sipata ajo kera apake loosipat to nkurukoto ewuon abaki eitu emurati, payie eaku ninye papa loo lolo pooki ooiruk neikeni ninche aajo loosipat, abaki memurata.

1 Lkorinto 9:2

Kore abaki tanaa eitu aairruaaki ꞉Yeso lkulie tung'ana ana Lkipaaret lenye, kaairruaaka naa ntae! Amu ntae naa sipsip ooitodolu aajo kara Lkipaaret la Laitoriani.

2 Lkorinto 1:18

Kake kore ana nara Nkai naisiligai, kore tinikiliki ꞉iyioo ntae ntoki naaku nejia.

2 Lkorinto 1:22

Netegelua iyioo, nepik sii lminchire oitodolu ajo ikira lenyena, apik Ltau Sinyati atua ltauja lang ana sipsip ee mbaa pooki nikitum kenya.

Epeso 1:13

Taatua ninye sii aitoki itaa le Nkai apa payie ining'ining nirukuruk rerei le ndedei, lolo Omon Supati le njeunoto inchi. Naa taatua ninye sii itumo Ltau Sinyati le lekutuk oitaka iyioo Nkai, laa ninye sipsip nchere irara le Nkai.

Epeso 4:30

Emisinanie Ltau Sinyati le Nkai, laa ninye sipsip e lakunoto inchi kenya te inia parri.

2 Timoti 2:19

Kake kore nkitamanyunoto nemeigusugus natuuno ꞉Nkai naa keitache, neata kulo kigerot oojo, <> naa <>

Lburania 6:17

Nejia naa ake etiu, kore tankaraki keyieu apa Nkai neitodol katukul lolo ootum lekutuk lenye nchere meibelekenya yieuna enye, neitisipu inia bae eipot nkarna enye koon.

1 Yoana 1:10

Kore tinikijo eitu kias ng'ok, nikintaa ninye losapicho, naaku meti rerei lenye atua iyioo.