Yoana 3:16 - Samburu

¹⁶ Amu nchi etiu nchaman natachama ꞉Nkai nkop, nchere keicherua Nkerai enye ake nabo inoti, paa kore pooki ng'ae oiruk ninye, nemeidaaya kake ketum nkichon ee ntarasi.

Yoana 3:16 ပူးပေါင်းရင်းမြစ်များ

Matayo 9:13

Kake enchom enteng'enare kipirte e ele rerei le Nkai: <>

Marko 12:6

Kore ake lobo ong'or naa layieni lenye oacham. Kore tesiedi pooki nereu ilo ayieni lenye ejo,

Luka 2:14

<>

Yoana 1:14

Neaku ilo Rerei ltung'ani nemany atua iyioo. Nikidol nkitoo enye, inia kitoo natum ake ꞉nkerai nabo inoti ta Papa lenye. Naa kebore ninye munyani o ndedei.

Yoana 1:18

Nemeatae hoo obo otodua Nkai aikata, mara ake inia kerai enye nabo inoti. Netii tenebo o Papa lenye, naa ꞉ninye apa /oibalunyie.

Yoana 1:29

Kore mparri naijipita inia, nedol ꞉Yoana Yeso elotuta aipidakino ninye nejo, <

Yoana 10:28

Kaicho nanu ninche nkichon nemeiting, nemeidaari aikata, nemeatae loidim atowuapai ninche ta nkaina ai.

Yoana 3:15

paa kore pooki ng'ae oiruk ninye netum nkichon ee ntarasi.>>

Yoana 3:18

Kore pooki ng'ae oiruk ninye nemedung'okini nkiguana torno, kake kore pooki ng'ae lemeiruk neidipaki aatudung'oki nkiguana torno, tankaraki neitu eiruk inia Kerai ake nabo inoti e Nkai.

Yoana 3:36

Kore pooki oiruk Nkerai e Nkai neata nkichon nemeiting. Naa kore pooki lemening inia Kerai nemeichamcham inia nkichon, kake kore ngoro e Nkai naa kewuenie ninye.

Yoana 6:40

Amu kore nayieu ꞉Papa lai, naa metaa kore pooki ng'ae ooing'or Nkerai enye neiruk, netum nkichon nemeiting. Naa kaitipiu nanu ninche te inia parri e nkiting'oto.>>

Rroman 5:10

Amu kore apa ewuon kira iyioo lmang'ati le Nkai, neitemeletaki iyioo o ninye te lkiye le Nkerai enye. Naaku amaa taata eidipaki aitemeleta iyioo, kebaa sa eitejeunyieki iyioo nkichon enye?

Rroman 5:8

Keitoduaa iyioo Nkai nowua nchaman nacham iyioo, amu kore apa kira loo ng'ok nenang Kristo iyioo.

Rroman 8:32

Amaa ilo leitu emit eri Nkerai enye metua, kake keichorua metanang'a iyioo pooki, aji naa eiko payie meicho iyioo ntokitin pooki pecheu eichoo iyioo Nkerai enye?

Epeso 2:4

Kake keisapuk lng'ur le Nkai, necham iyioo oleng,

2 Ltesalonike 2:16

Kore Laitoriani lang Yeso Kristo koon o Nkai Papa lang, ilo oacham iyioo, neitogolo iyioo ltauja ntarasi, neichoo iyioo siligi supat to nkoitiei e munyani,

Tito 3:4

Kake kore apa payie eibalunyie Nkai nara Laitejeunoni lang supaticho o nchaman enye naata too ltung'ana,

Lburania 2:9

Kake ikidolita Yeso, oitodowuaki te nkiti kata aaitaa kini taa lmalaikani, etipikaki nkopiyia e sinyaticho o ne nkanyit amu ketumo mion ana metua, paa kore te munyani e Nkai neye anang ltung'ana pooki.

1 Yoana 3:1

Eng'ura ja newua nchaman natachama iyioo Papa lang le chumata, payie eji iyioo nkera e Nkai! Naa ninche kira. Meyielo iyioo nkop tankaraki nemeyielo sii apa ninye.

1 Yoana 4:19

Ikichamicho amu ninye apa oatachama iyioo tekue.

Mbolunoto 1:5

neing'uaa aitoki Yeso Kristo. Kore Yeso naa kelimu sipata enye, nera loisiligai, Nkerai e Nkai natipiwua aing'uaa lmeneng'a tekue nemeye aikata, naa ninye oitore lkinkii pooki le nkop. Ketachama ninye iyioo, nelaku iyioo too ng'ok ang to lodo lenye,